شكرا اخوانى على الافادة
انا نويت اسيبها شوية لانى مش فايق خالص للموضوع ده دلوقتى وحتى اهى تاخد العين زى ما بيقولوا ولو انها عمالة تاخد فى عيون كتيرة مش فاهم ليه امال لو كانت بى ام!؟
عرض للطباعة
شكرا اخوانى على الافادة
انا نويت اسيبها شوية لانى مش فايق خالص للموضوع ده دلوقتى وحتى اهى تاخد العين زى ما بيقولوا ولو انها عمالة تاخد فى عيون كتيرة مش فاهم ليه امال لو كانت بى ام!؟
السلام عليكم يا اخوانى
النهاردة انا اخدت قرار انى اصلح الخبطة وفعلا روحت عند سمكرى كويس عندنا هنا فى بنها سخنها وسحبها ودقدق عليها بعدين ساواها بالصاروخ وطلعت على بوهيجى بردو كويس ادتلها وش معجون وان شاء الله هروح السبت اصنفرها وبعدها بيوم ارشها
السمكرة اتكلفت 30 جنيه ولو انى كنت متوقع اكتر ولسه متفقتش مع البوهيجى ولو انى متأكد انه هيضرب سعر مش هيقل عن 150 جنيه لانه حراق شوية زى ما سمعت بس هبقى افاصل معاه واقولكم ايه الاخبار اولا بأول
السمكري سحب الخبطه ازاي
بص يا باشا سحبها ببنطة اللحام بقى يحط البنطة فى نقطة معينة فى مكان الخبطة ويسخن عليها يقوم الصاج يطرى يقوم هو شادد البنطة لبرة تقوم ساحبه معاها الصاج لبرة وكرر الموضوع فى حاولى 10 نقط وبالتالى الصاج بدل ماكان معووج لجوة بقى قابب لبرة وبكده يقدر يدق عليه ويشيل الزوايد اللى لبرة بالصاروخ ويساويها
و الله يا فندم كان من رايي تسبها كده و خلاص والموضوع ده طبيعي لانها واقفة في الشارع انا عارف انها تزعل بس حضرتك و الله كنت تسبها سيبها كده احسن و متتعبش دماغك
لو مامن اعرف اية مراكز الصيانة المتاحة ليك ---واختار المركز اللى بيستخدم طريقة الشفط وابعد عن الدق والقطع واللحام---الشفط بالمغناطيس وبس هى دى فايدة التامين
بينى وبينك انا مأمن وفعلا انا سألت فى ابو رواش لما كنت بعمل صيانة ال 5 الاف ولكن الكلام كان محبط وغير مشجع بالمرة لان لما عرفت منهم التفاصيل هتمشى ازاى لقيته حوار كبير وطويل هياخد وقت وهيكلفنى مشاوير للمراكز وشركة التأمين على خبطة انا شايفها صغيرة ولكن مكانها اللى صعب فقررت اسيبها شوية لحد ما أسأل واطقس واعرف ايه الصح.
المهم وبالصدفة عرفت من صديق ليا ان فيه سمكرى كويس اوى عندنا فى بنها وشوفت شغله فى عربية صاحبى فعلا شغل معلم قولت اروح اوريلو الخبطة واشوف هيقول ايه لقيته قالى هنعملها فى نص ساعة وهتتكلف 30 جنيه وان شاء الله هتطلع شغل كويس وفعلا عملتها وطلعت بيها على بوهيجى بوصاية من السمكرى وفعلا طلع راجل فنان الوان .. ادالها بطانة فى يوم وتانى يوم سنفرة وفيلر و تالت يوم اللى هو النهاردة رشيتها واخدت بوليش هى وحتة كمان فى الاكصدام الامامى كانت محكوكة وماشاء الله ما تقدر تحدد هو راشش فين بالظبط ولا تقدر تفتكر مكان الخبطة كان فين شغل تمام بصراحة والحوار كله اتكلف 200 جنيه مصنعيات واكراميات واخد يادوب 3 ايام.
ربنا يكفينا ويكفيكم شر الخبطات والحكات :tumb:
مبروك ياخالد وربنا يجعلها اخر الخبطات ويباركلك فيها