تماااام اوي كلامك
عرض للطباعة
أعوذ بالله من الشيطان الرجيم
حضرتك دي حرية شخصية في الأختيار
أنا مسلم وأرى في الأحزاب الأخرى مايبعدني عن ديني ووالله العظيم الموضوع قتل بحثا
الليبرالية ألي لاتتعارض مع الشريعة الأسلامية هي دي ألي بأيدها
لأنها هي مربط الفرس الدولة المدنية الأسلامية
عندك حزب الوسط ماهو لا أخوان ولا سلفيين وأسلامي برضه
وسؤال حقيقي هو فيه أحزاب سيلسية على الساحة لها تواجد فعال؟
بمعنى ممكن تقولي أيه الحزب ألي شايف أنك معجب بيه ومؤيد له......أسم حزب لو سمحت؟
على فكرة الاخوة الفاضل اللى بينادوا ويقولوا ان الاقلية عملت
الاقلية زمان مكنتش اقلية كانت اغلبية
دلوقت العكس
بقت اقلية
وفيها ناس بترفض اللى بتنادى بيه
منهم ممدوح حمزة والسيد البدوى هتقولوا دول خونة وقافزين على الثورة
هاوفق على كلامكم
واما حاولوا ينصبوا البرادعى رئيس وزراء واغتصاب المنصب من شرف والبرادعى رفض
رفضه معناه حاجة من اتنين
رفض لتوجهاتهم
او
ان الموضوع تمثبيلية
وعلى فكرة
اللى موافقين على العنف وقطع الطرق وما الى ذلك
يفتكروا ان مبارك واعوانه استعملوا اساليب مشابهة برده
أ/ تامر
مساء الخير المرة دى
زى ما حضرتك قلت ان اللى بيعمل كدة قلة من الميدان
طيب
الكورنيش فى اسكندرية
طريق العين السخنة
قناة السويس
لو هما قلة فى كل مكان
يبقى قلة بتسيء لاى متظاهر
والعائد مش فى صالح المتظاهر اللى بيطالب بالحق
ونعود من جديد من يخالف عميل وبتاع احنا اسفين يا ريس
بالنسبه للاراء احب اقولك كنت راكب عربيه المترو كله كان بيشتم بس المره دي بشتايم ما ينفعش تتكتب علي النت هيه دي الحاله العامه دلواقتي لو حابب نخدع انفسنا ونقول الناس كلها معانا والجموع الغفيره اعذرني لقد فقد الشباب الكثير الكثير من التاييد الشعبي
اللى راكب المترو و مش عاجبه الثورة ...... من جموع الشعب الغفيرة
فيهم كام واحد فكر يثور على الأوضاع ؟؟؟؟
فيهم كام واحد فكر يثور على وضعه هو جوه المترو ؟؟؟؟
فيهم كام واحد فكر يثور على الروتين و البيروقراطية اللى فى مجمع التحرير اللى كان من الممكن تقعده شهور عشان يخلص ورقة ...... عشان دلوقتى يزعل أوى على قفل المجمع يومين تلاتة ؟؟؟؟؟؟
الموضوع ده بيفكرنى بحكاية حكاها عمرو قطامش ......
تبقى راكب فى الميكروباص اللى المفروض أجرته جنيه و نص ...... تفاجىء بالسواق المستغل الواطى ..... بيغلى الأجرة ل 4 جنيه عشان الوقت بليل متأخر
يعترض عمرو على الأستغلال بشده و يقول الميكروباص مش حيطلع بالسعر ده ...... يفاجىء عمرو ب 12 راكب تانى مش عاجبهم أعتراضه ...... و يسمع كلام من نوعية
حرام عليك ..... عايزين نروح ...... مش عاجبك انزل ...... العطلة دى على حساب مين ..... منكو لله خربتوا الميكروباص ..... وقفتوا حالنا الله يوقف حالكم
ينزل عمرو من الميكروباص احتجاجا و تمسكا برأيه ...... بس يفاجأ ان الراكب رقم 13 اللى ما فتحش بقه
ست كبيرة عجوزة ..... مش معاها ال 4 جنيه و اضطرت تنزل من الميكروباص ...... بس فى نفس الوقت ماعندهاش الجرأة انها تعترض
يقف عمرو يبص للميكروباص ..... اللى ناس كتير ما صدقت انه نزل ...... و طلعت تجرى تلحق تركب مكانه و مكان الست الكبيرة ......
يكبر الموضوع فى دماغ عمرو و يقول لأ ...... أنا ماحدش حيستغلنى
و يقرر ياخودها مشى لحد البيت