عرض للطباعة
السلام عليكم
عايز أشترى جنوط 15 إيطالى مستعمل, رحت الحرفيين و كل اللى لاقيته حاجات متبهدلة, أنا سمعت ان بورسعيد فيها جنوط استيراد جامدة و رخيصة, و ناوى أروح الخميس ان شاء الله , ممكن تقولولى أروح لمين و فين ؟
أنا مستعجل علشان عندى فردة عجل بايظة و عايز أنجز الموضوع فى خلال يومين بالكتير:oops1:
أنا عايز أشترى فرش الألفا روميو 147 كمان, هلاقيه فين ؟
شكرا مقدما:grin54:
منطقة بنك الاسكان على حسب ما اعتقد
يا باشا كريستين عندها جنوط الفا روميو 15 و حالتهم كويسه
بتتكلم فى 1600 بس يخلصوا 1000 او 1200
انا كنت هاشتريهم بس انا كبرت دماغى و جبت جديد اريح
الجنوط الاستيراد مهما تكون نضيفه بتبقى مركبها و موسوس منها
دى صورتهم
http://img823.imageshack.us/img823/5199/17062011567.jpg
لازم تكون عارف حد هناك اصلا
شكرااااااقتباس:
المشاركة الأصلية كتبت بواسطة mohamed_refaat
ما أنا جبت جديد (تايلاندى) و طلع كويس بس مش 100% , عندى أكتر من شفة بتاعته إتنت فى مطبات مصر العظيمةاقتباس:
المشاركة الأصلية كتبت بواسطة mikology
هو كريستين دة فى الحرفيين ؟ الجنط اللى فى الصورة شكله معقول, عنده أشكال تانية كتير؟ ممكن تفاصيل عنه علشان أعدى عليه ؟
كرستين ده عند ميدان قصر الطاهره
ده رقم سامى اللى شغال هناك
0129694048
وعنده جنط تانى 14 الفا بس شكله مش حلو و عنده بتاع الانشيا العادى
ثم يا معلم صعب تلاقى جنط استيراد مافيهوش رفه ولا شفه متنيه
ربنا يوفقك وتلاقى حاجة كويسه وابقى قولى عملت ايه
صحيح كرستين اصلا بتشتغل فى الفا روميو يعنى ممكن تلاقى عندها الفرش
وليهم فرع فى بورسعيد بردو بس مواتير بس غالبا
فى الحته بتاعه الفيات هناك - انا لما روحت بورسعيد جالى احباط مالقتش جنوط فيات خالص
بص يا معلم - دور على جنوط الجولف هايركب عندك و معظم الالمانى - هتلاقى كتير هناك
ياريت لو روحت بورسعيد تعمل موضوع عن الاسعار والنظام هناك ايه للجنوط ال15
نصيحة أخوية.... هتروح هناك على قلة فايدة... مش هتلاقى حاجة... ولو لقيت هتلاقيه بيقولك 3000 وارقام غريبة كدة... انا قاعدت هناك أسبوع أدور على جنوط ليا.. اينعم لقيت بصعوبة.. بس كل اللى لاقيته متجرح ومتبهدل... وكانوا بيتكلموا فى 2700 وحاجات كدة دا بالنسبة لجنوط النوبيرا الشكل القديم..وفى الآخر جبتهم من القاهرة من عربية واحد قابلته صدفة وخدتهم بحالتهم والله ب 900.. جداد لانج
ألف شكر, أنا كلمته و قالى عنده جنطين حاليا, واحد 15 و واحد 16اقتباس:
المشاركة الأصلية كتبت بواسطة mikology
كويس جدا, ممكن أشترى فرش الألفا من عندهاقتباس:
المشاركة الأصلية كتبت بواسطة mikology
الجنوط الألمانى دايما بلاقيها 5 خرم, و كمان بلاقى الoffset بتاعها كبير جدا بالنسبة لعربيتى, يعنى الجنط هيحك عندى من جوة
ان شاء اللهاقتباس:
المشاركة الأصلية كتبت بواسطة moustafa_saad
شكرا على النصيحة, أنا دايخ على جنط نظيف و رخيص مش لاقى, فتوقعت الحياه تبقى حلوة فى بورسعيداقتباس:
المشاركة الأصلية كتبت بواسطة JAM
بتوع قطع الغيار فى بورسعيد فى منطقتين : عمارات بنك الاسكان و دى شبه الحرفيين فى القاهره بالظبط مع فارق ان البضاعه اكثر و الاسعار فى حاجات اقل (خصوصا المواتير و اجزاء العفشة و الصاج) و فيه منطقه تانى اسمها الجميل و دى زى التوفيقيه فى القاهره (قليل مستعمل و الاغلبيه كماليات)
لو هتروح بورسعيد علشان تشترى الارخص منصحكش لان البائع عارف انك جاى تسأل عن حاجه معينه مش موجوده فى مصر و موجوده عنده بس فمش هتاخد سعر كويس لكن لو رايح علشان عايز حاجه فعلا مش موجوده هنا و ضروريه للعربيه (زى موتور استيراد مثلا او كبوت او رفرف) يبقى توكل على الله و روح
نصيحه لو هتروح بورسعيد = فيه طريق جديد من دمياط اسمه الطريق الساحلى الدولى انظف بمراحل من طريق الاسماعيليه - بورسعيد بتاع القناه اللى بقى عامل زى صلاح سالم
هو حلو بس للى جاى من وسط الدلتا محافظات المنوفية والغربية والدقهلية ودمياطاقتباس:
المشاركة الأصلية كتبت بواسطة مواطن مصرى
انما لو من القاهرة الصحراوى ساعتين زمن وبس
شكرا على النصيحة, شكلى كدة مش هروح بورسعيد بعد اللى بسمعه دةاقتباس:
المشاركة الأصلية كتبت بواسطة مواطن مصرى
أنا هطلع من طنطا, هيبقى كويس الطريق دة معايااقتباس:
المشاركة الأصلية كتبت بواسطة y2y1500
السلام عليكم
انا من بورسعيد ومعاك ان الجنط الصينى والتايلاندى بيتبهدلوا عندنا فى مصر
ومعاك ان ان شاء الله هتلاقى اللى انتا عايزه ولكن اعمل حسابك انك هتلف شوية+ما تعتمدش قوى على حكاية السعر ده هما كده كده ما بتفرقش معاهم بورسعيد او غيره كله زبون الا لو معرفة وهو عارف ان اللى بيدور على جنط استيراد عايز النظيف
وعامه ربنا يوفقك بس لف كتير وحدد لنفسك رينج معين
اقتباس:
المشاركة الأصلية كتبت بواسطة Moe86
حلو اووووووووى
يبقى تطلع من طنطا طريق المحلة الكبرى وقبل ما تدخل المحلة تدخل شمال وتقطع الطريق الى المنصورة عن طريق الدايرى
وتفضل ماشى لحد كوبرى سمنود
اول كوبرى بعديه ما تطلعوش وتدخل يمين من تحته لحد ما تلاقى صينية وكمين ويافطة الطريق الساحلى الدولى هاتلف الصينية 3 ارباع لفة وتدخل يمين - ده طريق جمصة - اخره هاتطلع عند جمصة ومنها ع الساحلى لحد بورسعيد باذن الله بس خلى بالك انك هاتدخلها من منفذ الساحلى وتفضل ماشى على طرح البحر لحد ما تدخل شارع محمد على من اوله وتمشى فيه لبعد بنزينة وطنية الجديدة وبعدها تدخل يمين منطقة الاسكان والتعمير
نصائح وارشادات:
1- الطريق كله على بعضه 170-180 كم يعنى اقصر من الصحراوى
2- لو اول مرة تمشى ع الطريق ده بلاش تجرى عشان المطبات بالهبل رغم انه احسن كتير من طريق المنصورة بنها وكمان انت عارف يافطة المطب بتبقى قبله ب50 متر مش هاتلحق تفرمل كويس ودايما خلى قدامك عربية دليل وعينك على جوانب الطريق عشان الموتسيكلات والتكاتك والجرارات الزراعية
3- قفل العربية عليك واوعى تقف لأى مخلوق بتاتا حتى لو توهت وعاوز تسأل حد اقف فى مكان فيه محلات وسكن وسكان مش تقف تسأل واحد فى نص الطريق
4- الملفات ع الطريق كله اوقات بتبقى جامدة شوية ابقى حاول تسوق بالراحة عشان انت مش متعود ع الطريق
5- لما تطلع ع الساحلى فى اتجاه بورسعيد افضل ماشى لحد اليافطة التانية لأن الطريق مقسوم فى بعض الاماكن - رايح غير راجع عشان البحيرات - يعنى تفضل ماسك يمين بعد دمياط ب10-15 كم هتلاقى يافطة بورسعيد - دمياط لفة شمال سيبك منها بدل ما تدخل فى منطقة شركات البترول
خليك فى التانية بعد 30-40 كم تقريبا دى هاتطلعك جنب سور مطار بورسعيد بالزبط تلف شمال كأنك راجع فى اول يمين مفيش 3 كم تلاقى المنفذ عالطول
7- خلى بالك من فواصل كبارى الطريق الساحلى كلها بايظة ومتاكله وممكن تقطملك العربية - دايما خلى عربيات قدامك دليل خاصة نقل وميكروباصات وبيجوهات عشان حافظين الطريق
6- ياريت تاخد حد معاك وتروح وترجع بالف سلامة وطريق العودة زى الذهاب بالزبط :satelite:
وصفة تفصيلية فظيعة, بجد أنا مقدر جدا تعبك فى كتابة الوصفة دى كلها, ألف شكراقتباس:
المشاركة الأصلية كتبت بواسطة y2y1500
لا شكر على واجب يا زعيماقتباس:
المشاركة الأصلية كتبت بواسطة moe86
ده من واقع تجربة عملية من الطريق نفسه مرات عديدة
لو احتجت اى حاجة كلمنى 0184949888