بـلـطــجــيـة اصـحـاب مـزاج يـقـدرون زمـن الـفـن الـجـمـيـل ... و عجبي !!

**Amr Axel** · 13-07-2011 02:15 AM

منقول
تعرض مساء أمس، الفنان حسن يوسف وهو متوجه إلى الإسكندرية لاحتكاكات من بعض مسجلين الخطر والبلطجة على طريق مصر الإسكندرية الصحراوى قبل وصوله مدخل المدينة بنصف ساعة.

وقال يوسف ، فوجئت بشخص يقود سيارة وبجواره شخصا آخر يحملان سلاح أبيض وقاموا بالاحتكاك بالسيارة، مما أسفر عن كسر المرآة وبعض الخدشات الأخرى.

وأضاف يوسف عندما رأوه البلطجية كادوا أن يفتكوا بى لولا أن تعرفوا على قائلين
"معلش نفتكرك مواطن عادى يا أستاذ حسن".

وأكد يوسف أن الفوضى والبلطجة ستستمر فى الانتشار طالما هناك اعتصامات واختلافات مع الشرطة، وطالب ثوار التحرير بالتوجه إلى طريق مصر الإسكندرية لحماية المارة بدلا من الاعتصام فى التحرير.

انا تعليقي بقي مش ع الحادثة نفسها لأن فنانيين اخرين اتعرضوا لنفس المواقف لكن تعليقي ع حكاية نفتكرك مواطن عادي و واضح انهم اسكندرانية ههههههههه
صحيح بلطجية اصحاب مزاج و بيقدروا زمن الفن الجميل
واضح انهم بلطجية زيمجرميين مختصيين سرقة او سطو او قتل او اغتصاب
دول بقي اختصاص المواطن العادي

**ahmedmali** · 13-07-2011 03:04 AM

مش كل حاجه تسمعها تصدقها، أنا يومين في الاسبوع على الصحراوي و عمري ما قبلت حاجه كده

**Everlasting** · 13-07-2011 03:10 AM

حسن يوسف بتاع كنتاكي والــ 200 يورو!!

**mahamedaraby** · 13-07-2011 03:53 AM

بغض النظر عن الموقف اذا كان صح او غلط و انا برجح ان هو غلط
لكن عجبنى اوى شغل المزاج بتاع البلطجيه الصراحه موقف مضحك جدا

**Amr Axel** · 13-07-2011 04:17 AM

هاهاهاهاهاهاها

إفتكرناك مواطن عادي

حسبي الله ونعم الوكيل

فعلا حسبي الله و نعم الوكيل

مش كل حاجه تسمعها تصدقها، أنا يومين في الاسبوع على الصحراوي و عمري ما قبلت حاجه كده

استاذ احمد مش شرط حضرتك تواجه لكن فيه غيرك يواجه
ع سبيل المثال اللي جريوا ورايا بعربية ع الدائري اللي بيودي ع الحي السادس هل كل الناس هتقابلهم اكيد لأ هل كل اللي في المنتدي هم اللي هيقبلوا نفس الناس او الموقف اكيد لأ ده فاحنا نفترض الصحة و الخطأ لكن منعتبرش ان اي حاجة تبقي اشاعة لمجرد اننا عايزين نطمن نفسنا ان الدنيا مفيهاش حاجة
احنا السنة ديه وصلت نسبة الجرايم لحد دلوقتي اكتر من 100 في المية

حسن يوسف بتاع كنتاكي والــ 200 يورو!!

يا ايفرلاستنج انا محتار منك اي موضوع ينزل لازم الاقيك برد يجنني اكتر مانا متجنن خلقة هههههه مش عارف ليه حاسس انك لو شيلت الصورة اللي تحت و خليت علم مصر بس هتتغير ههههه او اقولك متحطش صور خالص هههههه
بس ايه اللي جاب الـ200 يورو هم مش كانوا 50 دولار
و لا جايز زادت مع ارتفاع الاسعار طب يلا بينا هههههه

بغض النظر عن الموقف اذا كان صح او غلط و انا برجح ان هو غلط
لكن عجبنى اوى شغل المزاج بتاع البلطجيه الصراحه موقف مضحك جدا

و انا زي مقولت الموضوع منقول سواء صح او غلط
و هدفي مش الموقف نفسه اللي هو السرقة لكن هدفي القكاهة من حتة المواطن العادي ديه بس مش اكتر

دعابة يا جماعة دعابة اضحكوا شوية شكل الثورة اثرت علي كله ههههههه

**SkyBird** · 13-07-2011 04:54 AM

مش عارف ازاي حضرتك مصدق كلامه الخرافي ان فيه بلطجية يقدروا موهبة حسن يوسف ؟
فعلا التعصب يعمي

حسن يوسف كذاب
لانه طاف على قنوات التلفزيون يروج لكذبة اتهام الثوار بالكنتاكي والاموال
عنده حالة عداء شديدة للثورة فشهادته ساقطة اصلا