يعني هي دي خلاصة كلامي؟
طيب انا اسف
و ياريت المشرف يشيل مشاركتي عشان طلعت بتدعم الرأسمالية المتوحشة
حقكم علي
عرض للطباعة
ولا تتنرفز ولا تضايق نفسك خالص يا باشمهندس غازي...والله ما في حاجة مستهلة تنرفز نفسك و تتضيع وقتك و الكلام مالوش فايدة...المعايير اتقلبت و بقت قلة الادب و التهكم علي الاخرين معيار الوطنية و الثورية
عشان حسني مبارك قال كلمة فوضي في خطاب من خطباته يبقي اي حد ينطق الكلمة دي في ال 50 سنة اللي جاية من انصار النظام السابق و نتريق عليه
تصدق ان مرة شفت تعليق واحد بينتقد خطاب شرف عشان قال " الاخوة المواطنون"...يعني عشان مبارك كان بيقولها بقت الكلمة قبيحة و ما يصحش تتقال و يبقي كده اثبتنا ان عصام شرف من فلول النظام و تبع الثورة المضادة
اللى ابتدى الاخوة المواطنون والاخوة والاخوات
عبد الناصر
تصدقوا طلع ثورة مضادة
يا تامر بك
الاقتصاد
دائرة
اول ما حتة تقف
كله يتبهدل
الحد الادنى
هيعمل تضخم مرتفع جدا لو اتطبق مرة واحدة
شوف كام واحد مرتبه هيزيد الى 1200
هيعمل ايه
هيشترى
التاجر بتاعنا هيعمل ايه
ما هو كمان بيدفع مرتبات غير ان فيهم شوية طماعين
هيزود الاسعار
يبقى الل مرتبه زاد مش هتلاقيه عمل استفادة
واللى مرتبه ما زادش ما استفدش وانضر
فيه حاجات فى الاقتصاد بالذات لازم تطبق مرحلى
عارف التضخم لو استمر كمان
هنبقى زى الدول الشرقية
اما حررت اقتصادها
وتلاقى القوة الشرائية للجنيه انخفضت والعملة بقى مالهاش لازمة
سيبكم من الاصبع بتاع اللواء الفنجرى
خدوا الهتاف ده
هههههههههههههاقتباس:
شهد ميدان التحرير الأربعاء انخفاضا ملحوظا فى أعدادالمتظاهرين، فيما نظم عدد من المعتصمين مسيرات مرددين بعض الهتافات التى تدعو إلى الاستمرار فى الاعتصام مثل " الشمس والجيش ايد واحدة ".
أحمد بيه
جامدة جداااااااااا هههههههههه
يلبسو كاب
توقيعك كمان رائع
قولي من قائل هذه العبارة؟
مش شرط يكون الناس اللي مع الثورة عاجبهم كل اللي بيحصل
بصراحة شئ زايد عن حده التهكم والسخرية
مش كل حاجة نقلبها هزار
الجد جد والهزل هزل
قوام الصفحة معجبينها عدوا الخمس الاف
طبعا الناس اللي كانوا ضد الثورة من الاول هيفرحوا ويقولوا ادي الناس اللي مع الثورة عددهم بيقل
لا
انا لازلت مع الثورة .. لكني ضد التصرفات الصبيانية غير المسئولة
صحيح ان الضغط بيجيب نتيجة .. بس ما ينفعش نضيع تعب الثورة وارواح الشهداء بسبب شوية طيش وناس بتستخف دمها
أراه انفلات أخلاقي و هيافة
أكثر شئ أوجعهم عندما تكلم اللواء الفنجري عن إقامة الانتخابات في موعدها و كان حادا في كلامه
انا مش عارف انته عمال تقاوح مع الأخوة الأعضاء و كمان أسلوبك في الرد فيه شىء من السخرية أكني بتكلم كلام غير موزون حتى لو انا كلامي غلط وضحلي او فهمني وجهة نظرك
مش لازم البورصة لما تخسر تصحى الصبح تلاقي المحفظة الفلوس فيها ناقصة
و انا مش محتاج اوضح اكتر من الأخ a.saadو الأخوة الاعضاء و ضحوه و مش هتعبي نفسي في التوضيح لإن الرد هيكون بالأسلوب ده
انا حبيت اكتب رأيي بما إني خايف على بلدي و عامل حساب الناس الغلابة في كل شىء و بحمد ربي على نعمه عليه و عامل حساب إن فيه حاجة اسمها الرأي و الرأي الآخر و إن كل واحد لازم يحترم رأي الآخر
بس للأسف أي حد بيتكلم كلام مش عاجب التاني حد لو كلام سليم و صحيح التاني يسخر منه و يرد بإستظراف
و للأسف الواحد بيبعد عن مشاركات القسم الأجتماعي علشان بيحب يبعد عن المشاكل و القيل و القال و يضطر كل شوية يرد و يبرر موقفه
بيشتري دماغه بصراحة
الله يهديك و يهديني و يهدينا أجمعين
السلام ختام
و الله العظيم أنا معاك في كل كلمة قلتها
و انا حزين جدا على حال معظم الناس
و الحل الوحيد الصمت و التجاهل
والله من امبارح وانا متوقعه تهكم زي كده
وافتكرت صفحة الراجل اللي ورا عمر سليمان
لهجة الخطاب كانت فيها تهديد فعلاً بس طريقة الإلقاء كانت مفتعله ومسرحيه
انا حسيت انه مجبر على طريقة الإلقاء لتوصيل رساله معينه
ولا يصح ان ننتقد الناس بهذه الصوره مهما اختلفنا معهم
في بعض التصرفات بتشوه شكل الثوره
الموضوع رمزي
القصه ليست قلة ادب وتهكم على الناس ولكن القصة فرق اجيال وفرق ثقافات بين جيل تربى على تقديس الاشخاص من رؤساء وقادة وبالروح والدم نفديك يا زعيم استمرار لميراث طويل من عبادة الفرعون الاله الذي لا يخطئ او الرئيس الأب الحاضن لابناءه من خطر وهمي يهددهم به على الدوام وبين جيل جديد شاب كره كل هذه السلوكيات المعيبة . جيل جديد يرى في الحاكم مجرد موظف هو الذي يدفع راتبه وهو الذي من حقه ان يقطع عنه هذا الراتب ويعزله فانقلبت الاوضاع في نظر كبار السن واعتدلت الاوضاع في نظر الشباب.
اصبع سبابة الفنجري لم يكن الا رمز للترهيب والوعيد والسب والتخوين لهؤلاء الشباب قابلوه بالتهكم والسخرية لتوصيل رسالة معناها ان ضع يديك جانبك وانت تحدثنا فنحن الذين ندفع راتبك فالاولى ان تؤدي وظيفتك بدون ازعاج والا فلتغرب عن وجوهنا .
من يدافع عن الفنجري بأنه يقصد المخربين و لا يقصد شباب الثورة لا يفهمون ما وراء الخطاب, فالفنجري لم يحدد الجهة التي يخاطبها قاصدا متعمدا فعلى اي اساس حددتم ؟
اذا كان يقصد البلطجية اعداء الثورة فهم يعيثون في الارض الفساد من شهور ولم نره يحدثهم بهذه اللهجه ولم يخرج لهم اصبع واحد ولماذا انتظر وقت الاعتصام حتى يحدثهم؟
اذا كان يقصد الذين يهددون باغلاق قناة السويس فقد اغلقها زعيمهم عبد الناصر وكان بفعلته بطلاً مغواراً
واذا كان يقصد من اسماهم "القافزين على السلطة" فهم انفسهم قافزين على السلطة فهل يحق لهم ويحرم على غيرهم
واسأل الفنجري من هؤلاء القافزين على السلطة ايها اللواء ؟ اما انك تكذب واما انك لا تكذب فاذا كنت لا تكذب فأنت حتما تعرفهم .... فلماذا لا تقبض عليهم وتقدمهم للمحاكمة فاما انك مقصر واما متواطئ معهم وفي كل الحالات فكلماتك تدينك بلا جدال ولا يقولها رجال الدولة
لهذه الاسباب نحن نسخر ونتهكم على كل من يسخر ويتهكم علينا
ونترك الذين يقبلون بان تتهكم عليهم لضميرهم
أبرز التعليقات والتويتات الرافضة لبيان الفنجري على النحو التالي:
حد خد باله أن فنجر، يعني صباع بالانجليزي؟
الفنجري كان مخيف لدرجة أن المرة دي الشهداء هما اللي ضربوا له تعظيم سلام
سؤال لولبي: لماذا الجيش لم يخاطب البلطجية بهذة اللهجة الحادة وخاطب الشعب بها؟
القذافي: كلمة فنجري مكونه من جزئين
1- فنجر وهو الصباع باللغة الأجنبية (ولم يحدد أنهي صباع)
2- جري ودا اللي هيعملوه المجلس قريب جدًا
صبع صبع يا عم الحج
اللوا الفنجري أنا زي المليجي طيب خالص بس المشير هو إللي بيحصرني في أدوار الشر
أخبار عام 2051
استمرار حبس الشريف وسرور ١٥ يوم على ذمه التحقيق
مبارك يعاني من ألتهابات في صوابع رجله
تاجيل الانتخابات والاعلان الدستوري لسبتمبر ٢٠٥٢
الخيم تملئ ميدان التحرير استعدادًا لجمعة ٤٠ سنة وأحنا لسة هنا
قبل وفاته عن عمر حوالي ٧٠ عاما قائد شباب ثوره ٢٥ يناير ٢٠١١ يطالب أحفاده بالاستمرار لتحقيق المطالب والقضاء علي فلول النظام السابق
http://a4.sphotos.ak.fbcdn.net/hphot..._1077223_n.jpg
بعض شباب الكنبة يعلنون دائما انهم مع الثورة من البداية ولكنهم ضد الاعتصام في التحرير .... ولكني اقول لهم .... وهي الثورة كانت اية غير اعتصام 18 يوم في التحرير حتى تم تنفيذ المطالب وتنحى المخلوع مبارك ...
انت ليه محسسني اني شتمتك ؟؟؟؟
امال انا ليه طيب ما زعلتش لما قلت لي سيبك من الشيوعية و ما قلتلكش هو انت بتقول عليا شيوعي ولا ايه و الكلام ده ؟
جميل , انا اقتصاديا على قدي , خليني اقول شوية تساؤلات بفرض صحة الكلام ده ,
1- فين الحد الأقصى ؟
2- فين الجدول الزمني للوصول للحد الادنى (ماهو احنا مش هانقول ده بيضر الاقتصاد و نكبر دماغنا و نسيب الفقرا دول يتحرقوا عشان خاطر الاقتصاد اللي احنا كطبقة وسطى مستفيدين منه و اظننا متفقين في دي)
3- في الخطوات اللي مفروض تتعمل لظبط الاسعار ؟ و اظن انها من غير حد ادنى ولا غيره عمالة تزيد بجنان ؟
و الله الرد مافيهوش لا (سخرية) ولا (استظراف) , بكل بساطة هو شيء من الفكاهة لتخفيف حدة الخلاف في الرأي و اضفاء جو من الود , مش عارف اقول لك ايه بصراحة في مقابل اللي بتقوله ده
و بالمناسبة انا مش (باقاوح ) , ولا طريقة كلامي وحشة , انا هاعذرك بس في الكلام ده لأنك افتكرتني باسخر منك و لو اني مش عارف جبتها منين دي, ما استاذ احمد اهو بيقول لي يا تامر بك , شفتني قلت له انت بتتريق عليا ولا ايه ؟ لا قلت ولا هاقول
+1
---
بصرف النظر عن موضوع الصفحة و الصباع ... احنا شعب مهرج يعني ...
بس النقطة الاساسية فعلا و الكتير علق عليها كبارا و صغار .. هي طريقة الكلام !
يعني ايه علشان قائد في الجيش يبقى لازم يتكلم بطريقة مسرحية ؟؟
قلب ايه و بتاع ايه .. الموضوع باين انه تمثيل يعني ... و في كلام معين بيتضغط عليه في النطق و على فكرة دي كانت طريقة كلامه دايما مش المرة دي بس ..
فتقريبا دي "قوانين" او اوامر من الجيش في طريقة الخطبة ....
يا اما هو متعصب فعلا و في الحالة دي يبقى :
ببساطة هو بيزعق لكل الناس و بعدين يرجع المجلس بطب طب على المتظاهرين !
بمعنى ! الزعيق و الوعيد عام !
البلطجي يخاف ! و المتظاهر يخاف !
وبعدين نحشر كلمة " حرية الراي مكفولة للجميع في الاطار السلمي " بمعنى اصح ... وجعتم دماغنا اقعدم في البيت احسن !
وبعدين ينقسم الشعب الى قسمين على حاجتين ...
ناس بتقول هو بيزعق ليه .. و ناس تقولك ده بيتكم من القلب
ثم ينقسم على ماجاء في الخطاب
هو ليه الخطاب مش حلو .... الخطاب جميل ! اعد ! اعد !
ونتلهي شوية في الخطاب ... و كلها اسبوعين و حنرجع نمسك في بعض تاني و انت اخواني و انت ليبرالي و انت اهلاوي !
معلش علي ردي
تفاها مالهاش لازمه
وعلي فكره الراجل ده محترم جدا جدا
متهيألي أنت بتهزر يا سكاي بيرد أنا أعرف أنك مضطلع على الأديان كويس وعارف أن ده مش أسلوب تعامل بيه الكبير في السن أولا
وثانيا ولي الأمر
يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ ۖ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ ۖ بِئْسَ الِاسْمُ الْفُسُوقُ بَعْدَ الْإِيمَانِ ۚ وَمَن لَّمْ يَتُبْ فَأُولَـٰئِكَ هُمُ الظَّالِمُونَ ﴿١١﴾
كان نفسي توجه نقدك للصيع ألي تناسو القيم العليا للثورة (الحرية) ألي قفلو المجمع وقطعو طريق السخنة وهددو بقطع المترو.............بلطجية
حريتك تنتهي عند حرية ومصالح الأخرين
ولا همى فاهمين العصيان المدني على مزاجهم
يمنعو دخول الناس لأشغالهم ومصالحهم ويقولك عصيان مدني .....دي هزلت
مصالح الوطن اللى تعطلت معروفه . من الذي أغلق ميدان التحرير في وجه المواطنين وتسبب بشلل مروري في وسط المدينة؟ .. من الذي حاول إغلاق كوبري قصر النيل؟ ... من الذي أغلق المجمع في وجه المواطنين؟ .. مين اللى اغلق طريق العين السخنه
اما بقى التهديدات اللى ماتعرفهاش
1- تعطيل مترو الأنفاق
2- اغلاق كوبري 6 أكتوبر
3- اغلاق ملاحة فى قناة السويس
4- حصار مجلس الوزراء و عزل عصام شرف و تعيين البرادعى بدلا منه "بالعافيه "؟؟
كل اللى فات ده مايضرش بمصالح الوطن ؟؟؟
انا سنى 28 سنه على فكره و كنت فى الثوره من اول يوم 25 نفسه و اتمسكت و اتسحلت ... انا حبيت اقولك كده علشان ماتقولشى عليا ضد الثوره من البدايه
لو كان عملها فيبقى عملها لضغط دولى ... لكن انتا بتعملها علشان تضغط على بلدك ... عار عليك بجد
نفكر فى الموضوع بتروى شويه و حتلاقى ان الثوره السلميه بتتحول بحماقه الى العنف
و المتظاهرين الطاهرين بيتحولو الى بلطجيه
و نمشى واحده واحده بهدوء كده
من البدايه كده فيه تصعيد غير مبرر و بغبااااااااااااء من 6 ابريل و معظم ائتلافات الثوره (اللى عدو 170 ائتلاف) ماحصلشى فى الثوره الاولى
و نمسك الاحداث من اول يوم 27 /6 لما كانت 10 اسر شهداء للثوره بيتكرمو فى مسرح البالون... فيها حاججه دى
هجم عليهم "ناس بيقولو انهم اهالى شهداء" و عاوزين يتكرمو هما كمان و حدفو المسرح بالطوب و سرقو منه حجات (موثقه بالفيديوهات ).. اقول على الناس دى ايه بقى مالهاش الا كلمة بلطجيه
بشهادة الشهود الشرطه لما اتدخلت كانت بتضرب نار فى الهواء و البلطجيه دول بيضربوهم بالمولوتوف
تحولت الشرطه الى العنف (بغباء) و الموضوع اتقلب الى حرب لما "البلطجيه دول راحو و استنجدو ببعض اهالى الشهداء "بجد" علشان ينصروهم
بعد كده حصل السيناريو المعتاد و اعلن الاعتصام فى التحرير بعد انتهاء الحرب دى .. و زى ماتقول 6 ابريل ماصدقو و قالو حنقدم 8 يوليو و تبقى دلوقتى
طبعا لما الاعداد قلت رحعو فى كلامهم و قالو الاعتصام حيبقى تانى 8 يوليو (و اهه يكونو الاولاد خدو الاجازه)
من اول يوم 7 يوليو (قبلها بيوم) و انا سمعت دعو العصيان المدنى - العصاين المدنى ده ما استعملشى فى عز الثوره اللى بجد جايين تعملوه دلوقتى
و بعد كده ايه هى المطالب اصلا ... كل جهه بتقول مطالبها و الكل فاكر ان المطالب الاخرى دى مطالب هامشيه
المطلب الوحيد اللى الكل مجتمع عليه هو محاكمة الظباط
و من البدايه كده صعب ادانة الظباط لعدم توافر الادله
ماهو جمع الادله شغلة الظباط اصلا
و احنا كنا فى ثوره ووسط الهرج و المرج صعب انك تحدد اى موقف
الكلام ده لو عاوز تاخد بالقضاءء العادل و تبقى ديموقراطى
لككن قولى اى ديموقراطيه فى المنظر ده
http://www.egynews.net/wps/wcm/connect/a9d80c80478c0bed830dbf37e170b0db/Thumbmail2011-07-11+13%3A44%3A52.646X.jpg?MOD=AJPERES
اى ديموقراطيه فى طرد د صفوت حجازى من الميدان
http://www.masrawy.com/News/Egypt/Politics/2011/july/12/tahrir_safout.aspx
..صفوت حجازى اللى يوم موقعة الجمل مسك الميكروفون و قال "من يبايعنى على الموت" و اتجمع حوله 5000 واحد
اى ديموقراطيه فى قطع طريق العين السخنه
ده بالاضافه الى بالونات الاختبار اللى قوبلت بالرفض الشعبى زى ( قطع الملاحه فى قناة السويس - و قطع مترو الانفاق )
بالذمه فيه واحد وطنى مخلص "زى مابتقولو " يؤيد قطع الملاحه فى قناة السويس
الناس اللى فى التحرير دى بقيت منتميه الى الثوره و ليس مصر
زى مابيقول شعارهم " الثوره اولا" .. انا اللى افهمه مصر اولا
وياريت بلاش التعليق الغبى بتاع "انتا لو كان ليك حد شهيد كنت حتعمل اكتر من كده "... الشهيد اللى مات ده مات علشان مصر مش علشان الثوره لأنه لما ما ماكنشى يعرف بوجود ثوره اساسا
انا نفسى كان ممكن مابقاش موجود دلوقتى و ده علشان مصر مش الثوره
بالمناسبه صحيح مافيش اى حركه من الحركات اللى دعت للثوره الثانيه دعت لاى عمل قومى يعيد بناء البلد فى الفتره اللى فاتت
يبقى بعد كده المفروض اثق فى 6 ابريل و ائتلافات الثوره ؟؟
صحيح افتكرت فى وسط السلطه بتاعت التحرير دى ان المفروض انتخابات مجلش الشعب بعد شهريين ؟؟؟؟
اه و الله شهرين بس
ماحدش اصلا عارف مرشحين الدواير الانتخابيه فضلا عن برامجهم الانتخابيه و اللى المفروض حنتختار عليها الناس اللى حتمثل الشعب بشكل متحضر فى مجلس الشعب
و ده ليــــــــــــــــــــــه
علشان دعاة الثوره اللى على طول بيدعو للثوره و تجاهلو الطريق الديموقراطى المطروح من المجلس العسكرى
بالمناسبة ايه رأيكم في طرد الشيخ صفوت حجازي
و لماذا طرد؟؟؟؟
الله يفتح عليك أ.khaled_sabry
تحليل وربط أحداث ولا أروع
khaled_sabry
انت مبتجيش كتير ليه
مش تبقى تيجي
otefa@
@A.Saad
الله يخليكم اخجلتم تواضعى .. بجد مش تريقه :E_braces[1]:
@Dojuar..
اسكت ياراااااااجل مش انا كنت محظور و الناهرده اول يوم ليا فى المنتدى بعد "حريتى " :backtotopic:
انا كنت محظور "و استاهلها" نظرا لأنى تعديت بالقول على احد الاعضاء للإختلاف فى وجهات النظر .. على فكره دى اول مره اخد فيها حظر يعنى انا بقيت "سوابق" بس لكن مش "بلطجى بوشوم و نجوم داود"
اصل الواحد بجد بقى بيتعصب كتييييييير من بعض وجهات النظر المختلفه (او المتضاده تحديدا) و العرق الصعيدي بيضرب فى نافوخى كتير الايام دى :breakpc2:
المعترضين دائما مش عاجبهم اسلوب و لا صباع الفنجرى
و السبب ؟؟ اصل اسلوبه مش حنين
اصل صباعه بيفكرنى بمبارك
اصل البت كانت افشة عليا امبارح و اتعصبت لما شوفت الصباع
متى سينضج شبابنا و يتحملوا المسؤولية
ان التعليق على اللواء الفنجري أحد رموز الثورة البيضاء بهذا الشكل ما يحصلش الا من اشخاص تعبث بمكتسبات هذه الثورة
[youtube]http://www.youtube.com/watch?v=xwnJh7dt7RA[/youtube]
فيديو لشوية عيال بياخدوا مصروفهم من اهاليهم بيهتفوا " يا فنجري لم صباعك" و " يا جيش سيب السلطة"
و يا تري الجيش يسيب السلطة لمن؟ مش فيه انتخابات برده بعد شهرين؟ ولا نسأل المعتصمين في التحرير تحبوا الجيش يسيب السلطة لمن.
فعلا يا ريت الجيش يبعت احد اعضاء المجلس العسكري لميدان التحرير عشان يسأل الواد اللي بيقود الهتاف يا تري يحب من يمسك السلطة بدل الجيش و من غير انتخابات
بس اهم حاجة اللواء اللي هاينزل ميدان التحرير يكو ن صوته حنين وواطي احسن العيال يخافوا منه و يقوله بيكلمنا باسلوب وحش و بيخوفنا
ط§ط¦طھظ„ط§ظپ ظ‚ط±ط§ط·ظٹط³ ط§ظ„ط«ظˆط±ط© ظ…ظ† ط§ظ„ظ…ظٹط¯ط§ظ† ظٹط±ظپط¹ ط´ط¹ط§ط± '' ظ‚ط±ط·ط³ظ†ظٹ ط´ظƒط±ط§ ''
''نعلن نحن ائتلاف قراطيس الثورة عن بداية ذلك الائتلاف ليضم كل من يشعر بالقرطسة'' .. تلك هي كلمات البيان التأسيسي لائتلاف شباب ''قراطيس الثورة'' والذي رفع '' قرطسني شكرا '' شعار له .في إطار الكوميديا السياسية والفكاهة المصرية، اعلن مجموعة من الشباب إقامة ائتلاف للتعبير عن كل من شعر ''بالقرطسة'' سواء من النظام السابق، او بعد الثورة من المجلس العسكري وذلك ضمن الكثير من المجموعات الشبابية التي تقوم بتكوين ائتلافات للتحدث باسم شباب الثورة ولكن هذه المرة في اطار فكاهي ساخر .
واكدت ميرفت ابو شادي عضو الائتلاف ان الفكرة، جاءتهم من احد البسطاء المنضمين لمظاهرات التحرير في جمعة انقاذ الثورة 8 يوليو، والذي كان يرتدي ''قرطاس'' من الورق مكتوب عليه '' احنا الي اتقرطسنا كلنا'' وكان هذا اليوم هو بداية انطلاق الائتلاف الساخر .
ويرفع الائتلاف لافتات يؤكد فيها ان المؤسسات التي ''قرطستنا ''هي '' الإعلام والداخلية والقضاء والمجلس العسكري '' بجانب لافتة يدعوا في تلك المؤسسات '' قرطسني شكرا '' ويوجه دعوة لشباب الثورة '' اللي شايف نفسه متقرطس ينضم لينا ''
http://productnews.link.net/general/...1714184536.jpg
http://productnews.link.net/general/...1714184636.jpg
انا مش هاتكلم عن رأي في المعتصمين في التحرير دلوقتي
زهقنا من الكلام في الموضوع ده
انا بس عايز أعرف ايه الكوميدبيا و خفة الدم و الفكاهة و الظرف اللي في الموضوع ده؟
بجد يا جماعة حد شايف اي فكاهة او خفة دم في الخبر ده؟
اصل انا بدأت اشك ان دمي تقيل و مفيش حاجة بتعجبني
بصراحة مش شايف غير هيافة وقلة أدب وبشر .......مش لاقين أهل يلموهم ولا عارفين همى بيكتبو أيه وممكن يفيد البلد ولا يضرها
ولا الظاهر الواحد قدم وفكرته عن الأخلاق والتربية بقت أولد فاشن !!!
سأترك للادارة التعليق على ردك الغير محترم
ادنى معايير التخاطب وهو يحوي كمية مبتذلة من السباب والتى
لم تترك شريف الا شتمته
ولو انني لم اندهش من المطبلين لك
اتعبت نفسك بلم الشرقي على الغربي
بلا طائل
الثورة السلمية حمقاء
المتظاهرين الطاهريين بلطجية
6ابريل ومعظم ائتلافات الثورة اغبياء
مسرح بالون
الظباط براءة
طرد صفوت حجازي
الانتخابات بعد شهرين
لم اجد اصلا اي كلام سياسي يستحق التعليق فلا يوجد رابط بين اول ردك مع وسطه مع اخره
أسكاي بيرد
يعني المفروض نشجعك يا سيدي وأنت بتتريق على رمز من رموز قواتنا المسلحة
لا مش هايحصل
الجيش والشعب أيد واحدة غير كده يبقى بتغرد مع بعض الأقلية من الثوار ألي متبعة مبدأ الغاية تبرر الوسيلة حتى لو ضد مصالح أمننا القومي
قناة سويس أيه ألي بيهددو بقفلها
الجيش والشعب أن شاء الله دائما يد واحدة ومش هانشمت فينا الأعداء ونبقى زي العراق ولا ليبيا
+1111111
و انا كمان من المطبلين علي حسب تعبير الاستاذ سكايبيرد
و مش عايز اعتذار ولا حاجة...هو يعني حد كان اعتذر لما كنا بنتوصف اننا فلول؟ خلاص الكلام ده ما بقاش يزعل لأن الواحد عارف و متأكد انه رأيه بيمثل رأي غالبية الشعب المصري...اسلوب الارهاب الفكري و المعنوي عن طريق وصف المعارضين بالفلول...الخونة...المطبلتية ..الخ تم استخدامه بكثرة حتي فقد تأثيره
غالبية الشعب المصري دلوقتي بيقول مصر اولا و ليس الثورة اولا
و علي فكرة كل اللي في التحرير دلوقتي عارفين قد ايه الشعب كارههم بس عاملين نفسهم مش واخدين بالهم
يا باشا ده كلام عيال في الهوا
هو فيه حد وصل بيه الغباء انه يعمل كده عشان يبقي الجيش و الشعب و العالم كله ايد واحدة ضده
من الاخر اسلوب 6 ابريل يعتمد علي التحرش بالجيش و الشرطة...عشان يضربوهم...ايوه هما هايموتوا و الجيش او الشرطة تضرب فيهم و اشتغل بقي فيديوهات عنف و فيسبوك و صور و الجزيرة تهيص و الحقونا يا امريكا و اتحاد اوروبي و يشتغل الضغط علي المجلس العسكري...المشكلة انهم لو قفلوا قناة السويس امريكا هي اللي هاتضربهم قبل الجيش
و اعتقد من مفيش حد من الاعضاء في المنتدي اللي بيدعموا اعتصام التحرير موافق ان القناة تتقفل
تمام متفق معك أنه هوده هدفهم التصادم وخيانة البلد
بس المشكلة أن ألي بيعتصمو بيدو فرصة للعالم المغرضة تنسب طلباتهم الغير شرعية للمعتصمين كلهم وبعض الأعلام سواء المصري أو الأجنبي يضرب ضربته بتضخيم المؤيدين لمطالبهم ويبقى المعتصمين خدمو الأقلية المغرضة من غير مايحسو
أنما المليونية بتاعة الجمعة 8 /7 كانت حاجة منظمة ومحتلرمة لأتحاد المطالب وعدم قدرة أي مغرض للألتفاف على المطالب المجمع عليها
اللوم على المعتصمين أنهم قابلين يعتصمو وفي وسطهم ناس بتطالب بطلبات تضر البلد......حاجة من 2
-يا يفضو الأعتصام ويسيبو الناس دي يبان همى مين بوضوح وحجمهم الحقيقي
-ياسيطرو على الميدان كويس ويمنعو الناس دي تستغل وجودهم في تحقيق مطالب فئوية ضد مصالح البلد
تحياتي
لا مؤاخذه دي اسمها قلة أدب و اسلوب متدني للتعبير عن الرأي اللي هو اصلاً متدني !!!
و شايف ان دمك تقيل ليه يا وائل باشا... لا اظن اطلاقاً ان في حد يقبل بهذا الوضع ابداً !!
و بالتالي قول رأيك و وجهة نظرك زي ما انت عايز طبعاً, يعني قليل الأدب عبر عن
رأيه بالمنظر اللي في الصوره ده, و المحترمين زي حضرتك يمتنعوا عن انهم يقولوا رأيهم !!!
للأسف... الشباب اللي من عينة الشباب اللطيف اللي في الصورة دول كتروا قوي اليومين دول,
و بقى دمهم تقيل و الموضوع بيزداد بواخه و تجاوز يوم بعد يوم, بس قريباً هيختفوا تماماً...
تقبــل تحيــاتي...