الموضوع: إلغاء جمارك السيارات _ موضوع مهم جدا_

المشاركة الأصلية كتبت بواسطة medododo

طب ومحصلة shift ده ايه تفتكر احنا شعب هنرمي القديم برضه هيفضل في شوارعنا وهتلائي ناس اللي تعبانين أوي في حياتهم ودخلهم ضعيف وعمره ما كان يفكر يركب عربية
هيركب العربيات دي
يراجل احنا شعب مبنرميش حاجة تفتح درفة المطبخ تلائي برطمنات مربي فاضية
تشيل مرتبة السرير تلائي كراتين كل حاجة في البيت
حتي البطاطين القديمة الكرهوات دي والله أعرف ناس لسة عندهم مع انهم شاريين جديد

ماهو الموضوع مش هيبقي سبهلله
يعني يبقي العربيات اللي عدي عليها 10 سنين مثلا تتكهن او 15 سنه مثلا بحيث انك متشوفش عربيه ماشيه في الشارع عمرها اكبير من عمر والدك

واللي العربيه غاليه قوي عنده يبقي يشيلها في البيت زي بره كده بس متترخصش

المشاركة الأصلية كتبت بواسطة omaroof

الحقيقه انا معاك وموش معاك
معاك فى ان العربيات الزباله بتتباع فى مصر بفلوس وان العربيه لما تكون كويسه ومريحه حتخفف الضغط النفس والعصبى اللى على السائق وبالتالى حاينعكس بالايجاب على حياته
لكن موش معاك فى الغاء الجمارك رغم انى عاوز انزل عربيتى ( يعنى فائده خاصه) بس انا فى تخفيضها وليس الالغاء
لان فى حالة الغاء الجمارك كل الناس حاتتجه للشراء من الخارج وحال مصانع التقفيل فى مصر حايقف واعتقد اننا موش ناقصين بطاله
فالاحسن تتخفض للفئات 1600 فما اقل

والله يا اخى انا معاك فى تخفيضها وتكون مثل السعوديه 20 % بدون بقى مصاريف والكلام ده يعنى كلو توتل 20% وبعدين صناعة السيارة دى مش صناعة وده تجميع بس ده هيخليهم فى تنافس مع الخارج مما سينعكس على جودة التجميع ورفع كفاءة المصنع الى الدرجة القصوى

حملتنا على الفيس بوك وقفه احتجاجيه غدا ارجو منكم المشاركة معنا من اجل مصر افضل

https://www.facebook.com/event.php?e...28741687152355

اهدافنا هنا فى الموضوع ده

http://www.nilemotors.net/Nile/232621-a.html

السلام عليكم ورحمة الله وبركاته

نداء الى كل مصرى حر

اخوتى واخواتى المصريين الاحرار لقد جاء الوقت المناسب للمطالبة برفع الظلم القائم منذ سنين حيث فرض علينا ان نتحمل وان نزل وان نحرم من العيش بطريقة حره كريمة ادعوكم بالمشاركة معنا فى
حملة لرفع الظلم عن كل طوائف المجتمع

حملة من اجل بيئه نظيفة عن طريق تسهيل عملية احلال القديم بالجديد وامكانية حصول المواطن البسيط على سيارة حديثة بسعر غير مبالغ فيه بالنسبة لسعرها فى الدول المجاورة

حملة لحل ازمة المرور وحل واحد ه من اكبر اسبابها الا وهى كثرة السيارات القديمة فى شوارعنا وكثرة اعطالها مما يؤدى الى تعطل حركة السير فى بعض الطرق الحيوية

حملة من اجل تحقيق العدالة الاجتماعية حيث تتساوى طوائف المجتمع فى الحصول على سيارة جيدة بدون فروق كبيرة فى المستوى تسهل له عملية الانتقال وتوفر له الراحه والرفاهيه التى حرم منها على مدار 30 عاما مما يساعد فى رفع انتاجيته

حملة للقضاء على احتكار وكلاء السيارات فى مصر وتلاعبهم بأسعار السيارات مستغلين جمارك السيارات كحجه لستغلال الشعب والتربح بصورة غير معقولة حتى السيارات المجمعة فى مصر( واسف هى ليست مصنعه ) سعرها ضعف سعرها فى الخارج او فى الدول المجاورة بسبب ضريبة المبيعات وجمارك القطع المستخدمة فى تجميع السيارة

ياشعب يا حر جاء الوقت للحصول على حياة كريمة فشاركونا من اجل مستقبل افضل والله الموفق
للمشاركة معنا فى ثورتنا ضد الظلم تواصلو معنا على صفحتنا على الفيس بوك

https://www.facebook.com/photo.php?fbid=255869077760939&set=a.2498014783676 99.82479.214903798524134&type=1&ref=nf#!/event.php?eid=228741687152355

او
https://www.facebook.com/photo.php?fbid=255869077760939&set=a.2498014783676 99.82479.214903798524134&type=1&ref=nf#!/groups/CustomsNo?ap=1
او
https://www.facebook.com/?ref=home#!/pages/%D8%A7%D9%84%D9%85%D8%B7%D8%A7%D9%84%D8%A8%D8%A9-%D8%A8%D8%A7%D9%84%D8%BA%D8%A7%D8%A1-%D8%AC%D9%85%D8%A7%D8%B1%D9%83-%D8%A7%D9%84%D8%B3%D9%8A%D8%A7%D8%B1%D8%A7%D8%AA-%D8%B2%D9%89-%D8%A7%D9%84%D8%AF%D9%88%D9%84-%D8%A7%D9%84%D9%85%D8%AD%D8%AA%D8%B1%D9%85%D8%A9/164126950311458?sk=wall

المشاركة الأصلية كتبت بواسطة vinosse

هو فى جمارك اصلا على السيارات فى مصر

اعتقد ان حضرتك عايش فى بلد تانيه لان حضرتك بتتدفع من 40% الى 50% على ثمن العربيه الاصلى وده الى حضرتك متعرفوش حتى العربيات المجمعة فى مصر واسف هيه ليست مصنعه فى مصر بتدفع اكتر من ثمنها 40 % ده غير رداءة التقفيل

المشاركة الأصلية كتبت بواسطة madaxman

طبعا أؤيد فكره انه بتجيب راحه نفسيه للسواق وهتشيل ضغط عصبي كتير عن ناس بس تخيل بقا كل الشعب راكب بي أم ومرسيدس وفراري سيبك بقا من الناس الكبيره تعالا للشباب طبعا من أول اللي معاه 128 والسيات مع احترامي ليهم طبعا تخيل كل الشباب دي اللي نفسها تعدل وتسقط مواتير عشان تجري وتشد بقا في عربيات جاهزه للشد والطرق كلها بقت مليانه بي أم ودودج دي مصر كلها هتبقا حلبه سباق يا معلم وبدل العربيات اللي بتعطل وبتسبب حوادث عملنا مشكله أكبر ان العربيات هتبقا ماشيه بسرعات غريبه وكمان طرق مصر مش مؤهله لكدا وهتبقا نسبه الحوادث أكبر مش في العربيات بس في الناس اللي ماشيه كمان دا الواحد يوم ما بيجيب 220 علي طريق في مصر بيقول أنا عملت ما بالك بقا عربيات عدادتها 300-320 دا الرادار مش هيلاحق علي مين ولا مين طبعا غير الزحمه وكدا واختفاء الناس في الشوارع كله في عربياته وكفايه كدا عشان خيالي واسع حبتين

لما تبقي مخالفة السرعه 2000 جنيه مثلا وكسر الأشاره 1000 مثلا والسباق داخل ابلد جنايه مثلا ولو الموضوع اتكرر 3 مرات يحرم من السواقه نهائيا ساعتها كل واحد هيفكر مليون مره قبل مايجري