إلغاء جمارك السيارات _ موضوع مهم جدا_

Log In | Facebook
الكل لازم يشنرك فى الايفينت ده

الموضوع مش شاب نفسة يجيب عربية و يجرى بيها وبس الموضوع اكبر من كده
لما يكون العربيات النظيفة بتتباع بسعر رخيص هانتتشر العربيات الكويسة و ده هايخفف من الزحمة المرورية اللى فى شوارعنا
لأن معظم الزحمة بتكون نتيجة عربية عطلانة او حادثة . فلو العربيات القديمة دى راحت فى ستين داهية و جت عربيات نظيفة . اولا مش هاتعطل طبعا زى العربيات التانية و اكيد مش هاتمشى ببطء و مش اللى سايقها هايعد يركنها فى شارع جانبى فى ساعة :(
و كمان العربيات الالمانية (او الغالية دلوقتى) عموما نسبة الامان فيها عالية و بالتالى بتخفف من وقوع الحوادث (يعنى مثلا كل فين و فين لما تلاقى عربية بي ام او ميرسيدس عاملة حادثة او مثلا عطلانة و موقفة الطريق ولا صاحبها ماشى بيها براحة )
و لما بيكون الانسان سائق عربية مريــــحة مش هاتخليه متعصب ولا مش طايق نفسة زى دلوقتى .. و ده هايخلى الواحد مرتاح كده (عمرك برضة ماهتلاقى واحد راكب مرسيدس او بى ام و تلاقيه بيتخانق او بيكسر على واحد جنبه) كل الحاجات دى هتقلل الزحمة و الإختناقات المرورية
يعنى الموضوع مش تافه ولا هدفة ان واد شاب يركب عربية و يجرى بيها و بس الموضوع اكبر من كده


Log In | Facebook الكل لازم يشترك فى الايفينت ده

يا أخى الوضوع له وجهات نظر كتير طيب ما هو لما الجمارك تتلغى وأسعار الألمانى تبقى فى الأرض

يبقى الراجل القادر يشترى عربيه ألمانى دلوقتى حيشترى خمس عربيات له ولمراته ولإبنه وبنته والشغاله

واللى مش قادر يشترى خالص حيشترى فيرنا او لانوس واللى جايب عربيه كويسه حيشترى إتنين وهكذا

تخيل كم العربيات حيزيد إزاى وإحنا دلوقتى بنحاول نركن فى خرم إبره وساعات منلقيش ركنه خالص

الحاجه التانيه هى رعونة السواقه فى مصر - شباب طايش - شباب مبلطج - واحد مستهتر الى آخره من النماذج المزعجه دى والحوادث عندنا بالجمله فما

بالك لما تبقى العينه دى من الناس معاها عربيه جامدة ومريحه أكيد حيبقى مفترى فى سواقته

مع العلم إن تجديد العربيات منظر حضارى وراقى للفرد والمجتمع بس المفروض إحنا نرقى بثقافتنا وسلوكنا الأول وبعدين سلسلة

الرقى حتيجى بعد كده أتوماتك

ومشكور على طرح الفكره