السيارة بتسخن لما الجو بيكون حر وهي سلانسيه لكن لو ماشي بسرعة الحرارة بتظبط ايه الحل؟

**الصيداح** · 13-07-2011 05:27 AM

سلام الله عليكم

عندي مشكلة وهي إن السيارة لما بيكون الطريق واقف والجو حر بتسخن أوي وبضطر أوقفها
رغم إن كل حاجة سليمة
طلمبة الماء لسة جديدة ومفيش أي تسريب في دورة الماء والردياتير تمام وكل حاجة تمام إيه الحل
علما بأن الموتور خفيف ومحتاج عمرة فهل ممكن أن يكون هذا السبب؟

ولما بكون ماشي بسرعة حتى لو الجو حر الحرارة بتنزل شوية
لو بالليل بتبقى أخر حلاوة مؤشر الحرارة بيبقى مظبوط

بانتظاركم
وجزاكم الله كل الخير

**romieh** · 13-07-2011 10:51 AM

تقريبا المشكلة كده فى مروحة الردياتير

المروحة مش بتدور بالسرعة الكافيه لتبريد مياه الردياتير

شيك على السلوك بتاعة المروحة واتأكد من عمل الثرموستات

لو كله سليم يبقى لازم كهربائى يبصلك على المروحة

**nicegypt** · 13-07-2011 11:43 AM

1 - سلك " نضف " ريداتير عند بتاع ريداتيرات جيد
2 - افحص شربون المروحة ممكن يكون متأكل وبيسبب ضعف ف المروحة
3 - الثرموستات .. غيرها بحاجة اقل 85 - 90
وان شاء الله تنحل مشكلتك عبال متظبط المكنة وتغير ديسك واسطوانة بالمرة هيظبط معاك الاداء بأذن الله

**smsm_nabawy** · 13-07-2011 04:14 PM

ماهو ده الطبيعي !!

الطبيعي ان العربية بتسخن بسرعة و هي واقفة في أشارة ،، لكن لو أنت ماشي بسرعة لمسافات طويلة ،، حرارة الموتور مش حتعلى معاك أوي زي الزحمة !!

و يا سلام لو بليل ،، ده العربية حتبقى 100 \ 100 !!

**smsm_nabawy** · 13-07-2011 05:25 PM

طيب ،، حضرتك آخر مرة نظفت دورة التبريد أمتى ؟؟

لأن الأملاح و الصدأ بيقلل التبادل الحراري بين الموتور و المياه ،، بيزود الحراراة أوي ،،

**MMamdouh** · 13-07-2011 05:48 PM

دة بيحصل نتيجة ضعف كفائة دورة التبريد... اما طلمبة المية مش تمام او الرادياتير مسدود و عاوز تسليك او مروحة التبريد فيها مشكلة و مش شغالة بالسرعة المطلوبة

MMamdouh

**smsm_nabawy** · 13-07-2011 06:33 PM

طيب قبل التنظيف كان في نفس المشكلة ؟؟ و هل حضرتك قمت بأضافة مياه خضراء و زودتها بمياه مقطرة ؟؟

حاول متزودهاش ميه عادي من الحنفية ،، لأن الأملااح الي فيها ليها ذوبانية عكسية ،، بتترسب مع سخونية المياه ،، و بالتالي بتعمل عازل حراري ،، يقلل من كفائة التبريد خالص !!

و اخبار المروحة أيه ؟؟

و على فكرة ،، لو كل الي أنا سأل حضرتك فيه ده تمام ،، يبقى أحتمال كبير يكون الثرموستات عند حضرتك قافش !!

الثرموستات هو مسؤل عن خلط نسبة من مياه الردياتير الباردة مع المياه الساخنة الي بردت الموتور ،، للحفاظ على درجة حرارة المياه عند حد معين !! لضمان أحسن تبريد للموتور !!

أحسن حاجة ثرموستات الفابريكة !! لو الثرموستات قافش و رحت لميكانيكي ،، أوعى لو قالك نرميه و نخلص منه تسمع كلامه !!

لا ،، ترةح تشتري واحد ،، ليه نفس الراينج بتاع الحرارة بتاع الفابريكة !!

علشان لو حضرتك ركبت واحد ليه راينج حرارة مختلف ،، أو شيلته خاالص ، كده يبقى حضرتك حتعرض موتورك لأجهادات حرارية ،، غير مدروسة ،، و أثرها سلبي عليه و على السبيكة الي مصنوع منها جسم الموتور بتاعك !! الي ممكن بعد الشر يأدي ان موتور حضرتك يجيب وش سليندر ،، او شرخ في البلوك بسهولة !! لاقدر الله

و ده بيكون نابع من خلط المياه السخنة الي جاية من الموتور بمياه ساقعة بدون نسب ،، بالتالي درجة حرارة المياه مبتكونش مظبوطة في الرينج الي بيظبه الثرموستات بحيث أن تبيرد الموتور يتم صح .. بالتالي درجة حرارة مياه تبريد الموتور حتقل عن المعدل المطلوب ،، بطريقة ممكن تعمل مشاكل :((
بأمانة اوعى تستقل بالثرموستات ده !!

آسف للأطالة ،، يو ياريت لو حد شايف غلط في كلامي يصححه لتعم الأفادة !! :)

الموضوع: السيارة بتسخن لما الجو بيكون حر وهي سلانسيه لكن لو ماشي بسرعة الحرارة بتظبط ايه الحل؟

LinkBack

أدوات الموضوع

عرض

-

-

-

-

-

المواضيع المتشابهه

العربية بطلت فجأة و أنا ماشي بسرعة !!

Rpm هيجننى - وانا ماشي علي 40 بيكون rpm علي 3 او 3.5

مشكلة قديمة ما الحل؟ السيارة بتسخن جدا على السلانسيه وتبرد وهي بتجري

امبير الحرارة وصل لاعلي درحة عند الاحمر وانا ماشي.....

الكلمات الدلالية لهذا الموضوع

المفضلات

المفضلات

ضوابط المشاركة