طريقتى فى اختبار المحرك

**essamenen** · 13-07-2011 09:40 AM

السلم عليكم
انشاء الله انا ناوى اعمل تجربه فى عربيتى وهى
كلنا عارفين ازاى نعمل اختبار لضغط المحرك وهو زى الى فى الكليب ده
http://www.youtube.com/watch?v=X_tbksFYhl4

ده بيعتمد على جهاز مقياس للضغط وهو زى بتاع مقياس ضغط الكوتش ولكن الاختلف بينهم
مقياس ظغط الكاوتش لما تشيله من الكاوتش بيرجع للصفر
مقياس ظغط المحرك يقف عند اعلى قيمه وصل لها ويتم تصفيره (ارجاعه للصفر ) عن طريف الضغط على زر جانبى
الهدف من اختبار الضغط ده (هو موجود فى بعض محطات البنزين ) اختبار اقصى ضغط ومقارنته بالاسطوانات الاربعه ولكن
-ممكن منعرفشى اعلى ظغط لازم يكون كام بالنسبه لكل عربيه ( لو فى احد عنده معلومه ازاى بنحسبه وهل له علاقه بنسبه الانضغاط الى بنحسب عليها نوع البنزين )
لو فى تنفيس هيكون من الشنابر او جلد الصباب مش هنعرف انه فيهم

انا فكرت فى فكره انى اضغط كل اسطوانه لوحدها واعرف فى تنفيس ولا لا ( نفس فكره اختبار دائره التبريد بالنسبه لتكييف العربيه او الثلاجات والتكييف )
انا لسه معملتهاش بس حضرت الحاجه
الادوات
1- مقياس ظغط بتاع شحن التكييف + الخراطيم
2-بوجيه قديم وفرغته ولحمت فيه بلف شحن بتاع الثلاجه ليركب فى خرطوم العداد
3- منفاخ العربيه

الخطوات
1- فك اول بوجيه
2- اربط البوجيه الى ملحوم فيه وصله الشحن الى احنا عملناه مكان البوجه المفكوك
3-وصل منفاخ العربيه مع الطرف الثانى مع عداد الشحن
4- فك غطاء المحرك الى فوق التاكيهات
5-ارفع عجله واحده وعشق العربيه
6-لف العجله بحيث يكون الصمامين مقفولين ( البنزين والعادم )
7- شغل كمبروسر الهواء وشوف الضغط بيرتفع فى العداد ولا لا
8- لو وصل الظغط الى 50 مثلا اقفل محبس العداد و اغلق الضاغط

الملاحظات والنتائج
اكيد الضغط هينزل بالتدريج
ا-لو الشنبر مش حاكم الهواء هينزل من اسفل ومن الصعب الحكم على انه مش حاكم فى تلك المرحله هنعمل خطوه بعد كده بعد المرحله الى جايه
ب- لو فى تنفيس من جلود الصباب هنلاقى فى فقاعات هواء خارجه من عند التاكيهات لان هيكون فيها زيت ( مش عارف رايكم ايه فى النقطه ديه )
ج- لو مفيش تنفيس من جلد الصباب ولقينا ان الضغط بينزل بسرعه يبقى فى تنفيس من الشمبر نفط البوجيه الى احنا عملنه ونحط زيت تقيل ( يفضل ) اوزيت عادى ونضغط تانى ونشوف الضغط بينزل فى نفس الزمن ولا لا
د- لو الضغط بينزل ببطء يبقى مافيش مشكله انشاء الله
ه- نكرر الموضوع ده مع كل اسطوانه مره بدون زيت ومره بزيت
ملحوظه
يجب ان يكون الضغط ثابت فى كل مره نضغط الاسطوانات وليكن 50 لكى نسجل الزمن الذى يحتاجه البستم لتفريغ الهواء ذاتيا ومقارنتها مع الاربع اسطوانات .

انا ان شاء الله هعمل التجربه ديه ليه
انا عندى نفخ فى المكنه مش عارف سببه مفيش زيت بينفص ولا دخنه والاداء تمام فانا شاكك فى جلد الصباب ولو رحت عملت اختبار للمحرك مش هيفدنى الا بكفائه المحرك فقط ومش هيعرف جلد صباب وشمبر
ياريت لو فى حد عنده الى اراء تانيه ميبخلشى على فيها

**verna2008auto** · 13-07-2011 12:02 PM

مجهود ومعلومات جيدة جدا.....
بس طبعا لناس (( مش عاديين )) يعني عاوز ورشة صيانة.....

**Zika9909** · 13-07-2011 01:20 PM

شكرًا على مجهودك الوافر.

**mrastra** · 13-07-2011 02:42 PM

اخى الكريم جلد الصباب بيحكم الزيت مش الضغط جوة غرفة الاحتراق
المسؤل عن احكام الضغط هو الصبابات نفسها على وش السلندر المكان اللى بنعملة رودية

**l0new0lf** · 13-07-2011 03:57 PM

اللى حضرتك عايز تعمله ده اسمه
leak down test

http://www.youtube.com/watch?v=WgrfT0LFMhc

**l0new0lf** · 13-07-2011 04:29 PM

اتمنى انك تتابع الفيديو للاخر عشان تعرف التيست بيتعمل ازاى لان عندك خطوات مش مضبوطه

**essamenen** · 13-07-2011 09:26 PM

المشاركة الأصلية كتبت بواسطة mrastra

اخى الكريم جلد الصباب بيحكم الزيت مش الضغط جوة غرفة الاحتراق
المسؤل عن احكام الضغط هو الصبابات نفسها على وش السلندر المكان اللى بنعملة رودية

فعلا جلد الصباب هو الى بيحكم الزيت مش الضغط ولكن لو الجلد مبوش قليلا والصبابات معمولعا روديه وتقفل كويس لما بتفتح وخاصتا صباب الطرد ممكن يسرب عادم من من الجلد والى بيدخل على دوره الزيت الى متصله بخرطوم الفايظ فتظهر على شكل هواء وده تفسير الموضوع الى عندى يوجد نفخ هواء من خرطوم الفايظ ولا يوجد الى دخنه منه او من الشكمان
الف شكر على المرور

**essamenen** · 13-07-2011 09:55 PM

[

المشاركة الأصلية كتبت بواسطة l0new0lf

اتمنى انك تتابع الفيديو للاخر عشان تعرف التيست بيتعمل ازاى لان عندك خطوات مش مضبوطه

فديو جميل جدا الف شكر
اولا بغظ النظر عن الادوات المستعمله مش زى الى عندى الى ولكن تفى بنفس الغرض ويمكن استعمالها فى اختباره ولكنها بسيطه

بالنسبه الاختبار فى الفديو سوف اوضح الى انا فهمته وياريت لو فيه حاجه غلط تقلى عليها
فى الاول عمل اختبار لضغط المحرك بالطريقه العاديه الموجوده فى محطات البنزين فوجد سلندر مش بيعطى اى كبس وده دليل تلف كبير جدا فى السلندر فوصل كبس هواء وشاف صوت التنفيس فى
1- وعاء الزيت ( من غطاء الزيت ) دوره التزيت وده ممكن تلاحظه لوجود اى ترشيح زيت فى الجوانات
وده معناته ان الشميز مش حاكم مع السلندر والشنابر او صمام الطرد والسحب مش حاكم كويس وجلد الصباب مبوش وذلك ايضا ممكن نلاحظه فى تسريب الزيت من الجوانات
2- صوت فى الكربراتير
وده تفسيره صمام السحب مش حاكم ولازم يتعمله روديه
3- صوت وفقافيع هواء فى قربه الماء وده معناه جوان وش السلندر وده ممكن يتعرف عن طريق تشغيل العربيه وتشوف لو فيه فقاعات هواء قى الفربه ولا لا

بالنسبه لتجربتى انا كنت بعتمد على نقص الضغط بعد وانخفاضه مع الوقت (لكن فى الفديو يعتمد على الصوت) لوجود تنفيس وكان كل اهتمامى على احكام السلندر مع الشميز والصبابات وجلد الصباب
فى مرحله تانيه انا وضعت زيت فى الاسطوانه من فتحه البوجيه لسد الفراغ ان وجد بين البستم والشميز لاختبار الصبابات والجلود ولكن هو لم يضع الى زيت
بالنسبه لوش السلندر بيتهيقلى اى حد فى الطبيعى ممكن يحدد اذا كان تالف ولا لا مش محتاجنها فى ذلك الاختبار

الف شكر مره اخرى على الفديو لانه اوضحلى فكره صوت التنفيس

- (خضرتك بتقلى فى خطواط مش مضبوطه هى ايه بالضبط )
للاسف انا جيت من الشغل متاخر فمعرفتش اعمله النهرده ان شاء الله هجربه بكره

**l0new0lf** · 13-07-2011 11:29 PM

المشاركة الأصلية كتبت بواسطة essamenen

فعلا جلد الصباب هو الى بيحكم الزيت مش الضغط ولكن لو الجلد مبوش قليلا والصبابات معمولعا روديه وتقفل كويس لما بتفتح وخاصتا صباب الطرد ممكن يسرب عادم من من الجلد والى بيدخل على دوره الزيت الى متصله بخرطوم الفايظ فتظهر على شكل هواء وده تفسير الموضوع الى عندى يوجد نفخ هواء من خرطوم الفايظ ولا يوجد الى دخنه منه او من الشكمان
الف شكر على المرور

اللى بيحكم الضغط فى السلندر الصبابات و الشنابر مش جلد الصباب
جلد الصباب مبيخليش الزيت يسيل على جسم الصباب و منه الى داخل السلندر

شوف الفيديو ده كمان اساسا هو عنده جلد الصباب بايظ و بيستعمل ضغط الهواء داخل السلندر عشان يحافظ على الصباب مرفوع لما يشيل السوست بتاعته و هو بيغير جلد الصباب

YouTube - ‪Valve seal Replacement‬&rlm;

**essamenen** · 14-07-2011 12:21 AM

المشاركة الأصلية كتبت بواسطة l0new0lf

اللى بيحكم الضغط فى السلندر الصبابات و الشنابر مش جلد الصباب
جلد الصباب مبيخليش الزيت يسيل على جسم الصباب و منه الى داخل السلندر

شوف الفيديو ده كمان اساسا هو عنده جلد الصباب بايظ و بيستعمل ضغط الهواء داخل السلندر عشان يحافظ على الصباب مرفوع لما يشيل السوست بتاعته و هو بيغير جلد الصباب

youtube - ‪valve seal replacement‬&rlm;

ماشاء الله عليك بتجيب فديوهات ممتازه

هو فى خطء فى كلامى بالنسبه لجلد الصباب

وبيعمل فاكبم للسلندر ولا ضغط هواء