ساعدونى فى اختيار غسالة ملابس محترمة

**sleepyhammer** · 13-07-2011 10:32 AM

السلام عليكم يا احلى منتدى

انا كان عندى غسالة ايديال بتاعت زمان الايطالى دى بس كانت ونعم الغسالة الصراحة
المهم الغسالة سلمت نمر من يومين

ودلوقتى محتار ومش عارف اجيب ايه كويس خصوصا ان معظم التجار عايزين يبيعوا وخلاص مفيش حد بينصح من التجار دول...

انا كنت ناوى اجيب ايديال زانوسي على اساس ان ايديال كانت عايشة عندى بس اكيد مش زى اللى كانت عندى الصناعة والتقفيل والخامات اختلفت عن زمان والخوف كل الخوف من الازرار التاتش والتكنولوجيا الحديثة وصعوبة اصلاحها خصوصا الكروت الالكترونية الى فى الغسالات الجديدة

وسمعت ان فى غسالات فيها مجفف يعنى هل المجفف ده بيطلع الغسيل جاف جاف ولا ايه؟؟ وهل السعر بيبقى زيادة اوى ولا ايه ؟؟

ياريت يا جماعة تساعدونى وانا كنت عملت بحث فى المنتدى ملقتش حاجة غير عن غسالات الاطباق

وشكرا ليكم جداااااااا

**HISHAM80** · 13-07-2011 11:18 AM

LG direct drive وفي منها بمجفف وبخار بس غاليه مش عارف سعره في مصر كام

**sleepyhammer** · 13-07-2011 11:53 AM

هيه ال جي كويسة ؟؟؟؟ بتعيش يعنى

**aymanmaly** · 13-07-2011 12:04 PM

بص انا بستعمل من سنين طويلة ariston هى ايطالى و الوكيل بتاعها حاليا بي تك
الى عندي دلوقتى بقالها 3 سنوات

**swimmer25** · 13-07-2011 12:39 PM

وعليكم السلام
بص يا باشا

المتجربة اوي...زانوسي العبد مش ايديال زانوسي...خلي بالك لان فيه فرق كبير في المكونات والصوت....ده لو كانت موجودة دلوقتي...عندي من 3 سنين وحمارة شغل وصوتها بسيط وبتشيل 5 كيلو
انا جايب واحدة تانية في الامارات...سامسونج...تحفة...ب� �امج ديجيتال وسرعات وصوتها ناعم خالص وتديلك جرس لما تخلص وبتشيل 6 كيلو تقريبا او 7 مش فاكر اوي
بصراحة حاسس انها زي زانوسي العبد بس احدث ودي بقالها معايا 6 شهور وبرده حمارة شغل
واعرف واحد لسه بيتجوز برده اشتراها من مصر عشان سمع انها كويسة..وبكده تبقي نزلت مصر
وصلي صلاة استخارة قبل الاختيار

**SYD** · 13-07-2011 12:56 PM

انا عندي زانوسي ايطالي كانت تبع العبد ودلوقتي بقت تبع اوليمبيك
الغسالة الله اكبر عليها شغالة بقالها 4 سنين زي الفل بسم الله ماشاء الله
يا دوب بس بتنظف الفلتر والمصفاة بتاعة المياة كل فترة وخلاص وبستعمل مساحيق ايريال وبونكس

والله المستعان
،
،

**phantom0xx0** · 13-07-2011 01:15 PM

في بيت العائلة ، عندنا AEG شغالة من أكتر من 27 سنه و ذي الفل

عندي LG Direct Drive تحفة ،، و ملهاش صوت خالص

عندي كمان مجفف جامد white-westinghouse أحسن حاجة فيه إنه DRY يعني مش بيطلع بخار ماء لكن بيكثف الماء إلي بيطلع من الملابس في درج و كل كام غسلة بتفدي الدرج و كمان ممكن تخاليه عادي يعني يطلع البخار ،، يعني بيشتغل النظامين

أنا محبيتش أجيب الاتنين في واحد علشان لو واحد عطل التاني ممكن ميشتغلش