حد جرب Sonax for Polish and Wax

عرض للطباعة

13-07-2011, 12:09 PM
virus2007

حد جرب Sonax for Polish and Wax

سلام عليكم يا شباب ...

بعد مقريت مواضيع كتيرة هنا عن البولش والتشميع قررت انزل اجيب الحاجات دى بنفسى واعملها ...

امبارح نزلت اسبينس سيتى استارز ولقيت اغلب الحاجات الى قرتها بس لقيت منتج المانى شكلوا قوى والراجل الى واقف قالى هو احسن من منتج الشعب ال هو F1 or scratch out and wax وتاثيرو احسن ...

المنتج الامانى اسمو:

Sonax for Polish and Wax

بس قلت مش حشترية قبل مسال الخبراء هنا ...

ودى صورة العلبة للعربيات الى لونها احمر

http://www.roaduserdirect.co.uk/imag...0_-120x120.jpg

ودى صورة لمجموعة المنتجات :

http://t3.gstatic.com/images?q=tbn:A...CwCKVHBZag&t=1

المنتج ب 80 جنية وجاى معاة قلم لازالة الخدوش

انا عاوز اعرف لو حد جربوا النتيجة اية ؟؟؟ هل فعلا بيشيل الخدوش السطحية والعميقة نسبيا مش اوى لانى عارف ان الخدوش العميقة مش حتتشال لازم رش.

سؤال تانى : هل يفضل استخداموا بصفة دورية ولا بياثر على بوية العربية ؟

منتظر ردودكم :)
13-07-2011, 01:49 PM
snakeson2

طبعا هوة رائع ويعتبر من اغلي الانواع لانة في حد نظري احسنها . هوة مش بيسيل الخدوش بس بيملي الفراغات ممكن بالقلم تملاها والواكس بيخلي العربية تلمع كالجدبدة وعن تجربة . استخدامة مرة في الشهر لان الوكس متعب شوية في شغلة
بالتوفيق
13-07-2011, 02:39 PM
virus2007

شكرا جزيلا لردك وتحياتى ليك ولاهل طنطا كلهم :)

منتظر مزيد من الاراء قبل منزل واشترية
13-07-2011, 03:03 PM
WalidAdel

فاشل فاشل فاشل او انا ماعرفتش استخدمه دا احتمال وارد بردوا
لو عربيتك لونها ازرق او هاتجيب اللون الازرق تعالا استعمل اللي عندي جربه قبل ماتروح تشتري علشان لو اشتريته و ماعجبكش هتضايق اخر حاجه علي الفلوس اللي دفعتها فيه
13-07-2011, 03:12 PM
virus2007

اقتباس:

المشاركة الأصلية كتبت بواسطة walidadel

فاشل فاشل فاشل او انا ماعرفتش استخدمه دا احتمال وارد بردوا
لو عربيتك لونها ازرق او هاتجيب اللون الازرق تعالا استعمل اللي عندي جربه قبل ماتروح تشتري علشان لو اشتريته و ماعجبكش هتضايق اخر حاجه علي الفلوس اللي دفعتها فيه

للاسف عربيتى نبيتى اخت الصورة الى فى التوقيع عندى ...

طيب قولى وجة الفشل فية من اى ناحية ... يعنى هل جربت تسخدم القلم على الخدوش وطلعت ولالا ؟
هل المعة بتاعتوا بعد مبيخلص حلو ولا وحش ؟؟

ممكن حضرتك توضحلنا شوية ؟؟

-----------

استاذ snakeson2 ... ممكن تقلنا طريقة استخدموا والايجابيات الى انتا شايفة واستخدمتوا ازاى بحيث تفيدنا لان انا شايف فى ناس بتقول حلو اوى وناس بتقول وحش اوى :argue1:

منتظر ردودكم :)

تحياتى للجميع
13-07-2011, 03:24 PM
WalidAdel

بالنسبالي بس هو حتة الخدوش دي ماعملش حاجه مع الخدوش العميقه و اللي هيا مبينه لو الصج الاصلي اللي تحت قبل البطانه و كده فانت بتعمل ايه بتحيب القلم و تشد خط علي الخدوش دي علي اساس انك تملاه باللون و بعدين مع الكماده اللي المفروض نفس لون العربيه دي تتوه مع دي و دا حصل في موضوع مع عضو هنا
فعلشان كده انا بقول اني مش عارف استخدمه احتمال وارد
انا عربيتي لونها ازرق فاتح و اللون اللي جيبته ازرق غامق فمش عارف المشكله فين بالظبط بالنسبه للمعه بتاعته طبعا كويسه بس انا اساسا جايبه علشان الخدوش و اللي ماعملش حاجه فيها فدا اللي ضايقني مش اكتر
و شاريله صاروخ مخصوص بتاع التلميع قولت علشان يبقي الواحد ماقصرت في حاجه يعني في الشغل و بردوا مافيش فايده
الغريب ان خط الاقلم نفسه ماراحش من علي الصاج فلاقيت ان القلم باين و مش عايز يطلع بميه بقي بكموند مافيش
هابقي اصورلك صوره و ارفعهالك علشان تبقي متخيل الموقف بس
13-07-2011, 03:31 PM
virus2007

تسلم ايدك ...

بص انا دورت على الطريقة ... هو تقريبا دا منتج تانى وقلم تانى

شوف الفديو دا

YouTube - ‪SONAX‬&rlm;

فى الدقيقة 1:38 فيها الطريقة بالظبط

حاول تجرب تانى كدة وقلنا النتيجة :)

صحيح نقطة تانية : اتاكد من تاريخ الانتهاء لان امبارح فى سبينس كان فى كزا قطعة وتاريخ انتهاءها كمان كام شهر !! فممكن يكون دا السبب
13-07-2011, 04:41 PM
kimocyc

متابع
13-07-2011, 05:03 PM
WalidAdel

ماهو ياباشا اللي بيتباع في البنزينه ده مش سبراي زي ده دا ماده بلون العربيه كده عامله زي الكمبوند بالظبط بس سايح اوي زي الميه بالظبط عموما هاجرب في حته تانيه و هاقولك علي النتيجه بردوا
و بعدين القلم ده شكله محتلف اللي هايجيبلك معاه عامل زي التباشير كده بتاع الصابوره بس بلون العربيه
13-07-2011, 05:04 PM
virus2007

ايوة منا فاهم ... الفديو غير المنتج الى انا حاطط صورتوا فوق والى تفريبا هو الى معاك ... جرب بردوا وقلنا :)

انا بتكلم على فكرة القلم وازاى تستخدموا لازالة الخدوش

الحركة فوق تحت زى حركة الزجزاج كدة
18-07-2011, 11:15 AM
virus2007

اية الاخبار يا وليد ... قلنا النتائج :)
18-07-2011, 12:09 PM
Hussein_Emara

اخبار النتيجة إيه؟ حد جرب؟
20-07-2011, 05:33 PM
sheko_2000eg

متابع باهتمام
20-07-2011, 09:59 PM
WalidAdel

نفس النتيجه بردوا و لا جديد فيها معلش اسف للتأخير لاني كنت مسافر و بيني و بينك نسيت اتابع الموضوع :shyy:
21-07-2011, 01:11 PM
Mohamed.Kader

السلام عليكم

هو الملمع كويس بس يعيبوا أنوا مش فعال غير مع خدوش الأتربة و فوطة السايس لكن غير كده مش فعال

وبالنسبة للمعة اللي بيسبها على العربيه عمرها قصير جدا على ما أظن أن النوع المصري اللي في برطمان وأسمه بوليش بــــ 10 جنيه أداءه احسن مقارنة بالسعر
21-07-2011, 01:41 PM
virus2007

اولا شكرا جزيلا لردك الجميل

استفسار:
يعنى لو الخدوش بسيطة زى خدوش الاتربة تنصحنى اشترية ولا فى نوع تانى ارخص اقدر اجيبوا وحيدينى نفس النتيجة ؟

منتظر ردك وشكرا جزيلا لك :)
21-07-2011, 03:03 PM
WalidAdel

اقتباس:

المشاركة الأصلية كتبت بواسطة mohamed.kader

السلام عليكم

هو الملمع كويس بس يعيبوا أنوا مش فعال غير مع خدوش الأتربة و فوطة السايس لكن غير كده مش فعال

وبالنسبة للمعة اللي بيسبها على العربيه عمرها قصير جدا على ما أظن أن النوع المصري اللي في برطمان وأسمه بوليش بــــ 10 جنيه أداءه احسن مقارنة بالسعر

+1

انا مع حضرتك في الراي ده جدا
21-07-2011, 03:14 PM
khalid_adel

انا جيبتو ب حاجه وتمنين جنيه وحسيت اني اضحك عليا
اعمل بالطباشيره دي (قلم لونه اسود) معملش اييييييي حاجه واديتها البولش هو سائل وجميل وكله تمام بس المشكله ان الخدوش البسيطه جدا زي ماهي بالظبط
يعني كان عليبه كومبوند و بولش مصري بتاع 15 جنيه كانت عملت احسن من كده بكتير :(
21-07-2011, 03:24 PM
virus2007

طيب يجماعة طريقة الاستخدام ازاى عشان اشيل حتة الخدوش الرفيعة خالص

مثلا دى صورة تجريح فى عربيتى

زى منتوا شايفين الخدوش الى تحت فى الباب كلها خفيفة واغلب الى عندى فى العربية نفس الخدوش دى

الى فوق تحت الازاز هو الوحيد العميق الى عندى

http://img715.imageshack.us/img715/735/img0015wa.jpg

فاستخدم المنتج دا ازاى .؟ ولو فى حاجة تانية احسن منوا يا ريت تنصحونى