انا شايف يا جماعة اننا من زمان قوي و احنا بنتعامل مع بلطجية بس مش في دماغنا
حتقولولي ازاي
كل يوم بنقابلنا مش اقل من 3-4 بلطجية بس تحت مسميات مختلفة بس المسمى اللي قدرت اقفشه بقى و اقول عليه بلطقي بقلب جامد (السايس ) هوا كمان مش سايس , السايس ده اللي بيبقى مسؤل عن جراج معين
لكن لما ابقى في الشارع و الاقي مكان فاضي و اضرب انتظار و اشاور للناس عشان اقولهم اني حركن هنا (و سعادته واقف و شايفني بعمل كل دا ) و اركن بالفعل
يجي بقى بسلمته يقفل المرايتين و يقولك تمام كده , 5 جنيه بس يا باشا
ياخي 5 عفاريت لما يركبوك هيا اتاوه !!!! و لو فرضنا انها منطقة مخصصة من المحافظة بفلوس فين الوصل ؟؟؟!!!
حاجة بقيت مملة و مقرفة
وفي نوع تاني بقى يظهرلك و انت طالع من الركنة قال يعني بيطلعك و يقولك انزل يا بيه انزل ... انزل ....انزل
انزل ايه يا عم هوا انا راكن فوق شجرة !!!!!!!
انا عن نفسي شايف ان واحد يظهرلي كدا فجأ و هو معملش اي حاجة و ياخد فلوس دا بلطجي و اللي مشجعه اننا بنديله فلوس و لا مسح و لا ركن ولا هبب و هو كل واحد منهم ياخدله رصيف يبلطج عالناس اللي بتركن و خلاص
المفضلات