معلش يا باشمهندس عايزك توضح نقطة اظن فيها لبس هو سبب الشد و الجذب دول
هل بالنسبة لك الجهات دي تمثل الناس اللي في الميدان او ما ينطبق على دول ينطبق على دول ؟
اعتقد ان الاعتصام سيفقد زخمه في التحرير علي منتصف الاسبوع القادم .. اذا جاء التغيير الوزاري بشكل مرضي و يتجاوب مع مطالب الشارع و لم يحدث اي تصعيد من الجهات الرسمية خلال الايام القادمة
و سوف تعود الفرقة التي تستغل مطالب الناس و تريد شراء ثوره علي مقاسها للتطبيل علي القنوات الفضائية
اما عن اعتصام السويس .. فده قصة تانية مكلكعة شوية و مفتاحها كسب ثقة اهالي الشهداء باذن الله و المصابين باجرائات حقيقية تلمسهم بجد
و في حالة عدم التصعيد من اي طرف سيظل الوضع هادئ بشكل حذر حتي مواعيد جلسات المحاكمات
قد يحدث تغير دراماتيكي للموقف اذا اقدم المجلس العسكري علي اقرار قوانين تغير من شكل الانتخابات بشكل مخالف لما هو متفق عليه من قبل
رأي أنا والله أعلم... أن محركين الأحداث و الإعتصامات...هدفهم الأساسي الوصول للحكم...
والكوبري اللي بيستخدموه هو ناس...أحسبهم عند الله أنهم من الوطنيين...بيطالبوا بالطلبات اللي حضرتك بتقراها على اليفط
طبعا من هنا لغاية الانتخابات...السخونة هاتشتد أكثر..وهيستحيل تنفيذ معظم أو بعض الطلبات
وفي الاخر جمعة الرحيل للجيش
يعني إما مش هايستحمل الضغوط ويسيب أو أحكام عرفية
يعني مفيش انتخابات
على فكره
انا كمان بحبه حتى لو اختلف معايا (وساعات بتعمد استفزه) لانى واثق اننا هنفضل فى نطاق الاحترام
وردى على موضوع حضرتك
ان كلمه لو تعمل عمل الشيطان
وان ما ضاع حق وراؤه مطالب
وسبب تعنت الحكومات السابقه وافتراء الامن وانتشار الفساد لانه مكنش حد بيواجهه
والحق دائما اقوى بشرط ان يجد من يبحث عنه ويتمسك به
لذا فأنا اثق بأن المطالب مستجابه ولكن مع القليل من الضغط
فى البدايه سيتجاهلونك(تعتيم) ثم يسخرون منك (بلطجيه وخونه وعملاء) ثم يفاوضونك (سوف وامرنا ونناشد)ثم سيستسلمون (علنيه -محاكمات-حكومه وطنيه )وغيره مما يعيد الحقوق الى اصحابها
ياهندسة
أنا مبدئيا واخد موقف من 6 أبريل وعملت موضوع عنهم ومقتنع لحد كبير جدا أنهم مش مظبوطين
يعني لما كان مبارك وهو رئيس دولة بيتعامل معاهم ومجبر على كده كانت الدنيا بتوم عليه
فلما يجي س من الشباب يبقم من أعز الحبايب للأمريكان ويتمرنو على أيديهم ومع صهاينة
مهما كان الهدف عايزني أثق فيهم؟
بالنسبة للي بيحصل في الميدان اليومين ألي فاتو من بعد الجمعة بيثبت أن فيه حاجة مش صح بتحصل(غلق المجمع والتهديدات) سواء جزء منهم أو بتوصياتهم
مش قادرين تحمو شكل الثورة والميدان بمنع التجاوزات يبقى ماتعتصموش أمال لو طلع عليكم بلطجية هاتعملو أيه(وده بيأكد شكوكي فيهم)
انا بدافع عنهم فى الصح وبنتقدهم فى الغلط
مش بهاجم على طول ولا بدافع على طول
ومعرفش مين ائتلاف الشباب ولا حتى اساميهم
معجب ب 6 ابريل وكفايه والبرادعى والشيخ ابو اسماعيل بس مش عضو فى اى حركات
انا عضو فى المجتمع المصرى فقط
واللى بيمثلنى المطالب لو شايف انها صح فقط
استحاله الناس كلها تتجمع على رأى واحد
بس هقول لحضرتك حاجه
اسأل اى حد نزل الميدان او نزل الشوارع فى اول ايام المظاهرات من 25 لحد 28 وممكن لحد يوم التنحى
اللى شاف مصر من ورا التليفزيون غير اللى شافها من الشارع خااااالص
للأمانة الشباب دول مش كده ..... ممكن واحد زى ممدوح حمزة ..... ممكن أى حد تانى من الرموز الكبيرة
بس فى برضه نماذج مشرفة ..... بص مثلا عمرو حمزاوى سواء أختلفت او اتفقت مع افكاره ...... كام مرة تتعرض عليه الوزارة و يرفض
بص ممكن تقول على الشباب دول اى حاجة ..... مندفعين ..... طايشين ...... أى حاجة
لكن خونة و عملاء و عايزين يقفزوا على الشرعية و على السلطة ...... لأ مش حقيقى
حتقولى لما هما كده ...... ليه عايزين يقفزوا على نتيجة الأستفتاء بموضوع الدستور أولا
حاقولك ...... مبدأيا أنا ضد ده عشان دى نتيجة الأستفتاء و أمرى لله ...... بس هما كل هدفهم مش السلطة عشان كده عايزين الدستور أولا
هما هدفهم ...... يتحط دستور يتوافق عليه الجميع و يشترك فيه الجميع ..... ان مش جهه واحدة تنفرد بوضع دستور أمة بكل تياراتها و أفكارها و أيدولوجياتها ...... و بعد كده اللى يكسب يكسب فى الأنتخابات مش مهم
جنب الأنتماء الأيدولوجى شوية ...... و فكر معايا بالراحة ...... و انا أدعوك للنزول للميدان مع بعض و نشوف الناس دى على الحقيقة