شوية استفسارات عن الجيتز

**Hesham A.Megid** · 11-05-2008 09:35 AM

المشاركة الأصلية كتبت بواسطة 3alo2ah

انا شفت كذا عربيه جيتز فى التوكيل وكلهم مش فيهم اللمبه الزرقاء والمهندس ورانى لوحه عدادات حلفلى ان هيه جايه من كوريا كده و خلاص مبقاش فى لمبه زرقاء هو قال كده وان 2008 كلها كده خلاص مش عارف بقه اصدقه وخلاص ولا لما اروح فى صيانه ال 5000 اقولو

اعتقد ان كلامه صح لأني اعرف ناس كتير جابوا 2008 و مافيش حد عنده اللمبه دي. و علي فكره، هي ملهاش اي اهميه. المهم اللمبه الحمراء.

**3alo2ah** · 11-05-2008 01:43 PM

انت عارف والله انا كنت حتخانق مع المهندس اللى هناك بسبب الموضوع اقولو العربيه المفروض يبقى فيها لمبه زرقاء يقولى والله كله كده يلا حصل خير

**dooody_2007** · 18-05-2008 03:58 PM

ايه يا جماعه الكلام ده انا معايا جيتز مو2008 فيها اللمبه الزرقا والحمرا كمان والاتنين شغالين فل الفل وبالنسبه للكاسيت فيها كاسيت JVC mp3playerوبالنسبه للون الاسود فرشه كله لونه احمر هو ده التقفيل الكورى زى الزفت انا برضه بعد ماجبت العربيه بشهرين مكنة السنتر اللى فى الباب اللى ورا باظت عرفت بعد كده ان العربيات دى بتنزل مصر بدون كماليات وبليه الكهربائى بتاع غبور هى اللى بيركب كل حاجه علشان كده تلاقى دايما التقفيل ملعوب فيه

**Hesham A.Megid** · 18-05-2008 05:02 PM

المشاركة الأصلية كتبت بواسطة dooody_2007

وبالنسبه للون الاسود فرشه كله لونه احمر هو ده التقفيل الكورى زى الزفت انا برضه بعد ماجبت العربيه بشهرين مكنة السنتر اللى فى الباب اللى ورا باظت

اللون الاسود مش كله فرشه احمر. اللي بفتحة سقف فرشها ازرق.

ممكن حضرتك تقولنا التقفيل الكوري زي الزفت في ايه؟ انا معايا العربيه و مفهاش اي مشاكل الحمد لله.

و فعلا زي ما انت قلت، العربيه بتيجي من غير سنترال لوك و بيتركب في مصر هو والانزار و الكاسيت.

**fahd_628** · 18-05-2008 05:19 PM

فعلا التقفيل ممتاز مفيهوش اى حاجة

السنتر عندنا كمان باظ و دة مش كورى على فكرة دة بيتركب فى مصر و دة علشان كدة باظ :( للأسف الشديد اى حاجة داخلة فيها ايد مصرية لازم تبوظ

**Hesham A.Megid** · 18-05-2008 05:22 PM

المشاركة الأصلية كتبت بواسطة fahd_628

فعلا التقفيل ممتاز مفيهوش اى حاجة

السنتر عندنا كمان باظ و دة مش كورى على فكرة دة بيتركب فى مصر و دة علشان كدة باظ :( للأسف الشديد اى حاجة داخلة فيها ايد مصرية لازم تبوظ

و عندي كمان باظ! :S

**smsmbakr** · 21-05-2008 01:59 PM

مدققش على كل حاجة اشتري وربنا معاك

**osos_lion** · 06-06-2008 08:21 PM

حجزتها منين وبكام عشان عايز اجيبها وعلي فكره انا اتفرجت علي واحده اوتوماتيك اسود فتحت سقف وكان الفرش احمر
وبعدين ايه حوار اللنض ده انا مش فاهم حاجه
وكمان انا جربت الكاسيت الهيونداي وال جي في سي الي بينزلو معاها بيتهيقلي الجي في سي انضف ولا ايه

**dede_dodo88** · 06-06-2008 08:30 PM

المشاركة الأصلية كتبت بواسطة osos_lion

حجزتها منين وبكام عشان عايز اجيبها وعلي فكره انا اتفرجت علي واحده اوتوماتيك اسود فتحت سقف وكان الفرش احمر
وبعدين ايه حوار اللنض ده انا مش فاهم حاجه
وكمان انا جربت الكاسيت الهيونداي وال جي في سي الي بينزلو معاها بيتهيقلي الجي في سي انضف ولا ايه

انا الحمد لله استلمت العربية و عربية حلوة و ناعمة بس لسة ممشتش بيها كتير

جبتها من أبوغالي ب74,000 مانيوال فول أوبشنز من غير فتحة سقف
و فعلاً مفيهاش اللمبة الزرقا لكن فيها اللمبة الحمرة بتاعة الحرارة
الكاسيت هيونداي Radio/MP3/USB و صوت السماعات حلو أوي