يا جماعة الفيديو واضح جدا و عنوانة ازالة الخدوش مش النقر
عرض للطباعة
يا جماعة الفيديو واضح جدا و عنوانة ازالة الخدوش مش النقر
ايه يا جماعه مفيش جديد فى موضوع الخرابيش والنقر ده ؟؟
أين أنتم يا شباب؟؟
الكلام كله على الايزوبروبانول وده تلاقيه موجود في معقمات اليد زي بتاع ديتول ولونا انما الكحول العادي مينفعش
الموضوع على حد علمي مالوش علاقة بالتركيز
هو اكتر فالتركيب الكيميائي لأن الكحول العادي اسمة كحول ايثيلي والتاني اللي فالفيديو ده ايزوبروبايل او ايزوبروبانول وده ملمسه زيتي بعض الشئ والدكاترة لو بتشوف فالتلفزيون بيدعكوا ايدهم بيه قبل ما يلبسوا الجوانتي الجراحي عشان ينضفوا ويعقموا ايدهم... وممكن يكون موجود عند بتوع المستلزمات الطبية واي جراح ممكن يفيدنا فالموضوع ده
انا كنت سألت دكتور احمد فارما وقاللى ان الفرق بين الاتنين مجموعه اضافيه واحده وطبعا انا مفهمتش يعنى ايه ههههههههه
بس قاللى الكحول الاثيلى ينفع بس كون مركذ واللى موجود فى الصيدليات دى ميثيلى مش اثيلى
ياريت لو حد كميائى فى المنتدى يقولنا هل الماده الاضافيه اللى فى الايزوبروبايل تفرق عن الكحول الايثيلى ولالا
مع احترامي... الكلام ده مش مظبوط
المسألة اختلاف تركيب كيميائي كأنك بتقارن البنزين بالسولار
مينفعش تقول ان البنزين زيه زي السولار بس مركز.... ده حاجة وده حاجة
الميثانول (كحول الخشب) هو احد انواع الكحولات وصيغته الكيميائية CH3-OH وده سام للإنسان ويسبب العمى لتحوله في الجسم الى فورمالدهايد والذي يسبب النسمم الفوري لعصب العين (وده اللي بيحصل للي بيشربوا خمرة مغشوشة)
الميتانول بذاته غير سام ويرجع التأثير السام لنواتج الأيض حيث يتأيض الميثانول إلي مادة شديدة السمية الفورمالدهيد حيث يعتبر 33 مرة أكثر سمية من الميثانول ويتحول الفورمالدهيد بسرعة إلى حمض النمليك خلال 3 دقائق ،الميثانول سريع الامتصاص من الجهاز الهضمي حيث يصل إلى أعلى معدل له في الدم بعد نصف ساعة أوساعة, يعتمد علي وجود أوعدم وجود الطعام في المعدة ويحدث التسمم عادة في فترة تتراوح من 6ساعات إلى ثلاثة أيام وخلال هذه الفترة لا يشتكي الشخص من أي أعراض سمية.
ويرجع الأثر السام للميثانول إلى تحوله في جسم الإنسان إلى فورمالدهيد وحمض فورميك بواسطة إنزيم نازع هيدروجين الكحول بالكبد يُعد تراكم النواتج الاستقلالية السامة للميثانول مسؤولة عن ظهور أعراض وعلامات التسمم به.وأهم هذه النواتج الفورمالدهيد الذي له تأثير إتلافي على العديد من خلايا الجسم وبخاصة شبكية العين والعصيات البصرية بالإضافة إلى حدوث الحُماض بسبب تكون حمض الفورميك. وعلى ذلك فأعراض التسمم بالميثانول تبدأ في الظهور بعد فترة تتراوح بين 12 و 14 ساعة من تعاطيه على شكل صداع ودوار وغثيان وقيء وآلام شديدة بالبطن والظهر تعزى إلى التهاب البنكرياس، وتظهر أعراض تثبيط الجهاز العصبي المركزي والفشل التنفسي. ومن العلامات الثابتة للتسمم بالميثانول الاضطراب البصري.
الإيثانول (وده اللي موجود في الصيدليات) مركب كيميائي عضوي ينتمي إلى فصيلة الكحوليات له الصيغة C2H5OH. ويسمى كحول الاثانول مادة قابلة للاشتعال عديمة اللون تتكون من تخمر السكر، يستعمل في المشروبات الكحولية وفي صناعة العطور ويستعمل كوقود في المحركات الميكانيكية المجهزة للإيثانول.
عدا استعماله في مواد التعقيم والمشروبات المسكرة ستعمل كوقود للمحركات ففي البرازيل أكبر مخازن ومحطات وقود في العالم تنتج وتستهلك الايثانول كوقود للسيارات والطائرات ذات الوزن الخفيف وبقرار من الحكومة البرازيلة يجب أن يمزج 25% من الاثنول بكل 1لتر بنزين لتخفيض تكلفته والتقليل من تلوث البترول. اليوم أكثر من 50% من السيارات في البرازيل مجهزة لتعمل على البنزين والايثانول ويسمى محرك فليكس.
إيزوبوبانول...كحول تعقيم الأيدي (Rubbing Alcohol).....
C3H7OH
كحول الإيزوبروبانول سائل عديم اللون، سهل التطاير وقابل للاشتعال. له رائحة مميزة غير منفرة، يمكن أن تكون واخزة عند شمها بجرعات كبيرة. تذكر رائحته عادة بالمستشفيات أو العيادات الطبية كونه يدخل في أغلب الأحيان في تركيب المعقمات.
وكما هو واضح من الكلام عاليه فالتلاتة مختلفين كيميائيا تماما
شكرا يا باشا على التوضيح الف شكر
طيب كده المطلوب النوع ده
نجيبه منييييين بقى ؟؟؟؟؟؟؟اقتباس:
إيزوبوبانول...كحول تعقيم الأيدي (rubbing alcohol).....
C3h7oh
كحول الإيزوبروبانول سائل عديم اللون، سهل التطاير وقابل للاشتعال. له رائحة مميزة غير منفرة، يمكن أن تكون واخزة عند شمها بجرعات كبيرة. تذكر رائحته عادة بالمستشفيات أو العيادات الطبية كونه يدخل في أغلب الأحيان في تركيب المعقمات.
موجود في محلات الكيماويات بشارع الجيش الزجاجة لتر ب 15 جم
شكرا لحضرتك للاسف انا من اسكندريه فحدور عليه هنا فى اى مكان
طب بالنسبه للمبيد الحشرى اللى فى الفيديو هو جاب مبيد حشرى سائل هل ده اى نوع من اللى بيترش اسبراى زى الريد والكفروسول والحجات دى تنفع مكانه ولا ده نوع معين برضه
ولا هو هنا قصده جاز مثلا لان الجاز زيه زى المبيد الحشرى برضه
السائل اللى بييجى مع منظف الاسطوانات CD cleaner هو الايزوبروبرانولول
بالهنا والشفا بس كميه المبيد كام على شان نشوف درجه التسمم سريعه ولا بطيقه
الخربوش حربوش
هل يصلح لعلاج الزجاج المصنفر (اللى فى خدوش كتير من الرمل وبالليلل يعمل خطوط كتير مع النقل المقابل؟
ماحدش جرب ونفعت معاه خالص ؟
طب اللي اثبت فشل المهمه ياريت يقولنا برضو
فيييييييييييه جديييييييد فى الموضوع ده
حد نفع معاه حاجة
زيت الموتور او التركيبة العجيييييييييبة
شكرا جزيلا
ايه يااارجاله انا متاااايع معاكم لحسن الخدوش ديه بجد مستفزه جداااااااااااااااا باليل
الناس نامت علي العموم انا بعمل حاجه اسهل وافضل استخدموا منتجات تلميع الزجاج من سوناكس sonax بس دي لازالة الخدوش والتلميع فقط وليس النقر
انا جربت التركيبة
وللاسف مانفعتش
ولكن جربت نقطة زيت موتور عالنقرة النقره شكلها اتغير للافضل بنسبة 50 %
يريت لو حد عنده حل
متابعين
هو بيتباع فين sonax لتلميع الزجاج ده انا اول مره اسمع عنه
انا بأجرب موضوع الزيت
حاسة انه لم الكسر شوية
ولا زلت مستمرة
الازاز بايز بايز وحيتغير لو شاء الله فالمحاولة غير ضارة
:breakpc2::B4_444:منتظر الأختراع العجيب
ياجماعة الموضوع إشتغالة و لاإيه