يا ريت يا جماعه تخلصوني من الحيره دي وتقولولى الاحسن ايه في العربيتين وليه
يا ريت يا جماعه تخلصوني من الحيره دي وتقولولى الاحسن ايه في العربيتين وليه
لانسر طبعا لو 1600 لان الصني تقفيل مصري ودا عيب فيها
لانسر لأنها أحدث من الصني اللي تكنولوجيا بتاعتها من 2002
شكرا للردود طيب الانسر الشكل القديم 2011 ( البومه ) ولا الشكل الجديد 2011 (شارك)
الشارك جميله جدآآآآآآآآ وامكانيتها حلوة جدآآآآآآآآآآآآآآآآ اما بالنسبه للبومه فيعبيها الفتيس الستيبترونك الجديد لانه امكانياته محدوده
مع احترامى لكل الناس اللى ايدت اللانسر
انا وجهه نظرى الصنى افضل لو هتقارن اعلى فئه اتوماتيك فى الاتنين
الشارك ثمنها غالى اوى على امكانياتها ( قريب من ثمن الكورولا) حوالى 160 الف
اما الصنى اللى بتوازيها تمنها 103 الف
اعتقد الفرق بينهم لايمكن يساوى 57 الف (ثمن عربيه صغيره) الا اذا الشارك كانت بتمشى فى الميه (على اساس انها قرش )
بلاش شارك لان شكلها كده مانجحتش والله اعلم خليك في البومه
على حسب الفلوس
لو تقدر على الشارك فهي أحسن
لكن لو الفلوس مش كتيرة يبقى البومة ممتازة
إذا كانت فلوسك كتيير ومش تعبان فيها هات اللانسر ... لو شقيان في الفلوس ويهمك تحصل على قيمة مقابل المال هات النيسان ... كفاية إن المهندس سبعاوي نفسه كان راكبها ...
الشارك قطع غيارها فووووووووووووووووووووق جدا و مش بياعة و في رأيي الصني كويسة و البومة كويسة
صنى افضل
البومه
بس عموما فيه فرق كبير فى السعر كمان يعنى شوف ظروفك ايه
انا شايف فعلا ان 25000 الزياده دول راييحين في جيب التوكيل مش لحاجة زياده في العربية
البومة علي عيني وعلي راسي .... بس كلام احد الاعضاء في تقريره عن البومة 2011 وبالسعر ده
اعتقد ان الصني تكسب باكتساح ... انا نعرفش البومة فيها abs ,ebd ولا لأ
ولو لأ .... يبقي انت كده اللي هاتختار مش احنا
والتقفيل المصري ولا اروع ...... ولو حد عنده مشكلة في التقفيل يوقلي علشان اركز مع العربية لاني بفضل الله مش لاقي فيها حاجة لغاية دلوقتي :)))
خامة التابلوه نفسها لو حطيتها في الصحرا في عز الشمس ورجعت هتلاقيها زي ما هي ماشاء الله ... غير عربيات تانية في نفس الفئة واغلي ولو سيبتها شويه تخاف التابلوه يشقق
والعربيات اهيه موجوده ... يعني مش بتكلم علي عربية مش بتنزل مصر :))
بص يابرنس اللانسر بومه مش هاتشعر انك شارى زيرو وعربيه كلاسيكيه قوى وسعرها غالى ومافيش جديد . الصنى تقفيل مصرى ومش مضمونه والاتنين تصاميم قديمه من 2002 . شوف لو عايز الصنى الاحدث الخليجى الشكل الجديد وتقفيل كورى وشكل احلى للصنى بس بعلامه رينو تجيب لك رينو اسكالا 95 الف الهاى لاين اضمن لك وشكل احدث للصنى من المصرى. عايز تركب حاجه جديدة اركب اما اكسنت ار بى او النترا 2012 عربيات تحفه واتفرج وقارن وانت قرر
اهلا بممثل شركة هيونداى بالمنتدى
انصحك باللانسر لو بومه
وهي افضل - وبعيدا عن الهجص بتاع الصني تقفيل مصري - من ناحيه العفشه الخلفيه و هي ملتي لينك
واه نسيت تقفيل ياباني علشان محدش يزعل
و لازم تبقي فاهم ان اغلب فرق السعر ده رايح في مصاريف الاستيراد مش في الكفاءه و لا الاداء
بمعني انت اولي بيه و بكرر اغلب وليس كل الفرق
بالتوفيق
خليك في الصني وأنت أولي بفرق السعر لو أنت جايبها ومش ناوي تبيعها قريب
ورأي حاول تجرب الأتنين وأستخير ربنا وشوف أنت مستريح مع أيه
لانسر بومة
بص يابرنس الالنترا متعددة الموديلات والمحرك واحد وناقلين للحركة و12 مستوى للتجهيز بشكل لافت للنظر.
تجهز جميع موديلات 'Elantra' بمحرك جديد سعة 1,6 لتر من عائلة جاما ويولد قوة تزيد بـ9 أحصنة عن سابقه حيث يولد قوة 130 حصان ليتصدر المشهد العام في الفئة العائلية, ويتصل معه ناقل يدوي من 6 سرعات للمرة الأولى أو ناقل أوتوماتيكي من 6 سرعات أيضا للمرة الأولى بما يرفع مستوى الأداء ومتعة القيادة مع معدل استهلاك الوقود الذي يتراوح ما بين 6,1 - 6,7 لتر لكل 100 كم حسب الناقل.
تبدأ موديلات 'Elantra' بالمستوى الأساسي 'GL' والذي يشتمل على 8 اختيارات من الموديلات تبدأ بـGL'' بالناقل اليدوي بسعر 113,500 جنيه مصري والذي يشمل جميع الكماليات الأساسية التقليدية بالإضافة إلى راديو/CD, مصابيح ضباب, عجلات صلبة قياس 15 بوصة ومفتاح ريموت, هذا ويمكن إضافة وسادة هوائية للسائق ليصل السعر إلى 120,500 جنيه مصري أما الناقل الأوتوماتيكي مع 'GL' فهو يصل بالسعر إلى 121,500 جنيه مصري أما مع طلب وسادة هوائية للسائق ونظام المكابح ABS فإن السعر يصل إلى 128,500 جنيه مصري و131,100 جنيه مصري مع وسادة هوائية مزدوجة ونظام المكابح ABS.
كما أن هناك تجهيزا خاصا باسم 'Highline' مع مستوى 'GL' بالناقل الأوتوماتيكي يشمل عجلات سبيكة قياس 15 بوصة و2 وسادة هوائية بسعر 129,500جنيه مصري ويمكن إضافة فتحة سقف بزيادة 3000 جنيه مصري على مستوى 'GL' بالناقل اليدوي ليصبح سعره 116,500 جنيه مصري أو على مستوى 'GL' بالناقل الأوتوماتيكي ليصبح سعره 124,500 جنيه مصري أو على موديل 'Highline' ليصبح سعره 132,500 جنيه مصري.
أما موديلات 'Elantra' التالية فهي تندرج تحت مستوى 'GLS' الذي يأتي مع ناقل أوتوماتيكي فقط وبتجهيزات أساسية إضافية عن 'GL' مثل: الوسادة الهوائية للسائق, مكيف الهواء الأوتوماتيكي, مقبض وناقل حركة جلدي, حساس ركن, حساس أمطار وعجلات سبيكة قياس 16 بوصة ويبدأ سعرها من 135,500 جنيه مصري ومع طلب وسادة هوائية إضافية ونظام المكابح ABS يصبح السعر 141,500 جنيه مصري, ويمكن إضافة فتحة سقف بزيادة 3000 جنيه مصري على مستوى 'GLS' ليصبح سعره 138,500 جنيه مصري.
ويعد مستوى 'GLS Fully Loaded' هو أعلى موديلات 'Elantra' تجهيزا وهو يشمل بجانب كماليات 'GLS' الأساسية والإختيارية تجهيزات هي: الفرش الجلدي الكامل, مثبت السرعة, نظام تشغيل المحرك بدون مفتاح ويبلغ سعره 153,500 جنيه مصري.
وقد أصبحت 'Elantra' في جيلها الجديد أكثر راحة على مستوى الجلوس كما أنها أكثر جمالا من ناحية التصميم الذي يبعث على الراحة بمظهره المتطور وهي أشبه بالكوبيه في شكلها وتلاحظ ذلك مع الإرتفاع الأقل عن السابق والإمتداد القصير لصندوق الأمتعة في الخلف.
بص يا باشا عشان متحيرش نفسك ,,, اللانسر الافضل طبعا وده لعدة اسباب بس اهم الاسباب دى انها بتتقفل فى بلدها والموضوع ده بيفرق كتير فى السعر مابين العربية اللى بتتقفل فى اليابان زى اللانسر وبين العربية اللى بتتقفل فى مصر وده اللى بيخلى فرق السعر كبير ,, يعنى من الاخر اتوكل ع الله وخليك فى اللانسر ,,, وبالمرة نصيحة تانية طلاما فكرت فى اللانسر اوعى تقول بعدها النترا ولا اى حاجة تانية لأنها بتبقى نفس المشكلة بتاعت النيسان مبتتقفلش فى بلدها وعشان كدا بتبتدى تظهر العيوب ,,
طيب خلصنا دلوقتى من موضوع اللانسر ,, تبعا سيادتك دلوقتى محتار بين البوما والشارك ,, بس كنصيحة من اخوك وانا معايا البوما السوبر اكشن (( كل الكماليات )) ,,, هات الشارك احسن بكتير وده لعدة اسباب ومنها الاتى ... اولا لأن التكنولوجيا بتاعتها اعلى من البوما واحدث ,,, ثانيا لأنها مرتفعة عن الارض اكتر من البوما وخصوصا ان القرب من الارض ده عيب من عيوب البوما ومعظم الناس بتشتكى منه ,,, وثالثا ان الشارك اكبر من البوما وده من ناحية الصالون ومن ناحية جسم العربية ,,, ورابعا ان الفيبر او الساج بتاع الشارك اقوى وبيتحمل اكتر من البوما ,,, وكل الكلام ده عن تجربة شخصية وخصوصا انى ركبت البوما واعرف ناس معاها الشارك ,, ولو اقدر اغير البوما بالشارك كنت زمانى غيرتها ,, وعايز اقولك ان فيه اسباب تانية تخليك تاخد الشارك ومتاخدش البوما ,, بس كفايا كدا بقى عشان ايدى وجعتنى ههههههههه ,,,,,
بس قبل ما اخلص كلامى لازم تبقى عارف ان الغالى تمنه فيه ,,, واللى هتدفعه فى العربية هتلاقيه ,,,,
اتمنى انى اكون افادتك ,, وبأذن الله ربنا يهديك للخير ,,, تحياتى ,,,
نيسانصنى= القوه الثبات الامان الاعتماديه لسسسسسسسسسسسسسسسسسسه ايييييييييييييييييه