اكيد هوندا طبعا ويارب تكون هوندا اكورد احدث موديل
عرض للطباعة
اكيد هوندا طبعا ويارب تكون هوندا اكورد احدث موديل
ان شاء الله ناوى اسيب هوندتى 94 معايا على طول حتى لو جبت زيو علشان مقدرش اشوف حد تانى راكب فيها
ده غير اننا بنتكلم مع بعض كل يوم من البلكونه هههههههه
حغير بقى ان شاء الله فى الخطه الجديده و بعد تفكير عميق لانى هونداوى متعضب لدرجه انى مش بسمع اى مقارنه بينها و بين اى عربيه تانيه
المهم العربيه الجديده
mercedes kompressor 2011
مش فاكر اوى بس الى كنت شوفتها كانت c230
و عايز لونها فرانى
و شكر خاص لسامح باشا على الموضوع الجميل ده
سمسم باشا والله مانا عارف اسيب المنتدى ولا الهوندا انا الفتره اللى فاتت فكرت اجيب اوكتافيا a42003وركبتها مع واحد صاحبي قبل الشراء وكان عاجبني فيها العلو عن الأرض خصوصا الطرق عندنا زى الفل بس بقيت أقارن بينها وبين الهوندا ف الثبات والملفات بسرعات عاليه وصوت الموتور والسحب بمنتهى الهدوء والقوه والاعتماديه ف السفر وقطع الغيار والاسعار وكل مره الهوندا تكسب فصليت استخاره وبعد ما عملت اعلان ع النت لبيع الهوندا جالى اكثر من 30تليفون لقيت نفسي برد عليهم بأني غيرت رأى ومش هبيع طبعا حسيت براحه بجد وقررت ما اسبش الهوندا الا على هوندا تانيه اعلى فى المواصفات وبس وقفلتها فى راسي اني مش هلاقي بجد مواصفات احسن من كده خصوصا بعد ما سمعت وشفت عن الماركات التانيه وعلى فكره يا جماعه فيه توكيل شهير له عربيه فى السوق تمنها 130الف جنيه عفشه العربيه كلها استعمال خارج ومش جديده وحاليا فيه بلاغ لان العربيه عملت حادث بواحد معرفه والعجله الاماميه سابت العربيه ومشيت ومعاها المقص والكوبلن فقلت الحمد لله وربنا يستر انا بمشي 180ك ومش حاسس اني بجرى الا لما بشوف العربيات التانيه حواليا علشان كده اللى هيبيع منكم الهوندا لا هو مننا ولا نعرفه وهنغني له عواد باع هوندته يا ولاد واللى بيأيدني يقولى وعمرك متميز يا سمسم وبجد عالم سمسم بس بتاع الهوندا
bmw e36
او e46
ويا ريييييييييييييييييييت لو m3
اة يا يا قلبى على ال m power
معلش اصلى بموت فى الدفع الخلفى بموتور قوى
إنشاء الله هوندا بس موديل اعلي
طيب هقول بس من غير ضرب .
- جولف TSI وتكون تمهيداً للـ BMW ... علشان ثباتها عالى والتسارع فيها جميل واستهلاك معقول وشكل محبوب على مر الاجيال ونعومية مع قوة عفشة مميزة بالنسبة للجديد .
- جين تو ودى طبعاً هفكر فيها لو الجرشنات خستعت معايا ... واسباب تفكيرى فيها بأختصار وبدون شرح كتير هو انى شايفها Best value for money car
- كان نفسى اقولكم هوندا سيفيك بس للاسف الشكل الجديد منها يااااااااك زى ما انتوا عارفين ... لاكن لو شيلنا شرط سامح فى انها تكون زيرو ، هتكون ساعتها أخر شكل السيفك الحالى .
وبعدين صعب بجد أوى حد يخرج من الهوندا ويركب أى حاجة تانية أقل 150 الف على الأقل .
انا لو هغير هركب عربية تكون شبه او قريبة من امكانيات الهوندا .. ولكن
ماتخلنيش اروح الحرفيين علشان اعمل فيها اى شغل
قطع غيار مش غالية
عالية عن الارض لأنى بتعب اوى وانا بركب وانا بانزل, وعلشان المطبات والشوارع المكسرة
بس
يؤسفنى بقى انى بغرد خارج السرب :beatbrick: