الموضوع: ميدان التحرير

انا من الثوار لو الثوار معناهم اللى نزلوا يوم 28 لاخر الثوره
الميدان كان لى هيبه والناس لحد وقت بسيط كانت بتحب الميدان بس ايه اللى حصل دلوقتى
لا اقابل احد كبير او صغير غير لما يقولى الميدان ده خرب مصر وعلى العكس تماما انا شايفه ان شاء الله هيعمر مصر
انا نفسى مش مع الاعتصام وتحدى كل الناس الذكاء دلوقتى ان احنا ندخل الانتخابات ونبدأ نبنى البلد علشان الناس تحبنا وتحب الثوره
ارجو لمن يدعوا الى الاعتصام التفكير فى المثل القائل (الشىء اللى يزيد عن حده يتقلب ضده)
المطالب اتحققت يلا نبنى البلد
تانى مره انا كنت فى الثوره من يوم 28 علشان محدش يتهمنى بحاجه بس بجد انا عايز الناس تحبنا وتحب الثوره والميدان

الناس مش واخده علي البحث و التقصي
اقرب رأي حيوصل لحد عنده حيبقي هو ده الصح و شكرا

ايضا الاغلبية تفضل الرأي الاسهل مش الاصح
يعني تعالي نلم سائقي الميكروباص قبل الثورة علشان نعترض علي الاتاوات و المخالفات الغير مبررة ..... لا ياعم و انا مالي
طيب يلا نرفع الاجرة لتعويض الاتاوات .......يا بهوات الاجرة جنية و نص مش جنيه

اي حد عنده تمن كيلو انصاف حيقول ان المشهد مختلط في ناس لها حقوق و في ناس تقفز لتحقيق مصالح و اغراض شخصية و في شرفاء في الدولة و هناك ايضا فاسدين و اصحاب نفوذ واسع
و الواجب نخلص الناس دي من بعضها .. نساعد الغلبان و الشريف في تحقيق احلام الناس و تلبية رغباتهم و نقف ضد اصحاب المصالح و الفاسدين
انما التعميم ان كل اللي في الميدان كذا او كذا ده مش صحيح علي الاقل في رأي الشخصي