يا مقطوراتك يا مصر

**Noha.M** · 05-05-2008 12:41 AM

Ah walahy ya karim ,kona hanodkhol be weshena walahy lola satr rabena goz okhty 7adaf yemen ! We ya 7aram lesa mathanash bel BM beta3to .bs lola el tari2 fady kan zamanha b2et karsa

**ASD peugeot** · 05-05-2008 12:44 AM

شعار النقل التقيل يا تعدي يا تهدي ودي من عندي ولاا اعورك و تعويرته جامده اوي ربنا يبعدنا عنهم
اصلهم بقبلوني كتير علي الطريق و الطرق عندنا ضيقه وبيمشوا بتهور كمان

**3mr Farrag** · 05-05-2008 02:07 AM

حمدلله علي السلامه يا كريم
انا عمري ما فكرت اسافر غير وقت الفجريه...
غير لو لازم ارجع في وقت معين او ورايا اي حاجه
اصلي الفجر و انزل امسك الطريق طوالي....
و الدنيا بتكون فاضيه و الجو حلو

**elayat** · 05-05-2008 02:24 AM

أنا ليه مغامرة مع كساح من غير مقطورة ومكنش محمل حاجه!!!!!!!!!
أنا وراجع من أسيوط ورايح سوهاج وفى مطب فى مركز طما وأنا باخد المطب بالراحة جداً ولقيت الكساح الظريف جاى من على شمالى وبياخد المطب بالراحة برده وبعد ما خلصت المطب الكساح رمى عليا يمين طبعا وسعتله السكة وطلع منى وبعد كده جبته تانى
وفيه مطب تانى بعد كام كيلو كده ونفس المنظر وكان عاوز يعدينى بس أنا راسى وألف سيف أشد قباله ولما لقانى هعديه رمى عليا المره دى جامد وبهدلى العربيه من الشمال وعلى بال ماشفت إللى فى العربية ونزلت منها كان الظريف إختفى من الوجود وغيرت بابين فى التوكيل
والله المستعان

**sherif_84** · 05-05-2008 03:12 AM

حمدلله على سلامتك ياكــــــريم باشا انت والأسرة ربنا يسترها في طريقك وفي طريقنا يارب
عشان خاطري ماتحاولش ترخم على الناس دي دول ماعندوهمش تفاهم وممكن يخبطك ومش فارقة معاه خاااااالص والله بقت موضة دلوقتى حوادث المقطورات وخاصة طريق القاهرة - السويس و طريق القاهرة - اسماعيلية الصحراوي وعلى فكرة هما مزاج عندهم الحارة الشمال !!!
انا على قد ما أقدر بتجنبهم واعدي منه وخلاص على رأى المثل ياتهدي ياتعدي ( : ( :

**islamnabil** · 05-05-2008 03:47 AM

حمد لله على السلامة يا كريم
انت عارف ان الصحراوي كان واقف عشان كان في حادثة بسبب مقطورة برضو
ربنا يسترهل معانا جميعا

**mido777** · 05-05-2008 09:42 AM

حمدالله على سلامتك يا كيمو انت وألأسرة
بس انا عاتب عليك مرتين

المرة الأولى : علشان بتلعب مع الناس دية على الطريق ومعاك الأسرة ربنا يحفظهم
- على فكرة ! فيه ناس من سواقين التريلات دية بيكونوا جدعان قوى على الطريق وانا ساعات وانا مسافر بصطاد حد منهم ونفضل مونسين بعض طول الطريق

المرة الثانية : انت عارف ليه ...

**Casio2000** · 05-05-2008 10:25 AM

المشاركة الأصلية كتبت بواسطة elayat

أنا ليه مغامرة مع كساح من غير مقطورة ومكنش محمل حاجه!!!!!!!!!
أنا وراجع من أسيوط ورايح سوهاج وفى مطب فى مركز طما وأنا باخد المطب بالراحة جداً ولقيت الكساح الظريف جاى من على شمالى وبياخد المطب بالراحة برده وبعد ما خلصت المطب الكساح رمى عليا يمين طبعا وسعتله السكة وطلع منى وبعد كده جبته تانى
وفيه مطب تانى بعد كام كيلو كده ونفس المنظر وكان عاوز يعدينى بس أنا راسى وألف سيف أشد قباله ولما لقانى هعديه رمى عليا المره دى جامد وبهدلى العربيه من الشمال وعلى بال ماشفت إللى فى العربية ونزلت منها كان الظريف إختفى من الوجود وغيرت بابين فى التوكيل
والله المستعان

انا بس عاوز اتأكد اني فاهم صح

حضرتك تقصد انه خبطك فعلا ؟؟؟؟؟؟؟؟
لمجرد انك شديت معاه ؟؟؟

**دموع الثلج** · 05-05-2008 03:02 PM

المشاركة الأصلية كتبت بواسطة karim_monir

البلد فعلا ماشية من سيئ لاسواء
حاتم وفهد انا بجي قدامهم واضرب انتظار واهدي ومهما يدين يفي كلاكسات ببقي عامل مسافة امان كافية وحارق غيار عشان لو قرص عليا اعرف اخلع بسهو ما فارق الوزن واحجم لصالحي طبعا وعمر ما عهعملها من غير موتور حنين
بس بعد الساندوتش اللي كانو هايعملوة فيا مش هاعملها واسرتي معايا

بجد حرام عليك يا كريم اللى عملته وخصوصا معاك اطفال يعنى لو واحد غبى ولا واحد اعمى زنق عليكم هتعمل ايه يا سيدى خاف على نفسك اكثر خصوصا ومعاك الاولاد

ربنا يسترها علينا جميعا من الطرق واللى بقى بيحصل فيها بشكل يومى

وفى خلال الخمس سنوات الاخيره ارتفعت نسبه الحوادث فى مصر يمكن 200% ربنا يتولانا ويسترها يارب

**Karim_Monir** · 05-05-2008 03:10 PM

شاكر ليكم كل اهتمامكم والله
بس لو تشوفوا جنانهم
انا كل مابص في امبير السرعة واشوف انه ماشي 130 اتجنن
ده بيبقي عامل زي القذيفة الغير موجهه ولو جه في حائط خرساني هايفتتة

المشاركة الأصلية كتبت بواسطة mido777

المرة الثانية : انت عارف ليه ...

حبيب قلبي والله اسال احمد جود ويف وهو ساكن بينا وبين بعض كام عمارة ماعرفتش اشوفوة خالص
العيال كانو ممرمطني والله وكذا مرة اكون معدي على بيت حماتك اقول يمكن الاقي العربية مالاقيهاش
اهدي وابص علي بيت العريس برضه مالقيش السيتي السواداء
افتكر بقي انه راكن هناك في سيدي جابر
شكرا يا حبي