تركب ايه في حدود 70 الف

**kamatsho** · 18-07-2011 07:39 PM

مع واحد صاحى وفيا اى بى اس وان شاء الله ركوبتها هتعجبك اووى وثابتها ع الطريق جميل جدا

**ainshouka** · 18-07-2011 11:42 PM

الاوكتافيا a4
بودى سميك مش رقيق زى باقى العربيات
ثبات رائع جدا على الطريق
عفشة تستحمل ظروف بلدنا
فيها ABS
وباقى الاوبشن زى كمبيوتر رحلات وباور وزجاج كهربة وكده
اهم حاجة وانت بتشتريها تتاكد انها اتعملها صيانة الستين الف طبعا لو عدادها عدى الستين وخصوصا تغيير زيت الفتيس لانه لو ماتغيرش عند الستين يبقى احتمال الفتيس يبوظ بنسبة عالية ودا نتيجة اهمال صاحبها فى الصيانة فلازم تتاكد من النقطة دى قبل الشراء

قطع الغيار الدورية مناسبة زى تيل الفرامل والفلاتر والسيور
ومتواجدة

وكمان عربية بريستيج

**seqoia** · 19-07-2011 05:31 AM

شكرا جزيلا ليكم جميعا

ان شاء الله في واحدة هاروح ابص عليها النهارده

**emadsmsma** · 19-07-2011 06:00 AM

ممكن هيونداى متريكس مستعملة 2008 عندى اتوماتيك

**M.Radwan** · 19-07-2011 08:20 AM

المشاركة الأصلية كتبت بواسطة kamatsho

ميجان ايه اللى افخم من الأوكتافيا

يا باشا عيب تقول كده فى حق الاوكتافيا
مع احترامى للميجان برضو

توكل على الله الأوكتافيا عربيه ركوبتها نضييييفه بمعنى الكلمة .... بس قطع غيارها حرراقه شويتين بس بتعيش

بالتوفيق

لو بتقارن الميجان بالاوكتافيا a4 يبقى طبعا الميجان أفخم بمراحل..
أما أوكتافيا a5 هي اللى برستيجها عالى لانها فئة الجيتا والسيفيك وتجهيزاتها عالية أوي،

بالنسبة لصاحب الموضوع، مفيش أحسن من الزيرو، اشترى دماغك وقدامك اختيارات كتير زي ما قال الاخوة الزملاء
رينو لوجان - بروتون ساجا - فيرنا.

**albasha** · 19-07-2011 01:47 PM

المشاركة الأصلية كتبت بواسطة rompo10

توكل علي الله وهات اوكتافيا عمليه اكتر من الرينو ودا مش كلامي دا كلام قسم رينو

نفسي أشوف الموضوع اللي حضريتك قريته في قسم الرينو وقالك الكلام ده

وبالنسبه للموضوع نفسه

هو الموضوع رأي شخصي بالنسبالي هتبقي الحيره جامده بين الفخامة وبين إعتمادية وغلو قطع الغيار
والمقارنه هتكون بين الميجان و الأوكتافيا
وأعتقد في سعر قطع الغيار مش هيفرق كتير الفخامه أعتقد الميجان تكسب إعتمادية قطع الغيار أعتقد الفرق مش كبير بين الأتنين
وفي النهايه الموضوع راحه نفسيه وحالة سياره ممكن تجيب ميجان تتعبك جداً وساعتهخا هتبقي أزبل سياره في التاريخ بالنسبالك وممكن تجيبها حاله كويسه وساعتها هتبقي مبسوط بيها جداً ونفس الكلام مع الأوكتافيا
وربنا يوفقك للأختيار الأصلح بالنسبالك

**SYD** · 19-07-2011 06:53 PM

المشاركة الأصلية كتبت بواسطة seqoia

وكنت عايز اعرف هو الاوكتافيا a4 فيها abs

دة من غير ما تسأل
اكيد فيها abs
لعدة اسباب
1- انها موديل بعد 2000
2- لأنها تكنولوجيا فولكس الماني
3- لأنها بموتور وشاسيه وعفشة جولف 4 وجيتا وأودي وكلهم فيهم abs هتكون هيا بنت البطة السودا ؟؟؟؟

الله المستعان
،
،

**SYD** · 19-07-2011 07:02 PM

المشاركة الأصلية كتبت بواسطة emadsmsma

ممكن هيونداى متريكس مستعملة 2008 عندى اتوماتيك

ياباشا مع احترامي للماتريكس بس الراجل عايز عربية ركوبة مش ووقفة
مش عارف ليه لما ركبت الماتريكس حسيت اني واقف مش قاعد وكمان كنت خايف أقع من الشباك لأنه تقريبا كان عندي ركبتي

المشاركة الأصلية كتبت بواسطة foxoo7

لو بتقارن الميجان بالاوكتافيا a4 يبقى طبعا الميجان أفخم بمراحل..
أما أوكتافيا a5 هي اللى برستيجها عالى لانها فئة الجيتا والسيفيك وتجهيزاتها عالية أوي،

الميجان جميلة جدا جدا جدا وثابتة جدا علي السرعات وفيها كماليات فعلا اكتر من الأوكتافيا زي الأير باج للسائق والراكب الأمامي والستاير علي الزجاج الخلفي والأبواب الخلفية (سيارة ليموزين) وكمبيوتر الأعطال المتطور جدا ومثبت السرعة في طارة الدريكسيون وزرار start/stop engine والتكييف التاتش بتظبط درجة الحرارة المطلوبة والفتيس ال steptronic وبجد تحفة من جميع المقاييس

لكن بردو الأوكتافيا فيها كماليات مش سهلة وأنظمة أمان وثبات علي السرعات غير موجودة في الميجان واعتقد فيها التكييف التاتش بييظبط درجة الحرارة وفيها اير باج

بس الميجان عيبها في الفيبر والحساسات الكتير الي بتبوظ ممكن من أقل مطب جميل في مصر ودي عن تجربة مع واحد صاحبي علي مطبات عيون القطة علي كورنيش اسكندرية

بالنسبة لصاحب الموضوع، مفيش أحسن من الزيرو، اشترى دماغك وقدامك اختيارات كتير زي ما قال الاخوة الزملاء
رينو لوجان - بروتون ساجا - فيرنا.

ياباشا مفيش اي وجه مقارنة خالص بقي احنا بنقارن بين الميجان والأوكتافيا تيجي سعادتك تقول فيرناااااا او ساااااجاااااا او لوجاااااان
حرام

المشاركة الأصلية كتبت بواسطة albasha

نفسي أشوف الموضوع اللي حضريتك قريته في قسم الرينو وقالك الكلام ده

وبالنسبه للموضوع نفسه

هو الموضوع رأي شخصي بالنسبالي هتبقي الحيره جامده بين الفخامة وبين إعتمادية وغلو قطع الغيار
والمقارنه هتكون بين الميجان و الأوكتافيا
وأعتقد في سعر قطع الغيار مش هيفرق كتير الفخامه أعتقد الميجان تكسب إعتمادية قطع الغيار أعتقد الفرق مش كبير بين الأتنين
وفي النهايه الموضوع راحه نفسيه وحالة سياره ممكن تجيب ميجان تتعبك جداً وساعتهخا هتبقي أزبل سياره في التاريخ بالنسبالك وممكن تجيبها حاله كويسه وساعتها هتبقي مبسوط بيها جداً ونفس الكلام مع الأوكتافيا
وربنا يوفقك للأختيار الأصلح بالنسبالك

11111111111111++
المسألة نفسية وحالة عربية

المقارنة دي بنعملها في حالة ان العربيتين نمرة واحد

والله المستعان
،
،

**SYD** · 19-07-2011 09:19 PM

المشاركة الأصلية كتبت بواسطة foxoo7

الأخ الفاضل syd

أنا مصر ان الميجان كـ ركوبة وبرسيتج وأوبشنز أعلى من ال a4 بكتير

ٍِِa4:
- مفيهاش غير ايرباج واحدة بس للسائق
- أنظمة فرامل abs فقط
- مفيش تكييف تتش ولا زجاج كهرباء تتش ولا مخدع فى الكنبة الخلفية وأماكن التخزين فيها قليلة، بس تقريبا فيها مثبت سرعة.
- شكل الكونسول قديم جدا والعربية كلها شكلها كلاسيك.
- موتور 101 حصان، 8 صمامات، فتيس مانيوال ( وفي بعضها أوتو عادي بس مشوفتهاش)

ميجان:
- 6 و 8 إيرباج حسب الفئات، فرامل abs و ِ ebd
- باور كهرباء، تكييف تتش، زجاج كهرباء تتش، فتحة سقف كهرباء، حساسات مطر وضوء، كمبيوتر رحلات وأعطال، وkey less entry
- مرايات ضم، مثبت سرعة، محدد سرعة، مخدع خلفي ومسند يد بكونسول وسطي، ستائر جانبية وخلفية
- موتور 110 حصان 16 صمام، فتيس ستيبترونيك.

...............................................

بالنسبة للاعتمادية، أكيد الأوكتافيا أكثر اعتمادية لقلة التكنولوجيا فيها وصناعتها الممتازة
الثبات عالي جدا كما هو متوقع، والعربية إجمالا ممتازة ولكن مع أخذ فى الاعتبار انها كلاسيكية
وعربية عادية جدا من ناحية التكنولوجيا،

الميجان كل مشكلتها فى الجانب التكنولوجي بتاعها، بعض الناس بيعتبروه ميزة وبعضهم بيعتبرو عيب.
.............................................

بخصوص استخدام الفيبر فى رفارف الميجان، دي أحد نقاط القوة فى تصميم العربية ، لان الفيبر بيمتص الصدمة
من غير ما يؤذى الأشخاص أو العربية نفسها. اتفرج على الرفرف الصج لما ياخد أي خبطة بيبقى شكله ازاي
وياريت بتعرف ترده ع البارد.
.............................................

أرجو لو في أى معلومة خطأ تصححهالي، وشاكر سعة صدرك.

فعلا حضرتك ذكرت حاجات انا كنت ناسيها في الميجان
انا شخصيا معجب بيها جدا جدا جدا
وخصوصا السقف البانوراما بتاعها
بس للأسف قطع غيارها اغلي بكتير اوي عن الأوكتافيا
انا شوفت حاجات في التوكيل رينو (حاجات تطير العقل) قفل الكبوت ب800 جنيه بتاع العربية كليو وعلبة الشكمان ب 4600 بردو كليو ، تيل امامي كان ب480 الله اعلم بكام دلوقتي طقم الكابلات بتاع البوجيهات 1200 جنيه
اسعار خرافية

انا مش لاقي كلام اقوله
الميجان تكسب ككماليات واوبشنز

بس بردو بحب فولكس

والله المستعان
،
،

-

الموضوع: تركب ايه في حدود 70 الف

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تركب ايه ؟؟؟؟

ممكن تركب تاكسى وممكن تركب فصل

تركب e36 موديل 2001 حتى 2003 ولا تركب e90 موديل 2006 ؟؟

لو انت شاب تركب ايه من دول

الكلمات الدلالية لهذا الموضوع

المفضلات

المفضلات

ضوابط المشاركة