تركب ايه في حدود 70 الف

**SYD** · 21-07-2011 02:49 PM

المشاركة الأصلية كتبت بواسطة seqoia

عربية مستهلكة 13 سنة اكيد هتختلف عن عربية مستهلكة 5 سنين

خاصة لما تكون عربية شبابي ومجرمة زي الدبانة بس ده ميمنعش اني لو في طريقي اتكعبلت في واحدة نضيفة يبقى تمام

بس اكيد من 97 ل 2006 في فرق استهلاك
9 سنين

وكمان فرق ان الدبانة معظم اللي راكبينها شباب في حين الاوكتافيا معظمهم ناس كبيرة

حضرتك كلامك مظبوط 100 % بس ماينفعش تعممه
الألماني حاجة تانية خالص غير المقاييس الي بالك فيها
الدبانة في منها راكبها ناس عاقلة مش مجانين وكمان بيركنوها في جراج يعني حضرتك مع البحث المكثف ممكن تلاقي حتة مركونة في جراج في الدقي ولا العجوزة ولا الزمالك وصاحبها دكتور في الجامعة ومش بيفحت بيها ولا دريفتات ولا هاند ولا اي كلام من ده

المشاركة الأصلية كتبت بواسطة moh19227

ومن اول 2003 كمان

حضرتك ممكن تدخل علي مواقع بيع السيارات وانت تعرف الأسعار ماشية ازاي

المشاركة الأصلية كتبت بواسطة fineart607

والله اغرب حاجه لما يكون معك فلوس تدفعها فى عربيه مستعمله مهلوكه المهم انها ماركة مشهروه وشكلها حلو وخلاص

ياعم صدقنى الزيرو زيوا هات حاجه تريح دماغك وتبعدك عن العمال والصنعيه الى بيفتوا ومش عارفين حاجه والله

لا طبعا انا مش معاك

العربية المستهلكة الي حضرتك بتتكلم عنها ممكن واكيد مش ممكن احسن من الي بنفس تمنها زيرو
انا معاك هتلاقي فيها حاجات مستهلكة بحكم السنين لكن اول لما تغيرها خلاص انساها

انا والله شفت عربية دبانة ربنا يكفينا الشر طرف الزجاج الأمامي مشروخ مش مكسور والزجاج الخلفي والشنطة والمرايا الجانبية ولما بسأل صاحبها قالي انه مقلوب بيها
والله لو شفتها تفتكر ان وقع عليها حاجة لدرجة انها مش محتاجة سمكرة ولا دوكو

تخيل بعد الشر لو كانت فيرنا هيبقي حالها ايه ؟؟؟

الله المستعان
،
،

**raedegypt** · 22-07-2011 09:50 PM

فيرنا-لانوس - اسبرنزا ام 11 وان كان عن الكماليات الاسبرنزا ام 11 كلها كماليات مش موجودة فى فئتها السعريه لاى سيارة اخرى

**Mik_t4** · 22-07-2011 10:00 PM

انا منصحوش باي عربية صيني
انا عندي عربية اوروبي موديل 70 انضف من اي صيني ورق
يا جماعة شوفو اختبارات التصادم بتاعت الصيني في المانيا ومتصدقوش كلام الجرايد واعلانات التوكيلات
دي عربيات انتحار

**seqoia** · 23-07-2011 01:11 PM

شكرا ليكم جميعا

الحمد لله ان شاء الله هازود المبلغ شوية واشتري نيسان صني اوتو abs زيرو

بصراحة عاجباني اوي كسعر مقابل عربية سيدان ياباني زيرو اتنين اير باج و abs

ارخص من البومة ب 35الف جنيه

معليش زهقتكوا معايا

**elbeheri** · 23-07-2011 01:21 PM

المشاركة الأصلية كتبت بواسطة seqoia

شكرا ليكم جميعا

الحمد لله ان شاء الله هازود المبلغ شوية واشتري نيسان صني اوتو abs زيرو

بصراحة عاجباني اوي كسعر مقابل عربية سيدان ياباني زيرو اتنين اير باج و abs

ارخص من البومة ب 35الف جنيه

معليش زهقتكوا معايا

aa
Best value for money

**Mik_t4** · 23-07-2011 02:26 PM

المشاركة الأصلية كتبت بواسطة seqoia

شكرا ليكم جميعا

الحمد لله ان شاء الله هازود المبلغ شوية واشتري نيسان صني اوتو abs زيرو

بصراحة عاجباني اوي كسعر مقابل عربية سيدان ياباني زيرو اتنين اير باج و abs

ارخص من البومة ب 35الف جنيه

معليش زهقتكوا معايا

صني ؟!!!!!
يا رااااجل حراااام
ومعلش عايز اسالك سوال
هو اية لزمة ال abs في مصر؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
هو الاسم كماليات وفلوس زيادة وخلاص؟
دي ملهاش اي تلاتين لزمة
لانك لا بتمشي علي تلج زي اوروبا
ولا المطر شغال طول السنة بردو زي اوروبا
ومعلش انا مش عارف بصراحة اختارت صني ازاي

**fineart607** · 23-07-2011 03:07 PM

الزيرو احسن حتى لو صينى توكل على الله هتستفاد ايه تركب عربيه ماركة زى الأوكتافيا والميجان ولا بى ام وتروح كل يوم تصرف دم قلبك عند واحد بيعك كل الصنعيه فى مصر عكاكاين والمسمار الى بيتفك فى مصر مش بيرجع مكانه
الشباب الى عمال يقول لك بى ام ولا اوكتافيا بكره لما يتحملو المسئولية هيعرفوا ان الواحد فى مصر لازم يدور على راحة دماغة علشان فى حاجات كتير تانية هتوجع دماغة

**amigooo** · 23-07-2011 03:07 PM

المشاركة الأصلية كتبت بواسطة mohamed2002

لا طبعا الاتنين تقريبا في رينج 95 الف انا قصدي يزود ويجبهم زيرو بس برضة والله الاوكتافيا روعة تحس انك سايق اسد

طيب وتحس انك سايق اسد لية ؟؟؟ ماتسوق اسد حقيقى .. مالة البيجو 406 من 2003 اسد ابن اسد .... ولا اية !

**Mik_t4** · 23-07-2011 03:10 PM

المشاركة الأصلية كتبت بواسطة fineart607

الزيرو احسن حتى لو صينى توكل على الله هتستفاد ايه تركب عربيه ماركة زى الأوكتافيا والميجان ولا بى ام وتروح كل يوم تصرف دم قلبك عند واحد بيعك كل الصنعيه فى مصر عكاكاين والمسمار الى بيتفك فى مصر مش بيرجع مكانه
الشباب الى عمال يقول لك بى ام ولا اوكتافيا بكره لما يتحملو المسئولية هيعرفوا ان الواحد فى مصر لازم يدور على راحة دماغة علشان فى حاجات كتير تانية هتوجع دماغة

يا باشا اية الكلام دا
في عربيات استعمال انضف من الجديد
وهو هيشتري عربية مستعملة وهو مغمض؟!
في حاجة اسمها كشف ويعرف كل حاجة في العربية
والجديد ممكن يعطل اكتر من القديم
خصوصا القديم لما يكون الماني

والجديد فوانيس كرومبو

-

الموضوع: تركب ايه في حدود 70 الف

LinkBack

أدوات الموضوع

عرض

-

-

-

-

المواضيع المتشابهه

تركب ايه ؟؟؟؟

ممكن تركب تاكسى وممكن تركب فصل

تركب e36 موديل 2001 حتى 2003 ولا تركب e90 موديل 2006 ؟؟

لو انت شاب تركب ايه من دول

الكلمات الدلالية لهذا الموضوع

المفضلات

المفضلات

ضوابط المشاركة