ان شاء اللة نويت اشتري تيجو 1600كاش
ياترى احسن مكان اشترى منه اية و احسن سعر كام
كمان محتار بين اللون النبيتى و الرصاصى ؟!
و شكرا ليكو
عرض للطباعة
ان شاء اللة نويت اشتري تيجو 1600كاش
ياترى احسن مكان اشترى منه اية و احسن سعر كام
كمان محتار بين اللون النبيتى و الرصاصى ؟!
و شكرا ليكو
شوف يااستاذ اسامه هقولك نصيحه اخويه لحضرتك
خليك فى التيجو ال2000 الأوتو صدقنى تحفه وال1600 حلوه لكن ال2000 احلى واجمل عن تجربتى الصغيره لها وصدقنى هتبقى انت الوحيد الكسبان فى الموضوع ده
اما عن اماكن الشراء امامك مكانين لاتات لهم :
ابوالفتوح المعادى على الكورنيش
اوتو سمير ريان بمدينه نصر ( ناس محترمه وبتقدرك حتى لو مش هتشترى وموظفين وعاملين عارفين معنى كلمه عميل ايه )
اما عن اللون فده راجع لذوق حضرتك لكن رأيى ان حضرتك ممكن تخليك فى الرصاصى لون جميل وهادى
واتأكد انك مش هتندم يوم انك جبت اسبرانزا لأنها عربيه محترمه بجد بأستثناء توكيلها الغير محترم بالمره
انا شاكر جدا لرد حضرتك يا استاذ كينج
ياتري الفرق في استهلاك البنزبن بين 1600 و 2000 كتير
مبروك مقدما
اللون الرصاصي افضل
محايد من جهه التراب
والتيجو جميله جدا
ان شاء الله لو غيرت ها جيب تيجو 2000
استاذ اسامه حضرتك ليك علينا حق النصيحه والمساعده وحق حضرتك الأختيار المطلق فالى حضرتك شايفه سواء 1600 او2000 ان شاء الله يكون خير وربنا يباركلك فى اختيارك
فكرتني بسمير ريان مرة رحت اسأل علي عربية بالقسط، وسألت علي العربية قالي سعر قولتله والتقسيط قالي علي البنوك اللي عندهم قولتله لا انا البنك بتاعي هيديني اقل من كده، طب والتأمين قالي التامين 3,5 % قولتله لا انا هأمن مع شركة تانية عندنا عقد جماعي وهيدوني ب 2 %، بصلي كده وقالي يبقي العربية هتزيد الف جنيه قولتله ليه؟
قالي عشان احنا بناخد عمولة من شركة التأمين.
وديه كانت اخر مرة ليه في سمير ريان
خليك مع توكيل ابو الفتوح مباشرة ومش حتلاقى فرق كبير فى السعر مع ضمان تسليم اسرع
بالنسبة للون دى ازواق بس الالوان الغامقة بتليق فى العربيات العالية زى التيجو
بص هى 1600 مناسبة للاستهلاك العادى لكن نتيجة لارفاع العربية ووزنها حتلاقى سحبها بطة واكلة كتير وهتحتاج وقت فى التجميع زى الاتوماتيك
ربنا يوفقك
تم الحجز و الحمد لله اللون النبيتى كله يومين ثلاثة و استلم ان شاء اللة
ا
مبروك مقدما
عاوزين تقرير مفصل تفصيل ممل مسمار مسمار صمولة صمولة
وصور العربية
ومبروك الفمية واتأكد انة مثبت علي الرخصة
والون النبيتي شيك علي العربية بس عاوز العربية تبقي متلمعة علي طول
استلم بس و هاعمل تقرير مفصل مسمار مسمار و زنجة زنجة
الف مبروك
لو سمحت سعرها كام عند ابوالفتوح ؟ وهل سألت عن سعر الـ 2000 اتوماتيك ؟
وشكرا
تم الاستلام و الترخيص بحمد الله و ربنا يبارك فيها
و جارى الاستمتاع بالتيجو :B4_384:
بصراحة ماكنتش متوقع الحلاوة دى اتارينى كنت دافن نفسى مع الادا وانا مش واخد بالىhttp://www.nilemotors.net/Nile/image...ajd%284%29.gif
بلاش نكدب احنا فى رمضان لا كنت واخد بالى و باستعبت http://www.nilemotors.net/Nile/image...954%5B1%5D.gif
اوعدكم بتقرير مفصصصصصللللللل بس سيبونى شوية استمتع بيها
الف الف مبروك يامان .. ربنا يديك خيرها ويكفيك شرها ويباركلك فيها
ربنا يبارك..
نصيحة لوجه الله إبعد عن التيجو أنا عندى واحدة وبأقاسى الأمارين منها ، نصيحة إبعد عنها ، عربيتى موديل 2010 وعاملة حوالى 5500 كيلو وافيهاش أى مشاكل ومستعد أبيعها
رد افتكاسى .. عيوب العربية واضحة فى المشاركات الكثيرة على هذه الصفحات ، زى سحب العربية التقليل اللى يجيب شلل للسواق والعضة عند النقل على الأول والتانى والحاجة لتربيط العفشة كل شوية والتكييف الضعيف والحاجة لرزع الأبواب ، وآخرها إنكسر عندى مفتاح التكييف وبحثت عنه فى مراكز الخدمة لكن علشان أجيبه لازم أروح أبو رواش ... إيه رأيك ياصاحبى
والله يا صاحبي مقدرش اقولك حاجة، انا عندي ال 2000 سي سي عشان كده مش بعاني من موضوع السحب ، بس بقيت الحاجات، الابواب عملوها في الصيانة وبقت عاديه، والتكيف عندي الحمدلله كويس جدا، والعفشة شغاله الحمدلله كويسة مش سيئة ، مع العلم ان بمشي بيها في كل حته
وبرضه للامانة ، العربية ديه ملهاش اي مميزات؟
عموما ما دام الموضوع معاك كده يبقي بيعه وريح دماغك منها
انا ناوي اشتري تيجو يا جماعه تنصحوني بايه
نصيحه .. اى كان نوع السياره اشترى مباشر من التوكيل ... اى معرض :N_no[1]:لما تلاقى مصيبه يقولك روح للتوكيل يبقى من الاخر خليك فى التوكيل اضمن . ممكن قوى المعارض بيكون عندها استوكات قديمه وبعضها بها عيوب خدوها بسعر تحت قووى لوط وتتباع زى الجديدة ولا انت ولا انا نعرفها هو موضوع فرز اول وتانى وخامس والمعارض يحبوا دة لانه دة مكسبهم هنا. التوكيل يهمه سمعته وبيكون الفرز الاول ال عنده ....
على حسب اختيارك ما بين اللونين
طبعآ النبيتى والاحلى الاحمر الفاتح الفيرارى فى السيارة دة مع النواكل بيعمل شغل دة راى وانت حررر
[marq="4;down;2;alternate"]
نصيحة أخوية إبعد عن التيجو وال 1600 بالذات
[/marq]
انا شايف ان عيوبها مش عيوب قاتلة
فى سيارات كتير يابانى و اوربى و كورى و فيها مشاكل كبيرة فى السحب
لكن التيجو بالمقارنة بسعرها و مميزتها اعتقد انها كويسة
و حكاية السحب دى ممكن تكون مشاكل فى الغيار
يعنى لما تدى الغيارات بسرعة تلاقى العربية مش بتجمع
و الله أعلم
على فكرة انا بفكر اشترى التيجو 1600 موديل 2012