انا خلاص زهق من مصر والعيشه فيها حاجه تخنق

**otefa** · 13-07-2011 07:28 PM

المشاركة الأصلية كتبت بواسطة ashraf_msd

وأنا معاك

نطالب الدولة باجبار كل شحات انه يعزف جيتار ويجيب مراته تغني وعياله يعملو شعرهم سبايكي

ههههههههههه

**waelfarid** · 13-07-2011 07:33 PM

شوفت الواد ابو جل فشعره اللي مبلط فالديسكو
شفت

**Amr Axel** · 13-07-2011 07:35 PM

بس عايز اقولك حاجة انا ذكرتها في مشاركاتي في موضوع الاخ ghosts

اوعي ده يخليك تكره البلد و البلد اللي اقصدها المتمثلة في الارض : التراب - المية - الهواء
لأن الارض ملهاش ذنب نظلمها بسبب سلوك الناس
الناس بتتغير ع الارض لكن الارض هي اللي مبتتغيرش
يعني مش هنلاقيها في يوم من الايام عاملة سبايكي و لا لابسة بنطلون ساقط

و لندعو الله ان الناس تتغير

**nevozaky** · 13-07-2011 07:40 PM

هوه فعلا الشعب والناس .بس بردو مش كلهم .حتى لو معظمهم .
لازم تغيير نفوس الناس وعقولهم .وده طبعا شبه مستحيل .
انا تخيلت ان بعد الثورة لما الناس تحس ان البلد بلدهم ان سلوكهم هيتغير
ولكن للاسف ظهر الفوضى الزيادة عن الاول والبلطجة والسرقة .
بدل ما نحافظ على بعض بقينا بنسرق بعض ونروع بعض .حتى لو بايد خفية .
المهم ان ده هوه اللى حاصل وبيحصل .
اتمنى ان ده يتغير ويا ريت كل واحد يبداْ بنفسه .
بس المشكلة ان اللى مدرك الموضوع ده هما الناس الكويسين والملتزمين .
وفعلا الجهل له عامل كبييييييييييير جدا فى اللى احنا فيه .
ربنا ان شاء الله يبقى معانا ونحاول نغير نفسنا والناس على اد ما نقدر .على الرغم ان زى ما قلت ده شبه مستحيل صعب نعمل اعادة تقويم للناس باختلاف طبا ئعهم وثقافتهم العقلية والاجتماعية .
لكن يا رب يبقى فى امل للاْصلاح .

**م.احمد زكريا** · 13-07-2011 07:50 PM

براحة يا جماعة مصر بقالها 60 سنة في النازل

لا تعليم بيتقدم ولا تامين صحي حقيقي

وعدم ضمير في الحكم ومتاجرة بالناس وارزاقها وصحتها

عايزين كل ده ينتج عنه شعب ياباني مثلا

نعتبر ان الكان ده حاجة ونشد خط ونقطة ومن اول السطر

شعب نعتبره وليد محتاج يتعلم من جديد

بدال الاعلام الهابط الإحنا عايشين معاه

عايزين جمعيات المجتمع المدني بدل ما هم شاغلين حياتهم سياسة × سياسة

يبدأوا يحطوا اهداف اعادة الشعب إلى حضارته من جديد بالتوعية في التليفزيون والملصقات والشعارات وفي التعليم

الشعب المصري محترم بس احترموة وفي نفس الوقت اعتبره زي ابنك اللو غلط بتعاقبه

لو الشارع نظيف ... هاتتكسف ترمي حاجة في الشارع ... ولو رميت تدفع 300 جنيه زي شرم الشيخ

مترو الانفاق الوحيد المافيهوش زبالة .... ليه عشان الغرامة

بس بلاش تجني على الناس الظروف هي الخلتهم كدة

**Typerr** · 13-07-2011 09:11 PM

المشاركة الأصلية كتبت بواسطة ahmed2y

اقسم بالله النهاردة جت فى بالى الحكاية دى بتاعت القنوات الدينية الى بتعمل كدة يبقى الشيخ بيتكلم والشريط بتاع الاعلانات شغال

ده اكبر سبب بيخليني مش بقتنع بالشيوخ دول
ابسطها
القنوات دي مربحه بدرجه محدش ممكن يتخيلها
ثانيا في قناه معينه صاحبها الشيخ حسان
طب انت ازاي مدير قناه وتسمح بالنصب فيها
كلها شيوخ ذقون واي كلام وضح علي الغلابه
ابسطها والدي مثقف جدا عنده مكتبه مهوله من الكتب
قاريها كلها
قالي كلمه كتر العلماء ورجال الدين في المجتمع ده بيخلي المجتمع يبقي افضل
وقلتهم زي اوروبا بيخلي عدم وعي للناس
تمام ...ماشي
نرجع بالزمن 60 سنه مثلا
مكانش في نقاب
مكانش في ذقون
مكانش في حسان ولا يعقوب
مكانش في خمار
من الاخر مكانش في مظاهر كذابه

**Typerr** · 13-07-2011 09:12 PM

المشاركة الأصلية كتبت بواسطة otefa

مصر فيها روح كده

شريرة......هههههههههه
أصبر الصبر مفتاح الفرج وما تتوقعش التغير للأفضل بين يوم وليلة الموضوع عايزله 17 سنة عمر بني أدم من كي جي لثانوية عامة
بشرط يحكم مصر ناس ضميرها صاحي وتخاف من الله في شعبها

لا واله اقل من 17 سنه
بس احنا نعدل من انفسنا

-

-

-

الموضوع: انا خلاص زهق من مصر والعيشه فيها حاجه تخنق

LinkBack

أدوات الموضوع

عرض

-

-

-

-

-

-

-

المواضيع المتشابهه

انا كرهت غبور و eit و كل توكيلات حاجه تخنق!!!!!!1

انا كرهت غبور و eit و كل توكيلات حاجه تخنق!!!!!!1

انا خلاص اتخنقت من السي دي بتاع الجين2 مش بيقره اي حاجه!

حاجه تخنق كل ما تيجى تركب عربيتك المرور بيقولى امشى على سرعة 60 ك داخل المدينه ازززاى

انا خلاص تعبت مش فاهم اي حاجه

الكلمات الدلالية لهذا الموضوع

المفضلات

المفضلات

ضوابط المشاركة