بركاتك يا 6 ابريل - تاجيل الانتخابات

تم تاجيل الانتخابات حتى اكتوبر او نوفمبر او الى مالا نهاية

طبعا دلوقتى محدش بيتكلم عن نظام ديمقراطى ولا مستقبل مصر

انما ما يحدث الان فى التحرير كان نتيجتة

تغيير وزراء - كانوا هيغيروا بعد شهرين اوثلاثة بعد الانتخابات

المجلس العسكرى اللى بيتقال علية متواطى و خاين و كلام كتير - استمر وجودة فى السلطة شهرين اضافيين و يمكن اكتر

البلد بتخسر

احتمال حكم عسكرى - دائم

احتمال احكام عرفية

طبعا كل دة مش كفاية

بعض الحركات المشبوهة مصممة تحرق البلد

ازاى مصر تتحول لدولة ديمقراطية- يبقى الحل هو الفوضى

او ديكتاتورية العسكر

او ديكتاتورية 6 ابريل


ملاحظة :

انا نعنديش مشكلة يعدموا مبارم او العادلى او غيرهم

بس

لو دة محصلش مش معناة اننا نولع فى البلد

ممكن المصدر ؟؟

الخبر اتنفى و ملوش مصدر اساسا

تصدق فهمتك بالمقلوب

بس ما عالينا

القرار مش تأجيل

البداية للدعو لانتخابات وبدء الدعاية الانتخابية في سبتمبر زي ما هية

اجراء الانتخابات في شهر 10 او 11

وبكدة ادى كل الكان ليهم حجة فرصة من شهر لشهرين زيادة يذاكروا يمكن ينجحوا

اقتباس:

---

المشاركة الأصلية كتبت بواسطة aly_hosny

الخبر اتنفى و ملوش مصدر اساسا

---

أنا لسة سامعة في الجزيرة

تفتكرو ممكن يستعينو بصديق وينجحو !

اقتباس:

---

المشاركة الأصلية كتبت بواسطة م.احمد زكريا

أنا لسة سامعة في الجزيرة

---

مفيش حاجة رسمي
رويترز قالت مصدر عسكري
و تقريبا الجريدة او اليوم السابع قالو مصدر عسكري نفى الخبر
استحالة بعد خطاب الفنجري ابو صباع بيوم واحد يطلعو يقولو اجلنا الانتخابات

اقتباس:

---

المشاركة الأصلية كتبت بواسطة م.احمد زكريا

تصدق فهمتك بالمقلوب

بس ما عالينا

القرار مش تأجيل

البداية للدعو لانتخابات وبدء الدعاية الانتخابية في سبتمبر زي ما هية

اجراء الانتخابات في شهر 10 او 11

وبكدة ادى كل الكان ليهم حجة فرصة من شهر لشهرين زيادة يذاكروا يمكن ينجحوا

---

فعلا من قبل اي شئ كان مهندس ابو العلا ماضي رئيس حزب الوسط

بيتكلم عن إجتماعهم مع الفريق عنان

و إنه وضحلهم إن بداية الترشيح سبتمبر ، مفيش جديد يعني

اقتباس:

---

المشاركة الأصلية كتبت بواسطة aly_hosny

مفيش حاجة رسمي
رويترز قالت مصدر عسكري
و تقريبا الجريدة او اليوم السابع قالو مصدر عسكري نفى الخبر
استحالة بعد خطاب الفنجري ابو صباع بيوم واحد يطلعو يقولو اجلنا الانتخابات

---

رصد | مصر | اللواء ممدوح شاهين عضو المجلس الأعلى للقوات المسلحة : لا صحة لما تناقلته بعض وسائل الإعلام، حول تحديد إجراء الانتخابات البرلمانية في شهر نوفمبر المقبل. #rnn

الناس مابتصدق تلاقى اى حاجه علشان تغلط فى 6 ابريل وفى الاخر بيطلع اشاعات وفكس
والله صعبانين عليا

اقتباس:

---

المشاركة الأصلية كتبت بواسطة mazagngi2010

الناس مابتصدق تلاقى اى حاجه علشان تغلط فى 6 ابريل وفى الاخر بيطلع اشاعات وفكس
والله صعبانين عليا

---

6 ابريل دول افضل حركة سياسية في مصر على الاطلاق
بس الغل بيعمي

اقتباس:

---

المشاركة الأصلية كتبت بواسطة aly_hosny

6 ابريل دول افضل حركة سياسية في مصر على الاطلاق
بس الغل بيعمي

---

طبعا دا رايك

غل من اية

اسمحلى اقولك

اولا ان لاانتمى لاى حركة سياسية

ومش فارق معايا اللى ينجح فى الانتخابات اخوان ليبراليين كوكيتل

اللى اصبح بديل جديد عن الاهلى و الزمالك

لكن

لما الاقى حركة مصصمة انها تحول ثورة مصر السلمية الى النموذج الليبى الدموى

لما الاقى حركة مصممة انها تحرق البلد

عشان اية ؟ اية المكسب ؟

طيب الجمعة الجاية ؟ الانذار الاخير

نفرض ان الجيش ماستجابش للانذار ؟ تولع البلد

مين اللى هيكسب من حريق البلد

اية الفايدة من الاصرار على تغيير وزارة عمرها الاقصى 3 او 4 شهور

نصبر 3 او 4 شهور و تمشى الوزارة بحلوها و مرها ولا نقفل البلد

و نخاطر بصدام بين الجيش و الشعب ؟

لية اصرار 6 ابريل على تدمير مصر

اخيرا

فية فرق من الخروج على نظام مبارك اللى قفل كل طريق سلمى للتغيير

و بين

كل واحد يخرج و يقفل الطريق و يعطل مصالح الناس عشان رئيسة مش عاجبة ولا وزير مش عاجبة و لا الدنيا حر

ولا روح البيت لاقهم عاملين فراح و هو عايز لحمة مثلا

لية الاصرار على الفوضى و تدمير مصر

اقتباس:

---

المشاركة الأصلية كتبت بواسطة mfarag

طبعا دا رايك

غل من اية

اسمحلى اقولك

اولا ان لاانتمى لاى حركة سياسية

ومش فارق معايا اللى ينجح فى الانتخابات اخوان ليبراليين كوكيتل

اللى اصبح بديل جديد عن الاهلى و الزمالك

لكن

لما الاقى حركة مصصمة انها تحول ثورة مصر السلمية الى النموذج الليبى الدموى

لما الاقى حركة مصممة انها تحرق البلد

عشان اية ؟ اية المكسب ؟

طيب الجمعة الجاية ؟ الانذار الاخير

نفرض ان الجيش ماستجابش للانذار ؟ تولع البلد

مين اللى هيكسب من حريق البلد

اية الفايدة من الاصرار على تغيير وزارة عمرها الاقصى 3 او 4 شهور

نصبر 3 او 4 شهور و تمشى الوزارة بحلوها و مرها ولا نقفل البلد

و نخاطر بصدام بين الجيش و الشعب ؟

لية اصرار 6 ابريل على تدمير مصر

اخيرا

فية فرق من الخروج على نظام مبارك اللى قفل كل طريق سلمى للتغيير

و بين

كل واحد يخرج و يقفل الطريق و يعطل مصالح الناس عشان رئيسة مش عاجبة ولا وزير مش عاجبة و لا الدنيا حر

ولا روح البيت لاقهم عاملين فراح و هو عايز لحمة مثلا

لية الاصرار على الفوضى و تدمير مصر

---

سمعت الكلام ده امتى قبل كده ؟؟؟ :brn:

كلنا خالد سعيد

اقتباس:

---

‎"حرام عليكم" "كفاية" "احنا بننهار" "خربتوا البلد"
كان نفسي أسمع التصريحات دي من الشباب بيقولوا كده دلوقتي للي بيحكموا البلد من سنين كأنها عزبة ينهبوا أراضيها ويسرقوا ثرواتها ويبيعوا معادنها لأعداءها ويرهبوا شعبها ويهينوا كرامة أهلها

---

لا حول ولا قوه الا بالله

الاول كانو الاخوان اللى خاربين البلد وهما اللى مولعين الثوره ومش عاوزين الناس تمشى من الميدان لدرجه ان ناس قالت ان موقعه الجمل اللى عملها الاخوان

بعد كده السلفين طلعو هما كمان خاربين البلد وكل حاجه تبقى وراها سلفين

دلوقتى 6 ابريل هى اللى خاربه البلد

فاضل مين تانى

معلش اللى زعلان من تأجيل الأنتخابات

حضرتك تعرف تعرف تقسيم الدوائر الأنتخابية عامل ازاى لغاية دلوقتى ؟؟؟؟؟

حضرتك تعرف القانون اللى على اساسه حتم انتخابات مجلس الشعب ؟؟؟؟؟

كل ده و انهارده 14 يوليو ...... و فاضل على رمضان 18 يوم

اقتباس:

---

المشاركة الأصلية كتبت بواسطة hobiko

معلش اللى زعلان من تأجيل الأنتخابات

حضرتك تعرف تعرف تقسيم الدوائر الأنتخابية عامل ازاى لغاية دلوقتى ؟؟؟؟؟

حضرتك تعرف القانون اللى على اساسه حتم انتخابات مجلس الشعب ؟؟؟؟؟

كل ده و انهارده 14 يوليو ...... و فاضل على رمضان 18 يوم

---

لا ما اعرفش

ما اعرفش غير ان احنا مش عايزين حكم عسكر تانى

كفاية 50 سنة

مش هنعيد 1952 من الاول

وعلى العموم ممكن حضرتك تعرفنا تقسيم الدوائر عامل ازاى و القانون الانتخابى

مفيش مشكلة انا ماعرفش - مش عيب - يا ريت حضرتك تنورنا و باقى اعضاء المنتدى اللى ميعرفوش

اقتباس:

---

المشاركة الأصلية كتبت بواسطة mfarag

لا ما اعرفش

ما اعرفش غير ان احنا مش عايزين حكم عسكر تانى

كفاية 50 سنة

مش هنعيد 1952 من الاول

وعلى العموم ممكن حضرتك تعرفنا تقسيم الدوائر عامل ازاى و القانون الانتخابى

مفيش مشكلة انا ماعرفش - مش عيب - يا ريت حضرتك تنورنا و باقى اعضاء المنتدى اللى ميعرفوش

---

يا باشا انت فاهمنى غلط ....... أنا كمان ماعرفش :ma:

ماحدش يعرف ...... ماحدش فى البلد كلها يعرف ..... ولا أحزاب ولا جماعات ولا قوى سياسية

لأن لغاية دلوقتى الجيش ما أصدرش القانون بصيغته النهائية ....... و الحكومة ما قسمتش الدوائر بناءا على القانون

و انا معاك تريليون فى المبه ..... أنا مش عايز حكم عسكرى تانى ..... ولا حتى حد من خلفية عسكرية

بس أى حزب لسه طالع جديد ..... محتاج يعرف الحاجات دى بدرى على قد ما يقدر عشان يشوف حيعمل ايه ..... ايه الدواير اللى حينزل فيها و ايه اللى مش حينزل ...... يعمل دعاية فى الدايرة دى و لا الدايرة دى ...... الأنتخابات بالقايمة ولا فردى ..... حينفع يتحالف مع أحزاب تانية ولا لأ

حاجات كتير أوى و مافيش وقت ...... احنا نص سبعة ..... و رمضان و العيد

و كل عام و أنتم بخير

اقتباس:

---

المشاركة الأصلية كتبت بواسطة hobiko

و كل عام و أنتم بخير

---

و انتا بالصحة والسلامة

خلاص مافيش اننا نستنى و نشوف

و ربنا يستر

اقتباس:

---

المشاركة الأصلية كتبت بواسطة aly_hosny

6 ابريل دول افضل حركة سياسية في مصر على الاطلاق
بس الغل بيعمي

---

+1111111111111111111111111111111111111111111111111 111
فعلا مغللولين منها عشان هيا الى منعاهم انهم يستولوا على الثوره
وكمان مغلولين من المظاهرات والاعتصامات عشان ضد مصلحتهم
الشباب البطل ..مقابل خسه وتلامه العواجيز

برجاء حسن اختيار الالفاظ لعدم مخالفة القاعدة 9أ
تم الاكتفاء بالتنبيه الشفوي

مشرف الاجتماعي ب2
14/7/2011
12:37pm

اقتباس:

---

المشاركة الأصلية كتبت بواسطة ogsmc

+1111111111111111111111111111111111111111111111111 111
فعلا مغللولين منها عشان هيا الى منعاهم انهم يستولوا على الثوره
وكمان مغلولين من المظاهرات والاعتصامات عشان ضد مصلحتهم
الشباب البطل ..مقابل خسه وتلامه العواجيز

برجاء حسن اختيار الالفاظ لعدم مخالفة القاعدة 9أ
تم الاكتفاء بالتنبيه الشفوي

مشرف الاجتماعي ب2
14/7/2011
12:37pm

---

و اضح جدا ان حضرتك اسلوبك راقى

و ان فكرك ديمقراطى يقبل الراى و الراى الاخر بدون اساءة او اتهامات

مش عارف حتى لو الإنتخابات تأجلت لفترة ده يزعل البعض في إيه ? هي هاتُجرى هاتُجرى
أنت لو واثق في نفسك و في قوة برنامجك و لا يفرق معاك الإنتخابات بكره أو بعد شهر ،، و كمان لو أنت قوي مش هاتبقى خايف الحزب الفلاني أو القوة الفلانية تكتسب أرض و شعبية في الفترة دي ..
أصل الموضوع كده و الرغبة العارمة في الإنتخابات السريعة يبان إنه محاولة لإنتهاز الفرصة و القفز على الكرسي و خلاص .

اقتباس:

---

المشاركة الأصلية كتبت بواسطة mfarag

لا ما اعرفش

ما اعرفش غير ان احنا مش عايزين حكم عسكر تانى

كفاية 50 سنة

مش هنعيد 1952 من الاول

وعلى العموم ممكن حضرتك تعرفنا تقسيم الدوائر عامل ازاى و القانون الانتخابى

مفيش مشكلة انا ماعرفش - مش عيب - يا ريت حضرتك تنورنا و باقى اعضاء المنتدى اللى ميعرفوش

---

محدش قابل حكم المجلس العسكري
لان طريقته في الحكم غير مقبولة و طبعا كلنا خدنا بالنا لما حاول يتحكم في الاعلام او لما كان ناوي يمسك الفنجري وزير الداخلية في محاولة للسيطرة على البلد
بس في نفس الوقت مش معنى كدا نسيبه يعمل ال هو عايزه و نقول ما هو ماشي كمان كام شهر
ما يمكن زي ما الناس بتقول بيظبط مع الاخوان عشان نبقى زي تركيا و نلاقي كل يومين انقلاب
او بيحاول يظبط امور مبارك و اعوانه عشان يطلعو براءة بعد ما هو يمشي
هو بيدير شؤون البلاد على عينا بس مش على مزاجه لا على مزاجنا احنا
يعني لما عصام شرف يقول انه مش عايز يحيى الجمل او عايز يغير 7 وزرا مكنش المفروض المجلس العسكري يتدخل

بالمناسبة دا كلام 6 ابريل
"الإنتخابات هى الطريق الأقصر، ليتولى مدنيين زمام الأمور.. لذا نرفض أى محاولة لتعطيل ذلك | يجب ألا ننسى أنه ستجرى محاولات متواصلة لإستفزاز المعتصمين، في كل الميادين لتشوية وجه الثورة، ودفع المعتصمين للرد على العنف بمثله.. سلمية الإعتصامات وتحضرها هى الشرط الأول كى تنجح بمشيئة الله.. سِلمية، هكذا بدأت، وهكذا تنتهي"

اقتباس:

---

المشاركة الأصلية كتبت بواسطة tyler_durden

مش عارف حتى لو الإنتخابات تأجلت لفترة ده يزعل البعض في إيه ? هي هاتُجرى هاتُجرى
أنت لو واثق في نفسك و في قوة برنامجك و لا يفرق معاك الإنتخابات بكره أو بعد شهر ،، و كمان لو أنت قوي مش هاتبقى خايف الحزب الفلاني أو القوة الفلانية تكتسب أرض و شعبية في الفترة دي ..
أصل الموضوع كده و الرغبة العارمة في الإنتخابات السريعة يبان إنه محاولة لإنتهاز الفرصة و القفز على الكرسي و خلاص .

---

ومع ذلك انا مش مع تاجيل الانتخابات لاني مش طايق المجلس العسكري يعد يوم واحد زيادة

كذبة أبريل
يطلعو على التلفزيون يقولو حاجة وينزلو مانشيتات بحاجة تانية