تخيل نفسك رئيس الجمهورية لمدة شهر ....
يا ترى هتعمل أية فى الفترة دى وأية هى أهم القرارات اللى هتاخدها ؟ :U_thin1[1]:
تخيل نفسك رئيس الجمهورية لمدة شهر ....
يا ترى هتعمل أية فى الفترة دى وأية هى أهم القرارات اللى هتاخدها ؟ :U_thin1[1]:
بيان رئيس الجمهوريه رقم 1
مد فتره الرئاسه للرئيس الحالى (اللى هو انا ) من شهر الى 5 سنين
وبعدين سيبها على الله . وهتبقى فتحه خير ان شاء الله
:satelite:
قرار رقم 2
الغاء التوكتوك
ههههههههههههههههههههههههه ههه
تصدق انا مخدش بالي بجد
غير لما قريت الكومنت بتاعك
الظاهر فعلا ان الخم ده من شروط الرئاسة (في الحلم طبعا)
اولا نزول كافه الوزارات والمصالح متخفى وذلك بعد اختيار شخصيات امينه واخضاعهم لأختبارات بواسطتى بأستمرا للتأكد من عدم تسريبهم الأخبار لكى المس نقاط الضعف واسلوب الأداره
ثانيا الأهتمام بالبحث العلمى ومشرعات الشباب وابتكارتهم وتولى اختراعتهم من خلال وزاره خاصه للبحث العلمى لتطويرها وجعلها ترى النور
ثالثا اختيار شخص مناسب لمعاونتى فى اداره البلد من خلال توليه مجلس الوزراء والتأكيد على اختيار الأشخاص المناسبين فى الأماكن المناسبه
رابعا الأهتمام بالصحراء المهلمه والحد من اسراف المياه فى ملاعب الجولف وحمامات السباحه الخاصه او رفع تسعيرة المياه لهذه الفئه
رابعا تنميه سينا واستغلال ثرواتها وتعميرها وتهجير السكان من الدلتا وخط النيل الى سيناء وبحث سبل توصيل المياه العزبه الى هناك مع تنميه مخرات السيول للأستفاده بأكبر قدر من مياة الأمطار
خامسا الأتجاه الى الدول العربيه المحيطه والأتفاق على تكمله الأحتياجات بيننا والسعى لأنشاءالسوق المشترك
سادسا تنميه صعيد مصر والأهتمام بابنائها وعمل امتداد عمرانى على جانب ضفتى النيلت واستغلال المساحات الشاسعه من الصحراء مع محاوله استخراج الطمى المتراكم فى بحيره السد ونقله الى الأراضى الصحراويه المحيطه والقريبه محاولتا لأصلاح تربتها
سابعا انشاء جهاز خاضع لى مباشرتا للرقابه على الأسعار والأحتياجات الضروريه للمواطنين ومنع التجار والمستوردين من أستغلالهم
ثامنا تشجع المستثمرين على فتح نشاطات جديده فى صالح البلد وتعيين اكبر قدر من العماله والموظفين بهذه المشروعات
تاسعا تعديل قانون العمل ووضع حد ادنى للأجور يتناسب مع الأسعار السائده
وحاجات تانيه كتير
واهمها هو وضع خطه مع تعديل فى الدستور يلزم كل رئيس لاحق لى لتكملة ماتم بدأه من مشروعات ولا يتم البدء بالمشروع الا بعد اعداد لجنه من دكاتره وعلماء متخصصين فى دراسة الجدوى والبحث فى مدى نجاح المشروع وعدم اهداره للمال العام مع تفعيل نظام المذادات واختيار اشخاص صالحين بأجور لاتترك مجال لتلقى الرشوه مع تحفيزهم بعموله فى حالة ثبوت جدوى المشاريع وتحقيقها لعائد جيد
وكفايه كدا بقى لحسن انا صحيت من النوم كان نفسى اكمل نوم واقول الحاجات الباقيه اللى فى دماغى
الاخ محمد مصطفى: راااائع ....وتكمله لكلامك تشجيع الشباب على الابتكار ووضع العلماء والنابغين في اعلى المراتب الماديه حتي يتفرغو للبحث العلمي
حتى يكون حلم الاطفال انهم يبقو زي العالم المصري فلان.... مش يبقو زي الساقطين والساقطات
هدم الميدان وبناء اكبر مول تجاري
اعتقال كل الاعلاميين
اغلاق بعض القنوات
اول حاجة هاعملها بجد اول جمعة بعد تولى الحكم مباشرة اسميها جمعة الاستغفار واخلى كل الخطباء فى مصر يتكلموا ويحضوا الناس على الاستغفار فى هذا اليوم عملا بقول الله تعالى (( فقلت استغفروا ربكم انه كان غفارا , يرسل السماء عليكم مدرارا , ويمددكم بأموال وبنين ويجعل لكم جنات ويجعل لكم أنهارا )) وما أدراك ما الاستغفار ثم بعد ذلك اى خطة بإذن الله سوف تنجح واولى الاهتمامات
انشاء هيئة اقتصادية .... تقوم بدراسة مستفيضة عن احوال الاقتصاد وكيفية النهوض به على المدى القريب والبعيد ( لأن دى اول حاجة يشعر بها المواطن )
انشاء وزارة البحث العلمى .... تكليفها بعمل دراسات تنفذ على المدى القريب فى مجال الصناعة والزراعة والطاقة ... وانشاء منهج تعليمى متكامل لجميع مراحل التعليم
تفعيل دور الأزهر الشريف واستقلاليته ... ومن ثم الحاق العلماء المشهود لهم بالعلم بالأزهر وجعل الأزهر المؤسسة الدينية الرسمية فى البلاد قولا وفعلا ..
قرار رقم واحد النزول متخفى ف الشوارع و الحوارى عشان اعرف راى الناس و احلامهم.
2- رؤوس الفساد اعمل لهم طرة مزار و التذكرة بجنية
3- طابع بجنية مثلا اسمه طابع الشهداء يتحط ع الاوراق الرسمية و يتحط الايراد ف صندوق شهداء الثورة.
4-اعمل تقرير شهرى بالخطة المرسومة للحكومة و مدى التقدم ف الخطة الموضوعة
5-منع الاستيراد من الخارج بالتدريج و بالمقابل زيادة الانتاج المحلى.
6- الداخلية لازم يتعمل رقم خاص للشكاوى من الضباط مع الحفاظ على سرية معلومات المتصل و الرقم ده المكالمات اللى بتوصله لازم يبقى عندى نسخة من المكالمات و يتم التحقيق ف البلاغات المقدمة ف سرية تامة و المبلغ الكيدى يسجن 3 سنوات.
7-اختبار مدى استجابة االدفاع المدنى و النجدة ف مختلف المواقف و عمل سيناريوهات مختلفة .
8-تسليح الجيش باحدث المعدات الحربية و الاطلاع ع احدث وسائل التدريب و تطبيقها.
القرار اللى المفروض يكون قبل دة يا ريس هو أعتقال كل البلطجية ومسجلى الخطر الموجودين فى بلدنا ....
عشان لما تنزل الحارة متخفى محدش يطلع عليك بسنجة ولا بسيف و يسبتك ....
فى نصف مليون بلطجى على أرض مصر ....
أنا نفسى أفهم حاجة هتجننى من زمااااااااااااان بصراحة ....
يعنى أية مسجل خطر يعيش كدة عادى وسط الناس ....
ويعرض حياتهم وممتلكاتهم للخطر ؟؟؟!!! :untitled 1:
هو اولا عمل غير شامل للتعليم والصحة فى مصر ودة موضوع يطول شرحة ولكن
اليكم القرارات
1 - بدا مشروع قومى للنظافة يقوم على احدث النظم المتبعة فى العالم مش عاوزين نغزل برجل حمار ونزهق العمال والبيشتغلو فى الموضوع ومعة اكبر مصنع لتدوير المخلفات فى الشرق الاوسط
2 - تشكيل لجنة او هيئة مركزية للتعامل السريع مع مشاكل المرور باقصى سرعة مش لازم نهد النظام كلة ونبدا من جديد كفاية نرمم الطرق ونعالج المطبات العشوائية والتعدى على الطرق وعمل مواقف رسمية للميكروباص وتركيب رادارات للحد من السرعة
وتفعيل كل ما هو معطل فى قانون المرور مش محتاجين نعمل قانون جديد نفعل بس الموجود وهيكون لية اثر كبير لان نسبة كبيرة من مشاكل المرور بيكون العامل البشرى هو السبب فيها
والقراريين 1 و 2 هيكون من خلال كل حى على حدا بعيدا عن الحكومة وميزانية الدولة بمعنى كل الرسوم والغرمات والعوائد
ورسوم النظافة ورسوم الى بتتاخد على رخص البناء واى نوع من الدخل مش هيروح خزينة الدولة لا هيكون فى خزينة للحى للصرف على هذة الامور وطبعا المحافظة هتكون هى المسئولة عن المتابعة وانتظام العمل ومتابعة المصروفات ( الكلام دة طبعا بعد تغير الموظفيين الحكوميين الى بقى شبة الدنياصور المنقرض وتدعمهم بموظفين شباب جداد وادخال كل النظم الحديثة لضمان جودة العمل وتسيرة بطريقة صحيحة
3 - بدا مشروع قومى باستصلاح اراضى جديدة وتملكها للشباب وتوصيتهم بزراعة محاصيل معينة وبمواصفات معينة للاكتفاء الذاتى من الغذاء وبرضو تدعمهم باحدث الالات والمعدات وكفاية استيراد بقى للاغذية دى فضيحة والله وهنصدر كمان ان شاء الله
عن طريق عمل مصانع ووحدات معالجة وتعبئة من الارض على الطائرات والسفن على طول دا احنا هنكسب مكاسب قولو يا رب الموضوع دة لو اتعمل صح وبعلم ودول متوفريين فى مصر واشهد بكدة سنتيين بس وهيكون فى فرق ملحوظ
4 - وتخصيص اراضى لعمل مزارع انتاج حيوانى وطيور باحدث الاساليب المتبعة فى العالم للاكتفاء الذاتى وانهاء الاستيراد والمشروع دة برضو لو اتعمل صح وبعلم واتباع الاساليب العلمية سنة مش اكتر وهنوصل للحنا عاوزينة
وبالنسبة للقراريين 3 و4 هيكونو سهلين ان شاء الله لان عندك اراضى كتير جدا فاضية وشباب اكتر من الاراضى عاوزين يشتغلو ويبداو حياة جديدة
5- انشاء بنك معلومات وشركة لاستيراد كل ما يلزم من اجهزة وعدد والات وتكنولوجيا لخدمة هذة المشاريع
ودى ان شاء الله هتكون بداية فقط وهنكون حلينا بها 3 مشاكل
1 - نظافة وتجميل البلد وحمايتها من الامراض الى بتكون بسبب الزبالة لاى فى كل مكان
2 - حل ولو بنسبة بسيطة لمشكلة المرور الى بتستهالك وقت وجهد منا كلنا للتحرك داخل القاهرة + توفير للطاقة بدل ما اعمل المشوار فى ساعتيين كفاية ساعة هو حرق بنزين على الفاضى
3 - حل مشكلة البطالة الى هى صداع البلد
4 - توفير الغذاء وباسعار مناسبة بدا الطماطم الى ب 10 جنية وكمان توفير العملة الصعبة وكمان زيادة العملة الصعبة من التصدير
5 - كل مشروع من دول هتلاقى فية كذا شغلانة وجهة بتقدم خدمات لية والفايدة هتعم على ناس كتير
وكفاية بقى احسن انا طولت قوى قوى وكلمة كمان هروح ارشح نفسى فى الانتخابات ههههههههههههههههه
ولا هتعمل حاجه لأن المنتفعين هيعملو مظاهره لتغييرك بسبب انك فلول و من اعوان المخلوع (حتى لو مكنتش) و هيهيجو عليك الناس و الرأى العام و هتعد فى مشاكل لمدة سنه مش شهر !!!
اعدام جميع التكاتك وسائقيها
الغي نظام التعليم الموجود
واشوف انضف واحسن نظام تعليمي في العالم
واعمله copy / Paste بلا وجع دماغ احنا مش فيران تجارب
واخلي ميزانية كل جامعة بالتناسب مع ما تقدمه من ابحاث ومستوى تعليمي
والباقي سهل
1* فيلا فى مارينا ومراقيا وشرم وسهل حشيش ومرسى علم والغردقه واسكندريه ولاقصر واسوان
2*قصر فى التجمع الاول والتانى والتالت ..........الخ
3 *50%من اسهم كل الشركات
4* 10% على كل طابع بريد وورقه دمغه وتذكرة موصلات
5* طبع 1000000000 صورة باحجام مختلفه
6 انشاء قطاع امن السيد الرئيس(شرطه وجيش ومخابرات)
6* تعين 200 ملحن وكاتب ومطربين للاغانى
7 *اعدام كل الى شاركو فى الموضوع
فيه موضوع معمول للحاج أحمد Aif أسمه أحلام الفتى الثائر ... فيه أفكار حلوة تصلح للتطبيق .
مهو علشان اللى هيقدر يعمل كل ده فى 30 يوم ... يبقى ولــــد مصرى اصيل .
بس مينسانيش فى اللى وعدنى بيه ... لحسن أعمله ثورة فى اليوم الـ 25 من الـ 30 يوم بتوعه وأخلعه .
وانتوا عارفيين اللى بيتخلع بيحصله أيه ... بيقضيها فى شرم وهنياله بالمصيف هناك .
مشكلتنا اننا محتاجين رئيس لمصر
مصر مش لتأمين مستقبله
بيحب مصر
مش بيحب نفسه
يجيب مستشارين عاوزين مصلحه مصر
مش مصلحتهم
وهى دى المعادله
من مين بالظبــــــط ...! :colsmil: