عندي سيينا 2001 1400
المياه بتنقص كل كام يوم باستمرار، وديتها توكيل اوماترا مرتين راجعوا على كل حاجه وغيروا الخرطوم والغطاء وبرضه بتنقص
مش عارف اعمل ايه؟؟؟؟؟؟؟ ياريت المساعده
عرض للطباعة
عندي سيينا 2001 1400
المياه بتنقص كل كام يوم باستمرار، وديتها توكيل اوماترا مرتين راجعوا على كل حاجه وغيروا الخرطوم والغطاء وبرضه بتنقص
مش عارف اعمل ايه؟؟؟؟؟؟؟ ياريت المساعده
فيه معدل طبيعى لتبخر المياه لأن الفيات معظمه دورة مفتوحة (غطا رادياتير بسوسته), معرفش السيينا دورة مفتوحة و لا لأ, لكن المعدل الطبيعى انها تنقص بشكل ملحوظ كل شهرين أو تلاتة مش كل كام يوم, حاول تبص أولا هى فيه تسريب و لا لأ, لو فيه تسريب يبقى سهل تكتشف مكان التسريب و تعالج العطل, لكن لو مفيش تسريب اذن المشكلة غالبا تنحصر فى :
- سخونة زائدة للمحرك بسبب المروحة أو الزيت, تؤدى الى تسريع معدل تبخر المياه.
لو المحرك بيسخن, اكشف على الزيت و شوف المروحة بتشتغل و لا لأ.
- تسرب مياه التبريد الى الزيت و ديه مشكله كبيرة, بس ممكن تلحقها, و هتعرفها بسهولة بواسطة الكشف على الزيت, لو الزيت لزج جدا و عامل زى الطحينة اذن هناك تسريب مياه للزيت.
- اكشف على غطا قربة المياه.
الأخ فادي:
شكرا جدا على الرد.
أناعندي المياه بتنقص كل 4 أيام تقريبا وكشفوا في التوكيل على التسريب وقالوا مفيش وكمان احتياطي غيروا خرطوم المياه وغطاء القربة للتأكيد.
المحرك مش بيسخن وماشي عادي جدا والمروحه بتشتغل عادي
هم مرتين في الصيانة فشلوا وبصراحه مش عارف أعمل ايه؟
وشكرا
حاول تراجع على كل الاماكن اللى بتتربط عندها الخراطيم (الافايز) واتأكد انها كلها مربوطه كويس ..
حاول تبص بالنهار عليها بنفسك لو تعرف عشان تعرف التسريب منين .. ومتاخدش اوماترا مرجع ليك لانهم احسن ناس بتكروت فى البلد ..
حاول توصل لحل المشكله بسرعه لان حتى لو العربيه مش بتسخن .. نقص الميه فى السيينا بيخلى المروحه تشتغل كتير .. ده ممكن بعد شويه يبوظ كتاوت المروحه وموتور المروحه كمان على المدى الطويل...
الموضوع ده حصل معايا قبل كده واكتشفت انه كان خرم صغير جدا فى الرادياتير .. بس على ما كنت اكتشفت كانت الكتاوت باظت والمروحه صوتها بقى خشن وبيزن
متشكر جدا للشباب
أنا فعلا اكتشفت ان فيه خرم في الرادياتير
معلهش تعبتكم معايا