استفسار ضرورى

**zego** · 15-07-2011 02:58 PM

والله انا ما حطيتش ال 95 الا مرة واحدة وبيتهيأ لى مافيش فرق
والرقم اللى مكتوب فى العداد هو 8 وحاجة بيتهيأ لى ده الاستهلاك مثلا طب 8 ده 8 لتر لكل كام كيلو
ولاما باكون مشغل التكييف عشان العربية تسحب من سرعة 40 كدا لغاية 100 لازم ادوس بنزين شوية عشان تسحب طب ده ليه
والسرعة من 100 لغاية 120 وال 120 مش على طول
وشكرا جدا لطريقة الاستخدام وهحاول اعملها
واستفسار هل ياما اجى امون افول للأخر والا احط مثلا بمبلغ وبعدين لاما يخس احط بملغ برده

**tutankhamoun** · 16-07-2011 07:48 AM

المشاركة الأصلية كتبت بواسطة zego

والله انا ما حطيتش ال 95 الا مرة واحدة وبيتهيأ لى مافيش فرق
والرقم اللى مكتوب فى العداد هو 8 وحاجة بيتهيأ لى ده الاستهلاك مثلا طب 8 ده 8 لتر لكل كام كيلو

8 لكل 100 كم و ده رقم تقريبي لا يعتمد عليه علشان ده بيعطي معدل الأستهلاك حسب دوسة رجلك على البنزين مش معدل الأستهلاك العام .

ولاما باكون مشغل التكييف عشان العربية تسحب من سرعة 40 كدا لغاية 100 لازم ادوس بنزين شوية عشان تسحب طب ده ليه

لأن التكييف متوصل بالموتور ... على سير بيدور دائرة الكباس ..... فده بيعمل سحب من الأحصنة اللي خارجة من الموتور حوالي 3 إلى 5 حصان لتدوير الكباس .
والسرعة من 100 لغاية 120 وال 120 مش على طول

حضرتك برضه لسة في التليين .......في الطبيعي
العربية من 80 لغاية 170 ....... بمنتهى السهولة ..
وشكرا جدا لطريقة الاستخدام وهحاول اعملها
واستفسار هل ياما اجى امون افول للأخر والا احط مثلا بمبلغ وبعدين لاما يخس احط بملغ برده

لما تفول ....... فول للأخر ....... و بعدين أوصل للربع .......... و تفول تاني للآخر علشان تعرف الأستهلاك كان كام .

بس مينفعش تعمل الطريقة دلوقتي علشان التليين .......
في التليين الأستهلاك بيكون أعلى شوية من الطبيعي

**zego** · 16-07-2011 08:57 PM

الف شكر يا باشا بس العربية عدت ال 4000 كيلو هل استنى لغاية 5000 وبعدها هيتظبط
طب ايه الحكمة فكدا والعربية للأسف ما بتنجزنيش الا لاما ادوس جامد وال rpm يعلى

**tutankhamoun** · 17-07-2011 05:13 AM

المشاركة الأصلية كتبت بواسطة zego

الف شكر يا باشا بس العربية عدت ال 4000 كيلو هل استنى لغاية 5000 وبعدها هيتظبط

لا ممكن تبدأ تحسب من دلوقتي ... لا مؤخذة ما أخدتش باللي من الرقم

طب ايه الحكمة فكدا والعربية للأسف ما بتنجزنيش الا لاما ادوس جامد وال rpm يعلى

طيب أنت بتكون ماشي بسرعة كام و الأر بي أم على كام ؟ و لما بتدوس الأرب بي أم بيوصل كام علشان توصل لسرعة أيه ؟

و أنت مانوال و لا أتو ؟

**zego** · 17-07-2011 08:30 PM

العربية ياما بادوس من غير ما اقرص بتوصل ال100 وشوية لغاية rpm 3 انما مع التكييف بحس ان من عند سرعة 40 العربية مش راضيىة تنطق فبدوس فبيوصل ال 3 وشوية على السرعة البطيئة و
العربية اتوماتيك
وانا مش عايز اعمل حاجة فى توكيل الغد اللى فى المنصورة لان بصراحة طلعوا ناس مش محترمين بالمرة وان شاء الله هحكى القصة بتاعة الشراء والقصة النصب اللى عملوها عليا بس شوية وقت بس وان شاء الله هحكى كل حاجة بالتفصيل ونصيحتى لاى حد لو عايز العربية اتعب وحاتها من عز العرب او لو هتجيب من عند الغد صحصح لهم كويس وفى الصيانات لازم تكون مفتح عينيك 360 درجة
طب هو انا لو روحت عز العرب اروح الفرع اللى فين وهل هما بيظبطوا حاجة عشان استهلاك البنزين والا بيعملوا ايه
وكان حصل مشكلة فكلمتهم ولاقيت مهندس محترم اسمه احمد عبدالحميد ومهندس أمر فهل اكلم دول عشان ياما ابقى اروح والا احجز على رقم خاص بالحجز وهل لو هاروح يظبطوا استهلاك البنزين وضبط وزوايا وتشييك لها رسوم والا ايه اللى بالرسوم واللى مجانا
ياريت كل واحد يفيدنى لان ممكن كل واحد طريقته تكون مختلفة عن حد تانى
واخيرا اصبح بيروتونى ان شاء الله للأبد بس اذا الواحد نفسيته ارتاحت من ناحية العربية ومشاكلها

**tutankhamoun** · 19-07-2011 08:13 AM

المشاركة الأصلية كتبت بواسطة zego

العربية ياما بادوس من غير ما اقرص بتوصل ال100 وشوية لغاية rpm 3 انما مع التكييف بحس ان من عند سرعة 40 العربية مش راضيىة تنطق فبدوس فبيوصل ال 3 وشوية على السرعة البطيئة و

العربية اتوماتيك

وصفك ده طبيعي جدا ....... أقصى عزم للموتور عند 4000 لفة - دقيقة
و بالتالي و أنت مشغل التكييف السحب هايقل لو أنت مش مديها بنزين كفاية علشان حمل التكييف .
أنت لو مشغل التكييف ........ و ماشي على 2000 لفة دقيقة (الأر بي أم يعني )
و جيت تدوس هاتلاقي الأستجابة ضعيفة و ده طبيعي لأنك في أقل مستوى من العزم
فلا تقلق

وانا مش عايز اعمل حاجة فى توكيل الغد اللى فى المنصورة لان بصراحة طلعوا ناس مش محترمين بالمرة وان شاء الله هحكى القصة بتاعة الشراء والقصة النصب اللى عملوها عليا بس شوية وقت بس وان شاء الله هحكى كل حاجة بالتفصيل ونصيحتى لاى حد لو عايز العربية اتعب وحاتها من عز العرب او لو هتجيب من عند الغد صحصح لهم كويس وفى الصيانات لازم تكون مفتح عينيك 360 درجة
طب هو انا لو روحت عز العرب اروح الفرع اللى فين وهل هما بيظبطوا حاجة عشان استهلاك البنزين والا بيعملوا ايه
وكان حصل مشكلة فكلمتهم ولاقيت مهندس محترم اسمه احمد عبدالحميد ومهندس أمر فهل اكلم دول عشان ياما ابقى اروح والا احجز على رقم خاص بالحجز وهل لو هاروح يظبطوا استهلاك البنزين وضبط وزوايا وتشييك لها رسوم والا ايه اللى بالرسوم واللى مجانا
ياريت كل واحد يفيدنى لان ممكن كل واحد طريقته تكون مختلفة عن حد تانى
واخيرا اصبح بيروتونى ان شاء الله للأبد بس اذا الواحد نفسيته ارتاحت من ناحية العربية ومشاكلها

بالنسبة لموضوع البنزين ............. ممكن تشرح طريقة سواقتك ؟ و نوعية البنزين ؟

بالنسبة لعز العرب ...... أنا مش عارف القاهرة أقرب لك و لا أسكندرية ؟

القاهرة على مدخل الصحراوي (مصر أسكندرية ) للقادمين من الأسكندرية .
و برضه فرع أسكندرية ..... على مدخل الصحراوي للقادمين من القاهرة .

**zego** · 19-07-2011 06:20 PM

مش فاهم طريقة السواقة ازاى ممكن تشرح ليا ببساطة الجملة دى
بالنسبة لموضوع البنزين ............. ممكن تشرح طريقة سواقتك ؟ و نوعية البنزين ؟
وكنت باسمع عند الغد ان هم بيروحوا اللى على الصحراوى فهل ده اللى فيه المهندس امر ومهندس احمد عبدالحميد والا دول فين

**zego** · 29-07-2011 06:04 PM

[QUOTE=tutankhamoun;3873666563]
بالنسبة لموضوع البنزين ............. ممكن تشرح طريقة سواقتك ؟ و نوعية البنزين ؟

ممكن تعرفنى اشرح ليك الطريقة ازاى او بمعنى ايه

**tutankhamoun** · 30-07-2011 09:29 AM

السلام عليكم
أقصد يا باشا
سواقتك سريعة و لا هادية .
بتطلع بسرعة بالعربية و لا بتطلع على الهادي
بتعمل تسارع سريع و لا تسارع بشويش

ضغط الكاوتش عندك كام ؟ ما يقلش عن 31 للأمامي ..... و 30 للخلفي .
نوع البنزين اللي بتحطه ؟ ما يقلش عن 92

طبعا الأسئلة دي ممكن تكون مكررة ... بس راجع على كل حاجة و لما الموضوع ما تحلش لازم تروح التوكيل يمكن يكون فيه حاجة عايزة تتظبط هناك .