الموضوع: استفسار من عمالقه الدايو ارجو الدخول للافاده

انا معروض عليا عربيه نوبيرا 2002 مانيوال وحالتها كويسه ومطلوب فيها 51 الف تمام لحد كده
انما اللى انا لاحظته فيها(انا لسه معرضتهاش على ميكانيكى) ان دواسه الدبرياج خفييييييفه اوى و ان عداد الRPM لما بضغط كذا مره بيرفع عادى بس مبينزلش على طول يعنى يعتبر بينزل رقم رقم 5 4 3 كده مش لما برفع رجلى عن البنزين بينزل على طول زى ما انا متعود على العربيات اللى ركبتها واخر حاجه انا ممشيتش بالعربيه لكن لما عملت حركه تزويد البنزين دى حسيت ان صوت العربيه كان عالى شويه.
انا بصراحه يا جماعه نفسى جدا فى العربيه النوبيرا وحاسس ان العربيه دى حلوه بس الحاجات اللى قلت عليها دى مقلقانى ونفسى استقر واغير عربيتى وارجو الافاده لانه لو الحاجات دى طبيعيه هاخد ميكانيكى واروح اشوفها وان شاء الله ابيع عربيتى على اخر الاسبوع واخدها بس انا عايز اتطمن وشكرا مقدما يا جماعه

ربنا يبارك للى خدها ,

بس كنت عايز أوضح ان الحاجات دي غالباً لأنك كنت متعود على عربيات بتعمل بتكنولوجيا أقدم , يعني عربيات مش إنجكشن و مفيهاش حساسات ,

انا كانت معايا فيات 127 قبل اللانوس و لما إشتريت اللانوس حسيت بالحاجات دي لكن الميكانيكي قالي إن نظام الإنجكشن بيختلف عن الكربراتير العادي و هو لازم بيبقى كده .