الله على كلامك المنطقي
بس لو انت عايز تقيم عربية على الطبيعة هتجيب مين؟ صاحبك اللي بيفهم فيها؟
عرض للطباعة
انا بتكلم هنا فى حالة لما تكون عربيتك معاك وبتاخد راى صنايعى فيها لمجرد رايه فى ماركة او موديل مثلا
لكن انك تودى عربيه تكشف عليها عند مكانيكى مثلا يشوف الماتور خفيف ولا بينفخ ولا الشكمان طالع منه ريحة زيت ولا سمكرى او بتاع دوكو يكشف على البارومه فدية حاجه تانيه
ده فعلا قصده لانى سألت صاحبى اللى كان معايا انهارده وقاللى نفس الكلام
قاللى يعنى محدش مد ايده عليها
بس هو اللى قاللى الكلام ده بتاع الزوايا وهو شغال فى عربيه واحد صاحبى وبسأله عليها لانه لسه شاريها قاللى الكلمه دى وقاللى بس فيها حبه شغل وعاوزه مصروف وورانى كام حته من تحت العربيه عاوزه لحام سمكرى
فأحتارت بصراحه فى معنى الكلمه غشيمه دى يعنى عربيه كويسه ولا عربيه متبهدله
بص صاحبى انهارده قالللى هو قصده عربيه لسه محدش لعب فيها ولا عامله حادثه مثلا
هو ممكن يكون قصده كده فعلا لان العربيه فيها عفشه رياضيه وجنوط وكاوتش كبير وصاحبها كان بيعلم بيها على عربيات تانيه
بس طلع فيها حبه شغل
هو مكانش مكانيكى ده بتاع زوايا وكان شغال فى العربيه من تحت وسألته عليها لانها بتاعه واحد صاحبى لسه شاريها
بص يا سيدى لأنى بإستمرار فى الحرفيين عارف المصطلح ده كويس وعلى فكرة ده مصطلح دارج أوى بين الصنايعيه
عربيه غشيمة يعنى عربيه فبريكه كدواخل وموتور وضفيرة كهرباء وفتيس وعفشه . . . . الى آخره
يعنى ممكن العربيه يبقى فيها خبطات فى الصاج وصاحبها مهمل جدا والصالون مش نضيف لكن لسه لم يجرى عليها أعمال سمكره ولا عمل عمره ولا حتى غير شمبر ولا غير حاجه فى الكهرباء
بإختصار عربية أساسيتها صح أوى زى الكتاب ما بيقول بصرف النظر عن الشكل العام
معناها عند الصنايعية
انها قوية وموتورها حلو محدش بيقدر علية