يعنى ايه لما صنايعى يبقى شغال فى عربيه ويقولك دى عربيه غشيمه
يعنى تسأله ايه رأيه فى العربيه دى يقولك عربيه غشيمه
عرض للطباعة
يعنى ايه لما صنايعى يبقى شغال فى عربيه ويقولك دى عربيه غشيمه
يعنى تسأله ايه رأيه فى العربيه دى يقولك عربيه غشيمه
يعنى بتخبط فى الكلام
ههههههههههههههههه
الصنايعيه دول عليهم حاجات غريبه
تقريبا اصده انها عفيه وماتورها جامد
هى كلمه اول مره اسمعها عن عربيه
ومبقتش عارف غشيمه دى يعنى كويسه ولا وحشه
بص نصيحه ماتسالشى صنايعنى عن رايه فى عربيه مره تانيه لسببين
اولا لو دية اول مره يشوفها وجديده عليه حيكرهك فيها لانه نفسه البلد كلها تشترى موديل او اتنين اللى هو حافظهم علشان لما يشتغل فيهم مايدوخش
ثانيا العكس طبعا لو هى متعود عليه حتبقى احسن عربيه فى الدنيا حتى لو هى صندوق زباله
مصطلح عربية غشيمة لو كان يقصده بالفعل وفاهم معناه
معناه موتور عربية تم تليينه بصورة خاطئة والموتور اتعود ان اللي بيسوقه يقرص بيه ويجري بيه وبالتالي تحس ان الموتور عفي بطريقة زيادة عن اللزوم وراكبه عفريت وعايز يخرج يجري من كبوت العربية
دا بييجي بالسلب على العمر الافتراضي للموتور طبعا
دا لو كان الميكانيكي فاهم المصطلح دا !
لا انا كنت بسأله عن حالتها كعربيه
لكن انا فعلا مش باخد رأى الصنايعى فى عربيه الا لو كنت عاوز اعرف عيوبها
انا كنت بسأله عن حالتها لقيته بص عليها وقاللى دى عربيه غشيمه بس فيها كذا وكذا وكذا
فمبقتش عارف غشيمه دى حاجه حلوه ولا شتيمه هههههههههههههه
ومرضيتس اسأله لحسن يفكرنى انا غشيم ههههههههههههه
يعني عربيه مبتعرفشي حاجه ههههههههه
صنايعيه اخر زمن
اللى اعرفه عن هذا المصطلح العلمى (غشيمة)
أنها عربيه عفشتها ناشفه ودريكسبونها تقيل وعاوزه واحد غشيم ههههههههههههههه
والمعنى فى بطن الشاعر
عربية غشيمة معنها انه مستعملة ولم تتعرض لاعمال اصلاح كبيرة او حوادث والله اعلم
هذا التعبير قاله لي سمكري كنت اسأله على سيارة بيجو 407 وحسب تعبيره السيارة غشيمة ولكن تحتاج لبعض السمكرة لاجزاء البارومة في الابواب من طول فترة ركنتها في جراج وقد اعتبرت ان هذا المصطلح هو في صالح السيارة