كلام زي الفل ومجهود رائع
رقم العضوية : 53798
تاريخ التسجيل : 24Nov2009
المشاركات : 195
النوع : ذكر
الاقامة : egypt
السيارة: lanos200
السيارة[2]: نيواكسنت 2010
دراجة بخارية: no
الحالة :
بسم الله الرحمن الرحيم
بداية السلام عليكم ورحمة الله وبركاته
انا مش غريب على المنتدى حيث كنت من اعضاء قسم دايو لسابق امتلاكى لسيارة دايو لانوس ولا انكر الاستفادة من الفنيات العالية لدى اعضاء قسم الدايو خاصة محمد ممدوح وعصام غنايم وغيرهم واعتقد ان قسم الدايو غنى جدا بالاعضاء نظرا لانتشار السيارة بشكل واضح والحمد لله بعد بيع السيارة ودخولى فى مرحلة الحيرة لاختيار سيارة بديلة والتجوال بين الاقسام اكرمنى الله بالاستقرار على الجميلة شيفورلية اوبترا وطبعا بعد فضل الله تعالى لا انكر اثر مشاركات الاعضاء الكرام بهذا القسم فى الاستقرار على اختيار الاوبترا خاصة العمدة والحريف والاوبتراوى واعتقد من حظ هذا القسم وجود مثل هؤلاء الاوفياء لان متابعة النت والرد على التساؤلات ياخذ من الوقت الكثير ولا يستمر عليه الا من يحب هذا القسم بصدق وهؤلاء قلة فعلا فالغالبية تدخل للقسم للتساؤل اثناء مرحلة الحيرة والتنقل بين الاقسام وبعد الاستقرار لا يدخل الا بعد حدوث مشكلة وهذه هى الاكثرية واعتقد ان البطئ وقلة المشاراكات بهذا القسم يرجع الى هذا السبب وليس لانتشار السيارة فعلامة شيفورلية بكافة سيارتها غنية عن التعريف واسف لهذه المقدمة الطويلة
الموضوع الذى بصدد الحديث عنه هو كتابة المستفاد من خلال قراءة مشاركات السادة الاعضاء بالقسم وهى كالتالى بداية من الشراء حتى الصيانات والمهم لكل شخص يشترى سيارة اوبترا جديدة
[OVERLINE]1- مرحلة الشراء والاستلام [/OVERLINE]
اولا معاينة العربية زى الجسم الخارجى والتكييف وحوض الماتور والشنطة والانوار والمساحات والكاسيت والمرايات لو كهرباءوتخلى بالك من عداد الكيلو متر انه يكون شغال والمعرض مش فاصله
ثانيا اللى هاتستلمه مع العربية زى الاستبن والكوريك ومفتاح العجل والعدة(مفك+مفتاح+شنطه)وضمان الكاسيت والبطارية وطقم طاسات
ثالثا اهم حاجة تطلع تجرب العربية وتتاكد ان مفيش اصوات غريبة وان لمبة التشيك بتطفى بعد الدوارة
رابعا ورق العربية زى شهادة المنشأ ومبايعة جنرال موتورز ومبايعة ليك
خامسا لازم تطابق رقم الشاسية والموتور بتوع العربية مع الورق(مهم جدا )
( ملحوظة مهمة من تجربة الزميل باسم فى الفرق بين الشراء من التوكيل والمعارض حيث من الملاحظ ان المعرض ارخص من التوكيل فى حدود 3000جم ولكن هناك ملاحظة على الاطارات والبطارية وعدد الكيلومترات )
2- خطوات الترخيص
_شراء ورق فحص وتجديد سنة من الخزينة لو العربية عليها حظر بيع ولو كاش يمكن التجديد لمدة ثلاث سنوات
2 _ فحص السيارة وشراء الطفاية وفحص ايصال الطفاية بانها صالحة اما بالنسبة لفحص السيارة ترفع بصمة الموتور والشاسية الموجود على السيارة بواسطة عامل البصمة ثم تمر السيارة على مهندس الفحص الفنى ويوضح على ورق الفحص بان السيارة صالحة فنيا وبيئيا
3 _ يتم دفع التامين الأجبارى من اى كشك من الأكشاك التامين الموجود فى وحدة المرور
_التامين الأجبارى يمكن للسيارات الكاش حتى ثلاث سنوات اما السيارات التى عليها حظر بيع فلا ترخص سوى سنة لأن الترخيص يكون لمدة سنة فقط
4 _ تقدم الأوراق فى ملف وتصور البطاقة
(والأوراق هى )
•اوراق الفحص
•اوراق التجديد سنة او ثلاث سنوات
•صورة البطاقة
•ايصال دفع التامين الأجبارى
•مبايعة السيارة معتمدة من ادارة المرور المختصة
•شهادة بيانات السيارات اذا كانت السيارة مستوردة اما اذا كانت انتاج محلى فيكفى اعتماد ورق المبايعة فقط بختم النسر واثبات ان التاجر معتمد لدى ادارة المرور
جواب حظر بيع السيارة اذا كانت السيارة تابعة لبنك يرفق هذا الجواب ضمن الأوراق المطلوبة للسيارة داخل الملف ويكن هذا الجواب من نسختين الأولى تبقى فى ملف السيارة والثانية تعود للبنك للتاكد ان السيارة تم حظر بيعها فى الملف
5 _ثم يقوم موظف الشباك بتقدير الضريبة ويعطى العميل او المندوب ورق تقدير الضريبة ليقوم بدفعها فى خزينة وحدة المرور وياتى بايصال الضريبة الى الموظف مرة اخرى
6 _ياخذ الموظف ايصال الضريبة ويقوم بترتيب الأوراق داخل الملف ويدبسها داخل الملف ثم يعطيها للمراجع
7 _يقوم المراجع بمراجعت الأوراق الموجودة فى الملف ثم يدخل الملف فى الكمبيوتر لطبع الرخصة ثم تخرج الرخصة من الكمبيوتر وتغلف وينادى على صاحبها ويستلمها مع جواب البنك ان وجد حظر بيع ثم يراجع العميل او المندوب ان الرخصة وبياناتها صحيحة هى وجواب البنك
8 بعد يذهب الى مخزن اللوحات للحصول على لوحة معدنية ويتم تركيبها دخل وحدة المرور
3- مرحلة التليين
مرحلة التليين ببساطة ودون الخوض فى امور فنية قد لا يطيب للمستهلك البسيط الخوض فيها يمكن تلخيصها على مرحلتين كل مرحلة الف كيلو حيث
الالف كليو الاولى بدون تكييف والسرعة لا تزيد عن 90 كليو و RPMعلى 2.5 او 3 على الاكثر ومن المهم عدم الثبات على سرعة معينة حيث يفضل التنقل بين السرعات والضغط بالتدريخ على دواسة البنزين وكذا الفرامل وبفضل البعد عن الاحمال الثقيلة بتلك الفترة ويمنع نهائنا سحب اى عربية اخرى
الالف كيلو الثانية يستخدم التكييف عادى يمكن تجربة الموتور حتى سرعة 140 ولكن ذلك للاطمئنان على حالتة وليس للجرى بكثرة
4- تسخين السيارة
عموما خلاصة الكلام فى التسخين الانتظار دقيقة حتى يصل rpm الى 800 ويمكن الانطلاق بعدها
وفيه موضوع بالنسبة للاوتو كان الزميل باسم اتكلم فيه وهو رعشة الموتور صباحا والرد كما هو كالتالى
(حاجه اتعلمتها مؤخرا اعتقد انها حتفيد كتير في حكايه رعشه الموتور ديه وانت بدور العربيه صباحا او بعد فتره كبيره من عدم التشغيل لازم تستني بعد لما تحط المفتاح في الكونتاكت وتتك اول تكه لغايه لما لالمبه الصفراء بتاعت زرار الهولد لما تطفي عشان من اللي قالي كده ان طرمبه البنزين بتبقه لسه حتشتغل وتحقن في الموتور ف عشان الكده بتكون فيه رجه عند الواره الصبح وياريت حد يصحح المعلومه ديه لو غلط)
5- بالنسبة للصيانات
افضل الردود كان للعمدة كما يلى
فية نوعان من الصيانة كل 5000 و تكلفتها فى التوكيل حوالى 165 ج
وصيانة كل 15000 و تكلفتها فى التوكيل حوالى 195 ج
طيب اية الفرق ؟
فعليا مافيش بس حسب الكتلوج فية
و سوف يتم شرح الكاتلوج
طبعا اول حاجة لازم نعرفها الكتلوج بيقول اية
جدول الصيانة فى كتيب الضمان
تغير زيت الماتور كل 5000 او 10000 حسب نوع الزيت
فحوصات داخل غررفة المحرك كل 5000
تبديل الاطارات ( صليبة عجل ) و ضبط ضغط الاطارات كل 10000
فحص مستوى السوائل و الزيوت ( فتيس- فرامل – دبرياج – دركسيون - مياة تبريد – مياة المساحات ) كل 5000
فحص نظام الفرامل ( تنظيف او تغير تيل الفرامل ) كل 5000
فحص فرامل اليد كل 5000
فحص احزمة الامان كل 10000
فحص جهاز تنقية غازات العادم كل 10000
فحص عناصر نظام التعليق ( العفشة) و نظام الدركسيون كل 5000
فحص نظام تسارع لفات المحرك كل 10000
تشحيم عناصر جسم السيارة كل 5000
فحص فلتر التكيف و استبدالة اذا لزم كل 10000
فحص جهاز تكيف الهواء ( كفائة و سرعات هواء و اتجاة هواء ) كل 5000
فحص فلتر هواء للمحرك كل 5000
استبدال فلتر هواء المحرك كل 30000
فحص سائل الفتيس الاوتوماتيك و العادى كل 5000
استبدال سائل الفتيس الاوتماتيك و العادى كل 60000 ( معلومة خاطئة كل 30000)
تغير سائل الفرامل و الدبرياج كل 30000
فحص سائل الدبرياج و الفرامل كل 5000
فحص سير المحرك كل 5000
تغير سير المحرك كل 55000
فحص سير الكاتينة كل 30000
تغير سير الكاتينة كل 50000
تغير البوجيهات كل 30000
فحص او استبدال اسلاك البوجيهات كل 100000
استبدال فلتر الوقود كل 15000
استبدال صمام تهوية المرافق pcv 30000
فحص سائل التبريد كل 5000
فحص و تغير سائل التبريد كل 40000 او سنة ايهم اقرب
طب اية الى بيحصل فعلى
و دة بيتعمل كل 5000 كم
تغير الزيت
ربط عفشة
التأكد من سلامة الطنابير و تيل الفرامل
الكشف العام على العافشة
تدوير العجل (حسب طلبك )
نفخ فلتر الهواء
تنظيف او تغير فلتر البنزين
تنظيف بوابات البنزين ( حسب الطلب و ممكن تتعمل مجانى و ممكن يحطوهالك على الفاتورة و التكلفة 50 ج لو اتحملت على الفاتورة )
نفخ الطنابير بالهواء
ضبط نسبة المياة
غسيل الماتور بالفوم (بالتفاهم مع الفنى والا لن تحدث )
الاطمئنان على السيارة بصفة عامة
و فية صيانة هامة جدا كل 55000 ك
و فيها بيتغير الاتى
طلمبة مياة ( اذا كان فيها مشاكل )
سير دينامو
شداد سير دينامو
شداد سير كاتينة
بلية كاتينا
سير كاتينة
و طبعا فى حالة حدوث حاجة طارئة او شكوى معينة فالمفروض يتعامل معها مهندس الصيانة
و كدة يبقى انا قلت الكتالوج بيقول اية و الفعلى اية
و لو فية اي استفسار اخر او نقاط مش مفهومة فلا تترددو فى السؤال
معلومة مهمة ان الصاينة كل 5000كليو او 4 شهور ايهما اقرب وتاريخ الصيانة يبدأ من التاريخ المكتوب فى كتيب الضمان ورجاء خاص قراءة تجارب الاعضاء فى الصيانات بداية من 5000 الخاصة بالزميل باسم وهو موضوع مثبت فى اهم المواضيع عن الاوبترا
معلومات متنوعة مهمة
الفتيس
هذه معلومة مهمة جدا بالنسبة لصيانة الفتيس
بالنسبة للمانيوال تغيير الزيت على 60 الف والاوتو على 30 الف للحفاظ على كفائته وافضل تعليق كان للعمدة كما يلى
انا جبت الخبر اليقين
فتيس الاوبترا الاتوماتيك الحد الاقصى للزيت فى حالة ان لا يوجد زيت 4 ك
طيب لو نزلت الزيت عن طريق السحب بياخذ 3 ك فقط
طيب لو فتحت الطبة ياخذ 3.5 ك
طيب لو نظفت المصفاة بياخذ من 3.5 ال 4 ك حسب انت سيبتة يصفى كلة ولا لأ
و الغريب ان المصفاة دى هى الفلتر يعنى مفيش فلتر بالمعنى المفهوم زي الزيت مثلا
و المصفاة عمرها الافتراضى طويل جدا يعنى اكثر من العمر الافتراضى للسيارة
طيب اية احسن طريقة لغيار الزيت هى عن طريق فتح الطابة و غسل المصفاة و ترك الفتيس اكثر و قت ممكن لتصفية الزيت العالق على التروس
طيب و منصور بيفضل انهى نوع من الزيوت
بيفضل زيت موبيل حسب النوع المزكور فى اول الموضوع
طيب انا جبت الكلام دة منين
من منصور نفسة مش قصدى منصور صاحب الشركة طبعا هاهاهاها
لكن من مدير فرع القاهرة الجديدة و تم التاكيد على الكلام من مهندس فى فرع الطيران
ضغط الاطارات
بالنسبة لضغط الاطارات فهو 30 امامى وخلف مع الاهتمام بالترصيص حتى لا يؤدى الى اهتزاز او رعشة الدريكسيون على السرعات العالية
تيل الفرامل
وبالنسبة لتيل الفرامل يتم تغييره من 12000 الى 15000 حسب الاستخدام مع الكشف عليه وراى العمدة كما يلى (الفرامل فى الاوبترا متوسط عمر التيل 12000 فانا بغيرة كل 10000 علشان ماروحش اغيرة مخصوص فى صيانة لوحدة و يمشى مع الصيانات )
بالنسبة للكاسيت دى اهم المشاركات بالاضافة الى موضوع العمدة
http://www.nilemotors.net/Nile/165539-a.html
توصلت أخيرا لحل مشكلة المحطات الفردية والزوجيه مثلا نجوم أف ام 100.6 ما كانتش بتيجي أبدا
إما 100.7 أو 100.5
الموضوع بإختصار
الحل سهل وبسيط بس لازم تنفذه بدقه
1. سمي الله
2.إفصل كابل البطاريه الأحمر (الموجب)
3.أنتظر 40 ثانيه أو حتي تتوقف لمبة الكاسيت الحمراء عن الوميض
4.أعد توصيل كابل البطاريه
5. وهنا
فيه إتنين كود
1.كود المنطقة (AF code ) وبيظهر علي الشاشه الشكل ده ( -- af)
وده بيتكتب الأول وهو مكون من رقم واحد أو إتنين
وهو في مصر رقم 4 وده الخاص بالشرق الأوسط (مصر )
2.كود الكاسيت وبيظهر علي الشاشة الشكل دة - - - -
وده مكون من 4 أرقام
وهو في الغالب واحد من المجموعه دي ( 1156 * 2145 * 4316 * 6361 * 4362 * 2145 * 5624 )
وبعدها هتلاقي المحطات كلها موجوده علي الإف أم 100.6
بالنسبة لفلتر الهواء
فلتر الهواء بيتنظف بنفخة بالهواء فقط ما ينفعش يتغسل
و تغيرة سهل و يستحسن كل 25000 تغيرة و كل 5000 تنفخة بالهواء
سعرة : الكورى من 45 ج الى 65 ج حسب الجودة
- بالنسبة للمياه امتي اكشف علي قربة المياه ويا تري بزودها كل شوية زي العربيات القديمة
طالما ان العربية جديدة ولا يوجد مشاكل انت هاتحتاج تزودها كل 5000 مع الصيانة تبقى تبص عليها من الخارج كل يومين ثلاثة و ماتفتحش الغطاء الا لو هاتزود المياة و دة فى حالة وصول المياة الى min و طبعا كلو فتحت القربة هاتحتاج تاخذ هواء دورة التبريد بعدها كما يلى(ملحوظة دى طريقة العمدة ) بعد لما تزود المياه في القربه وطبعا لو العربيه سخنه تكون والعربيه دايره وتزود لغايه علامه الماكسيمم بتاعت القربه وتقفلها وتتوكل عل يالله وتشوف مشاويرك يفضل تاني يوم او لما العربيه تبرد خالص وقبل لما تدور تروح فاتح غطاء القربه حتلاقي كده في تنفيس وده هوه الهواء الزياده اللي في القربه استني لما يخرج وبعدين كمل المياه للمستوي الطبيعي بتاعها وبكده المفروض دوره التبريد تكون شغاله تمام .
هذا جزء من الاستفادة التى اكرمنى الله بها من هذا القسم الجميل وان كان لى ملاحظة على ترتيب الموضوعات بالقسم حيث يختلط موضوع الافيو مع الاوبترا مع الكروز مع الانواع الاخرى وكذلك يفتقد القسم لموضوع مثبت عن اعطال كل سيارة وعلاجها من خلال تجارب الاعضاء وان كنت ارغب من خلال علاقة العمدة واعضاء القسم بالمهندسين بمراكز الصيانة ان يتم طلب احدهم للدخول على القسم (مهندس من داخل التوكيل ) للرد على استفسارات الاعضاء وهذا ليس بجديد وان شاء الله بعد ترخيص سيارتى وبعد الالف اولى ان شاء الله اعمل تقرير مفصل عن السيارة والله الموفق
تم تعديل العنوان
ليدل على محتوى الموضوع
و تم تثبيت الموضوع فى اهم موضوعات الاوبترا لاهميتة
مشرف 20ب
لو كان للمرء عقل يستضيئ به في ظلمة الشك لم تعلق به النوب
و لو تبيّن ما في الغيب من حدث لكان يـعلم ما يـأتي و يجتنب
رقم العضوية : 83571
تاريخ التسجيل : 15Dec2010
المشاركات : 1,712
النوع : ذكر
الاقامة : الزقازيق
السيارة: اوبترا a / t 2009
السيارة[2]: كورلا a / t2005
دراجة بخارية: لا يوجد
الحالة :
كلام زي الفل ومجهود رائع
الاستاذ ايمن علي منسق قسم الشيفروليهaymanmaly
<img src="http://store2.up-00.com/Sep11/5wT06061.jpg">
الهم اغفر له وارحمه واسكنه فسيح جناتك
رقم العضوية : 71688
تاريخ التسجيل : 27May2010
المشاركات : 322
النوع : ذكر
الاقامة : cairo
السيارة: كفاية واحدة
السيارة[2]: optra 2011 AT
دراجة بخارية: لا
الحالة :
مجهود جبار و اهلا بيك فى قسم شيفروليه و مبروك على العربية و ربنا يديك خيرها و يكفيك شرها .
رقم العضوية : 13633
تاريخ التسجيل : 26Jun2008
المشاركات : 5,636
النوع : ذكر
الاقامة : Cairo
السيارة: Optra 2007 AT
السيارة[2]: Pegeout 406 2004
دراجة بخارية: لا يوجد
الحالة :
مرجع سريع ووافي وده اجمل ما فيه
afrtow سابقاً
[B]
[gdwl] الإمام الشافعي
إني رأيت وقوف الماء يفسده * * * إن ساح طاب وإن لم يجرِ لم يطبِ
والأُسد لولا فراق الأرض ما افترست * * *والسهم لولا فراق القوس لم يصبِ
والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B]
رقم العضوية : 82574
تاريخ التسجيل : 02Dec2010
المشاركات : 5,207
النوع : ذكر
الاقامة : جده - السعوديه
السيارة: الحمد لله
السيارة[2]: FORD FOCUS 2012
دراجة بخارية: nothing
الحالة :
شكرا علي المعلومات القيمه
[sor2]http://img266.imageshack.us/img266/2162/f04g.jpg[/sor2]
رقم العضوية : 63510
تاريخ التسجيل : 27Feb2010
المشاركات : 2,761
النوع : ذكر
الاقامة : Cairo
السيارة: لا يوجد
السيارة[2]: Optra A/T
الحالة :
من اجمل المواضيع فى القسم
وبصراحة جدا لخصت امور كثيرة من الشراء الى الصيانة
شكرا شكرا شكرا
فلك منى كامل الاحترام و التحية
Chevrolet Club Member No.17
رقم العضوية : 53798
تاريخ التسجيل : 24Nov2009
المشاركات : 195
النوع : ذكر
الاقامة : egypt
السيارة: lanos200
السيارة[2]: نيواكسنت 2010
دراجة بخارية: no
الحالة :
اولا شكرا لمنسق القسم على الاهتمام والتثبيت وشكرا لمن تكرم وقرأ الموضوع واثنى عليه وبصراحة رد العمدة شهادة اعتز بها واقول له (هذا من خيرك يا عمدة )
لو كان للمرء عقل يستضيئ به في ظلمة الشك لم تعلق به النوب
و لو تبيّن ما في الغيب من حدث لكان يـعلم ما يـأتي و يجتنب
رقم العضوية : 72510
تاريخ التسجيل : 07Jun2010
المشاركات : 1,099
النوع : ذكر
الاقامة : Heliopolis , Cairo
السيارة: Hyundai Excel F/O 1995 ( سابقاً )
السيارة[2]: Chevrolet Optra A/T 2O1O
دراجة بخارية: لا يوجد
الحالة :
100 100 يا شاهين باشا ، وفعلا إنت لميت كل المهم والمفيد فى موضوع واحد ... وفعلاً الموضوع ده يستاهل التثبيت .
تسلم إيدك يا باشا ومليون مبروك علينا واحد أوبتراوى جديد ..... بس فى حاجه مهمه ناقص :
.
.
.
.
.
.
.
.
.
.
إنك تكتب إنك معاك أوبترا فى بياناتك الشخصيه : )))
الله ينور عليك وربنا يباركلك فى العربيه ويا ريت نتشرف بيك فى أقرب مقابله .
[aldl]http://gickr.com/results4/anim_0675d9fb-c34e-5d84-7196-792232bbcc75.gif[/aldl]
رقم العضوية : 53798
تاريخ التسجيل : 24Nov2009
المشاركات : 195
النوع : ذكر
الاقامة : egypt
السيارة: lanos200
السيارة[2]: نيواكسنت 2010
دراجة بخارية: no
الحالة :
الله يبارك فيك يا باسم واحنا منكم بنستفيد واتمنى ان اقابلكم فى اقرب فرصة ان شاء الله
لو كان للمرء عقل يستضيئ به في ظلمة الشك لم تعلق به النوب
و لو تبيّن ما في الغيب من حدث لكان يـعلم ما يـأتي و يجتنب
رقم العضوية : 21973
تاريخ التسجيل : 13Oct2008
المشاركات : 106
النوع : ذكر
الاقامة : egypt alexandria
السيارة: kia
السيارة[2]: optra
دراجة بخارية: n0
الحالة :
مجهود جبار
ابدعت وافضت واوضحت
شكرا علي تعبك وبحثك ووقتك
المفضلات