رخصتى اتسحبت

**emam** · 04-05-2008 05:27 PM

يوم الخميس الى فات وانا راجع من اسكندرية على الطريق الزراعى رخصتى الخاصة اتسحبت:(:( (سير عكس الاتجاه) الله يسامحه الرائد - كنت داخل محطة البنزين وبلف من ادامها قابلتنى عربية الكمين وهما مروحين وجاب وشه فى وش عربيتى وكان معاهم عقيد كمان فى العربية وخد الرخصة .

ياريت يا جماعة حد يقولى المخالفة دى هدفع فيها كم واجيب الرخصة منين ( بالمناسبة الوصل الى عملوه اكتشفت انه مكتوب عليه مرور دمنهور مع انه كان فى اول الزراعى مش عارف ليه ) . وشكرا مقدماً على المساعدة وياريت على حد يعرف لنا وسطة تجيبها يبقا كتر الف خيرة :D

**ابو سيف** · 04-05-2008 05:31 PM

كويس انها اتسحبت دلوقتي قبل القانون الجديد ما يطبق
عموما الغرامه خمسين جنيه
و عملوها دمنهور عشان دة باختصار غالبا كان مكان الكمين اللى هما واقفين فيه

الفكرة بقا هتوصل للمرور اللى انت تابع ليه امتى؟؟!!

**emam** · 04-05-2008 05:37 PM

شكرا يا باشا على ردك الكريم فعلا الحمد لله انهم لسه مطبقوش القانون الجديد والا كان زمانى دلوقتى مشرف على البورش (ربنا يستر) . وهتوصل فين الدراسة ولا فيص المرور بتاعى ؟

**ابو سيف** · 04-05-2008 09:02 PM

هيفيدك في الموضوع دة احد الاخوة سكاني القاهرة ان شاء الله بس على ما اتذكر انها بتوصل كلها لمرور واحد في خلال اسبوع و بعدين بيتم توزيعها على المرور اللى طالع منه الرخصه
بالتوفيق ان شاء الله

**محمدايهاب** · 04-05-2008 10:22 PM

حضرتك ماشي عكسي معلش دي أقل حاجة الرخصة تتسحب
لكن قدر الله ما شاء فعل

**AhmedGen2** · 05-05-2008 12:11 AM

أيوة كدة عشان تبطلوا تمشوا عكسى ...

مش قصدى حاجة بس انا فرحان إن رخصتك اتسحبت مش شماتة ، يعنى فيه امل إن القوانين بتتطبق ...

SS · 05-05-2008 12:48 AM

المشاركة الأصلية كتبت بواسطة IslamGen2

يعنى فيه امل إن القوانين بتتطبق ...

فعلا ده صحيح ...القانون بيطبق على اللى ينفع يطبق عليه يعنى لو كان وكيل نيابة او قاضى او ظابط مهم شوية او اى حاجة فى اى حتة اكيد اكيد رخصته كانت هتتسحب .....مع رفضى الشديد للسير عكس الاتجاه ...و عموما يا استاذ امام حمد لله على سلامتك و الحمد الله انها جت على اد كده لعله خير و متعرفش ايه اللى كان ممكن يحصل ...و ربنا يسترها معاك و معانا.

**hazem_khidr** · 05-05-2008 04:39 AM

اولا حمد الله علي سلامتك
مع نهايه مده الوصل و بتبقي اسبوع بتروح نيابه المرور التابع ليها رخصه القياده الخاصه بك.
و تسأل علي رخصتك ولو جت بتدفع المخالفه و بتاخدها و بتبقي في حدود 50 جنيه.
لو اول مره تتسحب رخصتك مش بتدفع حاجه.
لو الرخصه لسه ما وصلتش بتقدم الوصل لوكيل النيابه و تاخد اسبوع زياده.
و تروح لاسبوع اللي بعده و هكذا
و ابقي طمنا :)

**emam** · 05-05-2008 08:56 AM

المشاركة الأصلية كتبت بواسطة محمدايهاب

حضرتك ماشي عكسي معلش دي أقل حاجة الرخصة تتسحب
لكن قدر الله ما شاء فعل

يا استاذ محمد - انته شمتان ولا ايه كنت عاوزهم يعملوا ايه تانى

- ماشى عكسى ايه بس انا بقولك دخلت البنزينة غط وبلف من برة المحطة عشان اعدل نفس على فتحة التنك - يبقا عسكى ايه بس - انا اساسا اخاف امشى عكس فى طريق فرعى يبقا ازاى امشى على طريق زى ده عكسى عموما شكرا على ردك ده

**emam** · 05-05-2008 09:02 AM

المشاركة الأصلية كتبت بواسطة IslamGen2

أيوة كدة عشان تبطلوا تمشوا عكسى ...

مش قصدى حاجة بس انا فرحان إن رخصتك اتسحبت مش شماتة ، يعنى فيه امل إن القوانين بتتطبق ...

شكرررررا يا استاذ اسلام انته فرحان ان رخصتى اتسحبت ؟؟؟ انا بالنسبه ليك اصبحت مثال لعدم احترام القوانين وبسحب رخصتى اصبح فى امل لتطبيق القانون !!!!! عموما انا رديت على الاستاذ محمد قبل كدة وشرحت الى حصل بالضبط - صدقنى اقل حاجه ممكن اقولها انى مردش عليك وكتر خيرك يا اخى .

الموضوع: رخصتى اتسحبت

LinkBack

أدوات الموضوع

عرض

رخصتى اتسحبت - انشر الموضوع فى :

-

-

-

المواضيع المتشابهه

رخصتى اتسحبت بسبب الفامية

رخصتى اتسحبت

رخصتى اتسحبت ظلم

رخصتى اتسحبت يا رجالة.......الحقونى....

رخصتى اتسحبت !!!! أروح فين؟

الكلمات الدلالية لهذا الموضوع

المفضلات

المفضلات

ضوابط المشاركة