الموضوع: تجربتى فى سواقة هيونداى فيرنا

المشاركة الأصلية كتبت بواسطة sherifnagy1988

هوا الفيرنا اول و تاني احسن من الانوس بس بعد كدا ممكن تفضل شايف الفيرنا في المرايا بتاعتك

عن تجربه انا شديت مع فيرنا قبل كده و انا راجع من التجمع على المعادي و بصراحه حمدت ربنا اني معايا لانوس

الفيرنا ما كانش قادر يدخل غرز او منحنيات ورايا و بالذات المنحني اللي عند كارفور هو هدي جامد عشان عربيته عومت منه ..... يا فرحتي بموتور 105 حصان بس نفيش ثبات ولا امان ولا فرامل و العربيه مفيش فيها اي حاجه اصلا

اللانوس ثبات اعلى اكيد ..... و فرامل احسن لان العربيه متناسبه مع بعضها الى حد كبير و كمان اريح في الجلوس و الكنبه الخلفيه للانوس افضل بكتيير من عربيات زي النيسان صني ( ما عدا السوبر صالون لوجود المخادع )

من الاخر الفيرنا محتاجه تبقي عربيه الاول و بعديين نقارنها بالانوس

و الله يا باشا رأيك على رأسي من فوق
بس أول مرة أشوف حد بيقول أن سحب اللانوس أحسن من الفيرنا ....


الفيرنا أصلا من أحسن العربيات 1600 اللي بتشد في السوق المصري (طبعا فيه عربيات أحسن أو أقوى )

إنما لما نقارن فيرنا بلانوس ........... لا وجهة للمقارنة .............
الفيرنا أقوى بكتير ............ بجد بكتير .......... و عن تجارب كتيرة .

موضوع الثبات ................ الأثنين بيعوموا .......... الأثنين مش ثابتين ....لو بنتكلم عن أخت اللانوس الكبيرة كان ماشي في الموضوع الثبات .... النوبيرا أحسن من الفيرنا في الثبات .

إنما اللانوس و الفيرنا فرق الثبات ............ مش كبير خالص و الأثنين مش ثابتين فوق 120 كم .

عموما برضه معلومة تانية لحضرتك بالنسبة لموتور اللانوس و الفيرنا
اللانوس موتور sohc
و الفيرنا موتور dohc
الموتور التاني تجميعه أعلى على السرعات الأعلى من الموتور الأول اللي تجميعه أعلى على السرعات الأقل .

الأثنين عربيات ممتازة فيما يخص مميزاتهم ........... و أي عربية في الدنيا فيها مميزات و عيوب .
و ربنا يباركلك في لانوستك و يستر طريقك .

لو كل الاعضاء يبقوا زى tutankhamoun

الراجل مش معاه فيرنا ومع هذا انصفها
لو انا الى حرد مكنتش حرد بنفس الحيادية دى !!!!!!!!!!

يعنى لما الناس كلها لما بجيبوا سيرة الجرى لازم يذكروا الفيرنا
يجى sherifnagy1988 يقول دى اولانى تانى !!!!!!!!!!!

لا تعليق بالمرة

وبكرر اعتزازى بالأخ الفاضل tutankhamoun ربنا يكتر من امثالك