الــــ rpm بيتغير لوحده بعد التسخين

**goudamahdy** · 14-07-2011 02:23 PM

السلام عليكم ورحمة الله وبركاته
ازيكم احبابي الصقور

معايا نيسان صني مانيوال 2011 ماشية لحاد دلوقتي 6000 كيلو والحمد لله العربية ماشية كويس وممتازة جدا بس لاحظت حاجتين في الموتور بتاع العربية من حوالي اسبوع بس :

أولا : لما باجي اسخن العربية الصبح طبعا الــــ rpm بيكون عالي شوية علي حوالي 1100 لفة وبعد كده العربية بتسخن طبيعي والـــ rpm بينزل ويصبح حوالي 300 ( حوالي تلات شرطات يعني ) لما آجي ادي العربية المارشيدير ... بمجرد اني دوست على دواسة البنزين فجأة .... ألاقي الـــ rpm يعلى لحاد ما يوصل 2100 وما ينزلش تاني ...أزود بنزين ( زي ما اكون باكارك يعني ) ومع ذلك يفضل الـ rpm في مكانه عالي ..... ولازم اطفي العربية وادورها من جديد علشان الموضوع يرجع طبيعي وعداد الــ rpm يرجع على 300 تاني ..... والموضوع ده ما بيتكررش أبدا طول النهار حتى لو العربية باردة وبسخنها في أي وقت تاني وبصراحة ما جربتش ادي الأول وأشوف ......
ملحوظة : مرات باكون مدور المروحة بس بتاع التكييف ومش بادور التكييف نهائي وانا باسخن.
بجد المشكلة دي لما اتكررت بدأت تقلقني .

ثانيا : فيه بنزينة معينة بامون منها باستمرار ..... لما غيرت البنزينة دي تحديدا العربية صوتها بيعلى والسحب بيقل شوية .... وجربت الموضوع ده مع بنزينتين مش بنزينة واحدة .... فهل ده يكون بسبب ان البنزين اللي انا غيرته وحش مش تقي ولا ايه.
متأسف على الشرح المستفيض وعلى الإطالة.

**WalidAdel** · 14-07-2011 02:42 PM

لاياباشا ولا يهمك اشرح براحتك
حته ال rpm دي كان في عضو بيشتكي منها و بعدين راح التوكيل و ماقالش حصل ايه بس تقريبا حاجه بسيطه لما تقولهم عليها في الصيانه الجايه هايعملوها ان شاء الله او ممكن تراجع الموضوع ده يمكن تكون موجوده فيه المشكله دي
http://www.nilemotors.net/Nile/163656-a.html

تاني مشكله دي تقريبا بنزين و عايز تتأكد فول العربيه و هات علبة اوكتان بوست البرتقالي STP من البنزينه و حطها لو المشكله اتحلت يبقي العيب في البنزين

ارجوا اكون افدتك

**yoko** · 14-07-2011 03:24 PM

هات علبة اوكتان بوست البرتقالي stp من البنزينه

الأوكتان بوست ملوش علاقة بنضافة البنزين خالص

**Ahmed.TV** · 14-07-2011 04:52 PM

طالما عربيتك لسه 6000 كيلو .. روح التوكيل وخاليهم يكشفوا عليها يا دوكتور .. ومتلعبش فى حاجة ولا تحط حاجة

وياريت لو انت معملتش صيانة ال5000 اتشغل الموضوع ده وروحلهم عشان تتطمن وتطمنا معاك

تحياتى

**WalidAdel** · 14-07-2011 08:31 PM

المشاركة الأصلية كتبت بواسطة goudamahdy

ثانيا : فيه بنزينة معينة بامون منها باستمرار ..... لما غيرت البنزينة دي تحديدا العربية صوتها بيعلى والسحب بيقل شوية

المشاركة الأصلية كتبت بواسطة yoko

الأوكتان بوست ملوش علاقة بنضافة البنزين خالص

هو قال سحب العربيه قل و الصوت بتاع العربيه عالي يبقي دا بنزين مش 90 او 92 لان جرب حط بنزين 80 مثلا هتلاقي العربيه صوتها عالي و مش بتسحب غير لمما تحط 95 مثلا هتلاقي العربيه سحبها كويس و صوتها واطي
فالاوكتان بوست هايعلي الاوكتان اللي في البنزين فهاتظبط معاه (مجرب والله اللي بقوله دا مش بتكلم كده و خلاص)

نضافة البنزين و الشوائب و كده مش هاتبان في السحب لان البنزين بيمر علي فلاتر و الانجكشن في فلتر قبل الرشاش لكن لو عربيه كربراتير هاتلاقي العربيه بتنتش منه و مخنوقه زي ماتكون هاتبطل دا لو الفلتر اللي عند التانك او الفلتر اللي قبل الكربراتير منتهين بايظين بمعني اخر

**maged george** · 14-07-2011 10:42 PM

انا اعتقد ان موضوع الrpm بيعلى عشان حساس الtps عاوز يتنظف وده بيتعمل في التوكيل وممكن تروحلهم على طول من غير ماتستنى الصيانة الجاية لكن موضوع تنضيف الرشاشات ده كل 20000 كيلو مش اقل من كده ونصيحة بلاش الموضوع ده في الضمان عشان ميتلككوش في حاجة وان شاء الله بسيطة وابقى طمنا.

**Youssef.Awad** · 15-07-2011 12:07 AM

حلك تغيير ضفيرة الكهرباء فى الضمان
اطمن نفس شكوتك دى واكتر منها حصلت معايا فى exمانيوال 2010 وعانيت منها لحد اما جبت اخرى وغيرتها فى السبع مع صيانة ال40.000 كم
مشكلة شائعة وبتتغير بس فى العربيات اللى بيظهر فيها الاعراض اللى عندك بالزبط

الموضوع: الــــ rpm بيتغير لوحده بعد التسخين

LinkBack

أدوات الموضوع

عرض

-

-

-

-

المواضيع المتشابهه

الاوبترا بعد الــــ 120

التحكم بإضاة الــــ m11

ماء الريدياتير بيتغير ولا لأ ولو بيتغير بيتغير على كام كيلو؟

ذيت الفرامل بيتغير ولا مش بيتغير

الــــ 127 هاتجننى بجد

الكلمات الدلالية لهذا الموضوع

المفضلات

المفضلات

ضوابط المشاركة