السلام عليكم ورحمه الله وبركاته
بسال على فورد سكورد هل هى انواع يعنى اية مثلا فى اعلان يقول فورد سكورد-زيتك- 1600 سى سى...
وفى انواع تانية غير دا واية الفرق بينهم فى قطع الغيار والشكل وغيره
واية افضل موديل للفورد سكورد ؟؟؟واية برضة افضل سى سى ليها ؟؟؟؟
شكرا جدا ليكم لانى عملت سيرش على الموضوع دا ومش لقيت للاسف...
كمان معلشى بقة اية اكتر عيوبها الشائعه؟؟؟؟
اسكورت 1300 زجاج عادي مفيش باور و تكييف ان وجد تركيب محلى
اسكورت 1600 ليفت باك تبعد عنها خالص
اسكورت 1600 زيتيك زجاج امامي كهرباء تكييف باور و سنتر
الزيتيك فيه منها بفوجات و فتحة سقف
عيوبها انها ممكن تكون عفشتحا ضعيفة بالنسبة للفورد و بنائا على ذلك تغير جلب المقصات ممكن يكون على اوقات متقاربة يعني ممكن كل سنتين مثلا
غير ذلك ممكن ملاك العربية يقولوا الخبايا
اقتباس:
المشاركة الأصلية كتبت بواسطة ayabooy
شكرا جدا ليك
يعنى الى ادور عليه هى الفورد اسكورد زيتيك
طيب زيتيك دى بتكون مكتوبة عليها يعنى موديل يعنى ولا بعرفها بالشكل ولا باية؟؟؟
وطيب بخلاف العفشة فيها اى مشاكل فى تواجد قطع الغيار
يعنى خلينا نقول
غالية ومتوفرة...ولا مش متوفرة من اساسه ؟؟؟؟ طبعا اقصد دمشق والتوفيقية الحتت الاساسية دى بعيد عن اللف فى الحرفيين
وبيقولوا العربية واطية ممكن تعلى شوية؟؟؟ولا دا هيؤثر على ثباتها بشكل ملحوظ؟؟؟؟
بس انا معايا اسكورت 1300 98 عاده
من مزايا العربيه
1- شكل كويس
2- صاج قوى
3- ثبات على الطريق
4- صالون شيك
5- عربيه تتحمل
بالنسبه لبعض الملاحظات
1- قطع الغيار انا شايف انها مش غاليه قوى وموجوده فى مصر الجديده و الحرفين مدينه نصر
2- بالنسبه للصيانه فى ميكانيكيه وفاهمين فى العربيه كويس
3- اعاده البيع مش سهله ناس كتير بتبعد عن الفورد
4- التكيف فى 1300 عندى ضعيف معرفش المشكله ديه فى الموديل ولا عندى بس
فى معلومه مش متاكد منها
انا 1300 صيانه اسهل من 1600
بالنسبه لموضوع العربيه وطيه ده صح انا عليت العربيه من سنه ومفيش اى مشاكل معايا
http://www.nilemotors.net/Nile/177966-a.html
لو فيه اي حاجة مش موجودة هنا ممكن نتكلم فيها
ال 1300 فعلا اسهل في الصيانة اي ميكانيكي نضيف ممكن يصلحها مش شرط متخصص فورد.
1600 لازم متخصص فورد مش اي حد حتي لو ميكانيكي مرسيدس وبي ام.
تامر انا سالت على الكباس مكنش عندهم بتاع الزيتيك
شكرا يا جو علي زوئك
اسكورت 1600 ليفت باك تبعد عنها خالص
ممكن نعرف ليه ؟؟؟ دى شكلها وامكانياتها حلوه جداااااااااااااااااا
نظرا لعد توافر قطعة اساسية منها و هى الكنترول بوينت
ممكن تكون موجودة جديدة في التوكيل و تمنها غالي لكن استيراد مش متوفرة
شكرا للرد
بس هل الكونترول بوينت لها مختلف عن الاسكورت السيدان؟؟؟
وهل ده السبب الوحيد
معلش اصلى جديد يعنى ايه كونترول بوينت اصلا؟؟؟؟؟؟؟؟؟؟؟؟
وسعرها غالى القطعه دى ؟؟؟؟؟؟
اصلى بفكر اشتريها السياره دى
الكنترول هيا العقل المدبر لتشغيل الموتور
معتقدش تمنها في التوكيل اقل من 6000
بلاش احسن خليك في الزيتيك سيدان او في ال1300
يعني العربية كلها بـ 35000 جنيه والكنترول يونيت تبقي بـ 6000 جنيه ؟!!!!!
ايون فعلا يوصل ل6000 واكتر
البونتو كدا فعلا لية زميل فى التوكيل لقاه ب6500 تقريبا او 7000 عمله برا ب3500 وكان موديل عربيته 2000 مش حديثة اوى يعنى
اقتباس:
المشاركة الأصلية كتبت بواسطة dondark
الزيتك مشكلتها فى الحساسات بتاعت الموتور مش اى حد بيشتغل ويفهم فيهااقتباس:
المشاركة الأصلية كتبت بواسطة ayabooy
و1300 سحبها ضعيف جدا لان السياره ثقيله عن باقى الانواع زى الهيونداى مثلا
احسن نوع وده من كلام متخصصين هو ال 1600 كربراتير لانه سهل وقوى
ممكن يكون الزيتك سحبه اعلى لكن صيانته خنييييق
+111111111اقتباس:
المشاركة الأصلية كتبت بواسطة marcony
قطع غيار االاسكورت كاربيراتير ارخص من الزيتيك طبعا عن تجربة ده غير شهادة بعض محلات قظع الغيار بذلك زى بدروسيان وغيرة.....لكن الحقيقة ماعنديش فكرة عن موضوع الكونترول يونيت وربنا يسترها معانا ان شاء الله.