الموضوع: أسكندريــــــــــــــــــ ه!!!!!!!!!!!؟؟؟؟

بصراحه انا مش مصدق الى بيحصل فى اسكندريه ده!!!!!!!!!!!
شارع خالد بن الوليد بصراحه بقى حاجه مسخــــره والشرطه فى الضياااااااااااااااااع
والله حرام جدا الى بيحصل ده
فى كل الشوارع البياعين متجاوزين وأخدين الشوارع لحسابهم وحاجه بقت تقرف انا بصراحه مش مصدق ان اسكندريه بقت بالتدهور ده وكل ده كوم و مناظر الشباب الغريب المنتشر فى اسكندريه ده كوووووووم تانى .شويه شباب شكلهم ضااااايع و3\4مسجل خطر وطبعا بيتعرف من الوشم الى بيبقى مدقوق على دراعهم بصراحه اسكندريه بقت قمه عدم الامان وقمه عدم النظام وقمه عدم الاحترام من فئه قليله تسئ للأسكندرانيه (البائعين الغير ملتزمين)
بصراحه زيارتى لأسكندريه السنه دى يعتبر أسوأ زياره نظرا لأنى بعشق اسكندريه
والحاجه التانيه الى انا مستغربها جدا أن الشرطه دى فرصتها الوحيده انها تثبت للناس انها قادره على فرض سيطرتها عن المتجاوزين والخارجين عن القانون وفى نفس الوقت معاملتها مع المواطنين العاديين تبقى معامله محترمه ’بجد لو ده حصل اعتقد ان الشرطه المصريه هتبقى احسن شرطه فى العالم

بجد بتمنى ان اسكندريه ترجع للأنضباط والجمال تانى ومصر بشكل عام

بصراحه موضوع عدم الانضباط والتسيب ده بقى يفور الاعصاب وحاجه بقت تقرف
وشكل منصور العيسوى كده لا ليه فى اى حاجه غير الكلام
مش فاهم انا أزاى الشرطه نايمه ومش شايفه شغلها ولا أكنهم بيقولو مش هنشتغل إلا بطريقتنا القديمه ده إذا كان عاجبكو!؟
وزير الداخليه ده فى الضيااااااااااااع لأن لو فى وزير داخليه حكيم ويمتلك القدره على التصرف فى ظروف زى دى كان زمان الامن راجع من شهرين على الاقل
ووالله التسيب ده مش فى اسكندريه بس ده فى كل المحافظات بس انا اتكلمت عن اسكندريه لأن كنت ساعات لما انزل اسكندريه العربيه تتكلبش ومخالفات وبصراحه كان الموضوع منضبط انما دلوقتى بقى الموضوع ساااااااااااايب والتوكتوك بقى ماشى على الكورنيش عادى ولا اكن فى حاجه
مش عارف ليه الشرطه مصره على انهم سقطو بسقوط النظام الفاسد ولا أكنهم جزء لا يتجزأ منه

ربنا يسترها معانا ويعم الامن والامان مصر ان شاء الله