مصطفى سعد نازل القاهره يامينز

**هيثم المنياوى** · 15-07-2011 02:11 AM

السلام عليكم:
دمنهور يعنى بحييره يعنى جاى من الزراعى بتاع اسكندريه على ما أعتقد
لو كدا حضرتك هتطلع دائرى فى إتجاه المطار(تانى طلعه)وتكمل على طول لغاية نفق السلام وتاخد شارع جوزيف تيتو وتطلع كوبرى المطار(اللى فوق جسر السويس)هتنزل قدام الكليه الحربيه هتمشى على طول(الكليه على يمينك)تاخد أول يوتيرن وتدخل يمين كدا انت على وصلة الأوتوستراد معاها على طول هتطلع عندى النادى الأهلى (طريق النصر) كمل على طول الشارع اللى أوله ساعه كبيره ده شارع النزهه ادخل يمين دار الدفاع بعد 300متر تقريباً وتوصل بالسلامه
لو من جوه البلد اطلع كورنيش وخد أكتوبر من التحرير وكمل على طول وأنرك أخره شمال على طريق النصر هتلاقى الساعه الكبيره بس هتكون على شمالك يعنى هتعمل يوتيرن من بعدها
توصل بالسلامه إن شاء الله
وصفه تالته:من قبل الكليه الحربيه ناخد شارع الحجاز أو شارع فريد أبو سبيكه لغاية مانوصل عند ميدان الحجاز ناخد شارع النهه على أوله محل كشرى أسمه هند معاه على طول لغاية ماتوصل دار الدفاع على يمينك(طبعاً المسافه طويله لإنك كدا هتاخد النزهه من أوله يعنى هتعدى على ميادن سانت فاتيما وتريامف وتطلع كوبرى النزهه وتنزل يعنى ماتقلقش
سلام عليكم

**MOUSTAFA_SAAD** · 15-07-2011 10:14 AM

الله ينور يا هيثم باشا
انا ان شاء الله حاستخدم الوصله الاولى لانها اللى كنت باستخدمها زمان والحمد لله افتكرتها دلوقى بعد لما وصفتهالى

شكلك دارس القاهره كويس

كده وصف المكان خلص فاضل بقى المكان اللى حاروحه اقضى فيه الوقت هناك
مستنى اقتراحاتكم يارجاله

**هيثم المنياوى** · 15-07-2011 11:24 PM

المشاركة الأصلية كتبت بواسطة moustafa_saad

الله ينور يا هيثم باشا
انا ان شاء الله حاستخدم الوصله الاولى لانها اللى كنت باستخدمها زمان والحمد لله افتكرتها دلوقى بعد لما وصفتهالى

شكلك دارس القاهره كويس

كده وصف المكان خلص فاضل بقى المكان اللى حاروحه اقضى فيه الوقت هناك
مستنى اقتراحاتكم يارجاله

السلام عليكم
العفو ياباشا أنا تحت أمرك..وأسمحلى أحييك لمرافقتك لأخت حضرتك بارك الله فيكم وحفظكم إن شاء الله
بالنسبه للوقت لوحضرتك تقصد تقضيه فين فالأماكن القريبه عليك هى سيتى ستار ده فى شارع أحمد فخرى ومكرم عبيد وعندك جنينه مون فى شارع متفرع من عباس العقاد وعندك كافيه كويس أسمه تشيلز فى شارع الثوره بعد ماتعدى نفق الثوره فى إتجاه الكوربه وممكن حضرتك تروح مجمع مطاعم هليوبليس عند السبع عمارات(أخر شارع النزهه)يعنى ارجع تانى وممكن تنزل شارع عثمان بن عفان تاكل حواوشى من عند سندوتش الأمير وتحلى من عند العائلات جمبه على طول وعندك كوستا كافيه فى عباس العقاد وممكن تدخل المبنى الاجتماعى بتاع دار الدفاع
وفى أى مكان من دوول ممكن تشغل وقتك بذكر الله وأكيد فى أماكن كتيييييير الوحوش هيتفضلوا بذكرها
وتحت أمرك فى أى إستفسار

**MOUSTAFA_SAAD** · 16-07-2011 12:05 AM

شكرا هيثم باشا على الاهتمام
انا ان شاء الله ناوى اروح سيتى ستارز واكيد حلاقى فيه كافيهات فيها وايرليس علشان حاخد اللاب توب معايا وعلى الاقل المكان كله مكيف علشان بفكر ماخروجشى منه غير وانا مروح لان الحر اليومين دول مشكله عندنا فما بالك بالقاهره

بس ماتعرفشى احسن واير ليس الاقيه فى انهى كافيه لانى عندى كمية داونلود كبيره حاحاول اخلص منها اللى اقدر عليه

**SHNORY** · 16-07-2011 12:22 AM

عيب والله
لما اعضاء القاهره محدش عارف السكه
والفرج ييجي من اعضاء المنيا
بس احب اقولكم حاجه
مصطفي سعد كان في اسكندريه ومعداش عليا وهرب من بره بره
وعرفت بعد ما مشي انه هرب

**هيثم المنياوى** · 18-07-2011 02:13 AM

المشاركة الأصلية كتبت بواسطة shnory

عيب والله
لما اعضاء القاهره محدش عارف السكه
والفرج ييجي من اعضاء المنيا
بس احب اقولكم حاجه
مصطفي سعد كان في اسكندريه ومعداش عليا وهرب من بره بره
وعرفت بعد ما مشي انه هرب

ومالهم أعضاء المنيا ياعم شنورى
طيب أنا اللى هقود حملة التصدى لك وطردك أنت وأعوانك فى هجمتك القادمه على القاهره
وبعدين أنا ممكن أوديك أمن الدوله بموضوع الأسلحه بتاعك(مشارك فيه على فكره)....
نورت ياريس والمشكله إنى فى اسكندريه الأسبوع ده بس مش هقولك أمتى

**هيثم المنياوى** · 18-07-2011 02:17 AM

المشاركة الأصلية كتبت بواسطة moustafa_saad

شكرا هيثم باشا على الاهتمام
انا ان شاء الله ناوى اروح سيتى ستارز واكيد حلاقى فيه كافيهات فيها وايرليس علشان حاخد اللاب توب معايا وعلى الاقل المكان كله مكيف علشان بفكر ماخروجشى منه غير وانا مروح لان الحر اليومين دول مشكله عندنا فما بالك بالقاهره

بس ماتعرفشى احسن واير ليس الاقيه فى انهى كافيه لانى عندى كمية داونلود كبيره حاحاول اخلص منها اللى اقدر عليه

ياريس أنا تحت أمرك فى أى حاجه فى استطاعتى
والله موضوع الواير ليس مقدرش أفيدك إحنا يادوب بنلحق نديها نص ساعه كل يوم فى البيت والله المستعان
تحت أمرك فى أى حاجه

**MOUSTAFA_SAAD** · 18-07-2011 06:21 PM

المشاركة الأصلية كتبت بواسطة هيثم المنياوى

ومالهم أعضاء المنيا ياعم شنورى
طيب أنا اللى هقود حملة التصدى لك وطردك أنت وأعوانك فى هجمتك القادمه على القاهره
وبعدين أنا ممكن أوديك أمن الدوله بموضوع الأسلحه بتاعك(مشارك فيه على فكره)....
نورت ياريس والمشكله إنى فى اسكندريه الأسبوع ده بس مش هقولك أمتى

ياباشا شنورى مش قصده حاجه خالص
هو بس بيعتب على اعضاء القاهره اللى مفيش حد منهم هان عليه يقولى تعالى اعزمك على عصير قصب حتى

**mohamed_selim** · 18-07-2011 06:42 PM

فى طريق اسهل ... انت هتاخد الدائرى زى مانت عارف و انزل نفق السلام و كمل فى الدائرى و انزل يمين بعد المطار فى طريق السويس فى اتجاه القاهره و كمل على طول هتطلع كوبرى الجيش و تعدى من تحت كوبرى الاوتوستراد و تمشى طوالى هتعدى من تحت كوبرى النزهه و تاخد اليوترن اللى بعده و تخش يمين ... بعد 300-400 متر هتلاقى اول سور دار الدفاع

-

الموضوع: مصطفى سعد نازل القاهره يامينز

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

تقرير عمل الكاربون لعيون / ابو مصطفى ( محمد مصطفى ).

طلب من اي زميل نازل من كندا (او امريكا) او ليه احد نازل مصر قريبا

يا جماعه انا نازل القاهره وهاظبط العربيه ومحتاج مساعدتكم

تسجيل قديم نادر جدا-النسخة الأصلية من "مصطفى يا مصطفى"

الكلمات الدلالية لهذا الموضوع

المفضلات

المفضلات

ضوابط المشاركة