تعالوا نعرف ازاي نفسر رموز الكاوتش

**Amr Axel** · 29-09-2012 09:49 PM

المشاركة الأصلية كتبت بواسطة mazenzyad

اولا اشكرك على الموضوع المفيد جدا
ثانيا ليا سؤالين
معايا رينو لوجان الكاوتش الاصلى مقاس 185.65.15 هل ينفع اركب مقاس 195.65.15 ؟
ايه افضل نوع كاوتش اشترية بريدجستون و لا ميشلان بغض النظر للسعر

ينفع يا باشا ده هيزود الثبات شوية معاك اهم حاجة ميحكش

بخصوص النوع ع حسب ايه النقشة و التصنيع بس
لقيت البريدجستون الياباني يبقي تمام و عندك في نقشته التورنزا و البوتنزا بس البوتنزا ناشف شوية بس تماسك و ثبات ما شاء الله جامد و بيعيش , التورنزا يعتبر مناسب للشوارع عندنا في الصوت و الراحة

الميشلان الناس قالت مبيتحملش الشوارع هنا و بيتاكل بسرعة و الله اعلم لأني مجربتوش بصراحة

بس خلي بالك الفردة ممكن تلعب في 600-700 ج اقل حاجة دلوقتي عشان متتصدمش هههههه

**Amr Axel** · 29-09-2012 10:01 PM

المشاركة الأصلية كتبت بواسطة ahmedfathi

شباب كان عندى سؤال : كاوتش العربيه عندى تقريبا بيطلع فى الروح .
العجله اللى قدام يمين كانت نايمه روحت اكشف عليها قالى العجله دى يا باشا خلاص مش هينفع تتصلح عشان السلك ضرب من جوه ولوح الكاوتش

فقمت ركبت شنبر ليها وخليتها استبن وركبت الكاوتش اللى فى الاستبن فى الجنط وماشى بيها مؤقتا
وخليته كشف على باقى العجل فاكتشفت ان العجلتين اللى ورا هما كمان فيهم لوحه
عاوز اعرف هو كده طبيعى ولا ده عيب صناعه فى الكاوتش بتاع العربيه اللى هوه good year
مقاس 14/ 60 / 185
مع العلم ان العربيه موديل 2010 وماشيه 32 الف كيلو بس
واللى اعرفه ان الكاوتش بيتغير عند 50 الف كيلو او 4 سنين

افيدونى افادكم الله

مبدأيا يا باشا اختراع الصنايعية هنا بتاع الشمبر الداخلي ده عقلية تودي في داهية لأن العجلة نفسها تعبانة تمشيها برده و تعمل ضغط جواها

بخصوص الكاوتش مش مقياس الـ50 الف او 4 سنين او 3 سنين حتي فيه كاوتش ممكن يتغير بعد سنتين و ممكن واحد الكاوتش ميكملش معاه 6 شهور حتي
لأنه بيعتمد ع النوعية و طريقة السواقة و طبيعة الطرق ده غير تاريخ الانتاج كل ديه عوامل تأثر ع عمر الكاوتش و غالبا الكاوتش عندك انتاج 2009 يعني بقاله 3 سنين ممكن سواقة حضرتك عنيفة شوية او طبيعة الطرق اللي بتمشي فيها سيئة فأثرت ع الكاوتش
و انا كان عندي الجوود يير الهندي اللي كان نازل الفترة ديه و ما شاء الله دخل معايا في حوالي 70 الف و حصلت فيه نفس الاعراض بتاعت اللوحة البسيطة و النقشة ابتدت تروح و السلك ابتدي يبان

**Amr Axel** · 06-10-2012 03:43 PM

المشاركة الأصلية كتبت بواسطة dr_hady4447

انا عندى لانسر 2004

الجنط الاستوك عندى تقريبا 14 او /195 15

دلوقى عايز اجنط

ايهما افضل
16 / 50 / 205 ولا
16/55/205

ولا تنصحنى باية ؟

وكمان عايو اجيب كاوتش جديد يكون كويس وسعرة معقول يعنى فى حدود 400 جنية

تنصحنى باى نوع , ؟؟ واحد صاحبى قالى انه مركب جى تى وشرك فيه اية رايك ؟

ارجو سرعة الرد

اعتذر عن التاخير لكن لسه شايف المشاركة
بص لو الاساسي بتاع العربية 15 يفضل تخليك عليه لأن لو كبرت لازم بحسابات معينة و عامة الجنوط بتاعت اليومين دول الرخيصة مع اقرب مطب او فتحة هتنزل تلاقيه في الارض
و ممكن لو عايز تغير عشان الشكل و الثبات يعلي شوية يبقي تلعب في مقاسات الكاوتش نفسه لكن بحدود
يعني مثلا المقاس الأصلي 15\205\55
ممكن تخليه 15\215\60 اهم حاجة ان ميحكش و ده تقيسها بنفسك او الراجل يشوفلك الحوار ده
اخدت بالك من الفكرة ؟؟ و بالتالي هتزود الثبات و تاخد شكل كأنك مركب 16
عندي مثلا الجنط 13 فلعبت في النقطة دي الناس الغير خبييرة في موضوع المقاسات بتتغير في الشكل و يقولولي انت مركب 14 اقولهم لأ 15

ههههههههه

كويس جديد ع حسب بس ممكن هانكوك كوري لو عايز حاجة تعتبر سعرها متوسط
لو تقدر ع مبلغ يبقي لو تجيب بريدجستون و لقيت ياباني يبقي تمام لكن خلي بالك اهم حاجة النقشة تورنزا او بوتنزا دول اللي افضلهم التورينزا يعتبر مناسب لينا هنا عشان الهدوء و الراحة في الشوارع
اما البوتنزا فهو ناشف شوية و يحسسك بكل زلطة في الارض لكن في المقابل ثبات و اداء و بيعيش
و الافضل لو جبت تجيب من توكيل النوع

بخصوص الجي تي بصراحة مجربتوش عشان احكم لكن فيه ناس كتيير شكرت فيه

**Amr Axel** · 06-10-2012 03:56 PM

المشاركة الأصلية كتبت بواسطة ahmedfathi

متشكر جدا لرد حضرتك
بالنسبه للكاوتش هو انتاج الاسبوع 49 سنه 2009 فعلا والصناعه فى ماليزيا لان العربيه ماليزى
اما بالنسبه لسواقتى هاديه الى حد ما . اما بالنسبه للطرق اللى بمشى عليها فهى دى ممكن تكون المشكله لانى ساكن فى المرج والشوارع هناك ما شاء الله مدغدغه

انا كنت قررت انى مش هجيب جود يير تانى عشان المده القصيره اللى قعدها معايا . بس هل افهم من كلام حضرتك كده انى حتى لو جيبت ماركه زى بريدجستون اوميشلان مش هتقعد معايا كتير عشان الطرق اللى انا بمشى عليها دى ولا ايه يعنى ؟؟؟؟
السؤال بطريقه تانيه يعنى هل العيب طلع فى الطريق وانى مهما استنضفت كاوتش هيبوظ بردو بعد مده قصيره كده؟؟؟

ده مقدرش احدده لأن الموضوع مش نوعية كاوتش بس لكن طبيعة الطرق
بس اكتر ع حسب الكاوتش و النقشة يعني الكاوتش مش مجرد اسم و اي حاجة بتركب
زي ما قولت في الرد السابق البريدجستون مثلا فيه نقشتين منه واحدة اسمها بوتنزا و واحدة اسمها تورنزا واحدة منهم ناشفة و مزعجة و تحس بكل زلطة في الارض لكن في المقاس ثبات و اداء و عمر اطول
و واحدة منهم مريحة و ملهاش صوت لكن في العمر مش زي التانية
لكن البريدجستون عامة من الحاجات النضيفة اللي بتعيش
الهانكوك برده من الكاوتش الكويس

**lamborghini911** · 07-11-2012 10:14 PM

ازيكم يا شباب كل سنه وانتم طيبين ولونها متاخره شويه
انا عندى الانترا 2010 الكاوتش بتاعها 185/65r15 وكنت ناوى اغير الجنط والكاوتش وفكرت اركب جنط 17 عشان الشكل والثبات وعملت شوية حسابات على قدى لقيت انى لو ركبت عليه كاوتش 205/50r17 هيكون تمام وهيفرق معايا فى الارتفاع الكلى للعجله حوالى 1 سم وكده كده جيب العجل عندى واسع ويشيل وارتفاع الكاوتش كمان فى الحاله دى هيكون فى حدود 10سم يعنى مناسب للطرق بتاعتنا
ايه رأيكم؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟