الموضوع: تعالوا نعرف ازاي نفسر رموز الكاوتش

بسم الله الرحمن الرحيم
السلام عليكم و رحمة الله و بركاته

و لسه يا شباب مكملين سلسلة تعالوا نعرف
بس المرة ديه جت سريعة شوية بعد موضوع

http://www.nilemotors.net/Nile/232413-a.html


و هترتاحوا من ضميري عشان بينام بدري وراه مصالح بكرة
( اخخخخ فوووووو اااخخخخخ فووووو ...... تقولوش ميكروباص ترامكو نايم)

نيجي لموضوعنا
و هو بيتكلم عن ازاي نعرف الرموز المطبوعة ع الكاوتش

نبتدي ع بركة الله

طبعا لما بنيجي نشتري كاوتش
يا بنلاقي كلام كتيير و حروف و ارقام و لا حسابات بنك
و مش عارفين ايه هي او ايه معني الكلام ده
يا اما مش عارفين ايه المناسب للعربية



و الصورة ديه هتوضح كل رمز بيدل ع ايه





و ديه كل الرموز اللي هنلاقيها ع الكاوتش سواء مؤشر الاحتكاك او السرعة القصوي او..او ...الخ..الخ


السرعة القصوي لكل رمز
150 كم ساعة P
160 كم ساعة Q
170 كم ساعة R
180 كم ساعة S
190 كم ساعة T
200 كم ساعة U
210 كم ساعة H
240 كم ساعة V
270 كم ساعة W
300 كم ساعة Y
300+ كم ساعة (Y(Y
+240 كم ساعة Z

نوعية الكاوتش محددة بالرمز
P - كاوتش العربيات الملاكي
LT - كاوتش النقل العادي
C -كاوتش المقطورات

تصميم الكاوتش
R - كاوتش بطبقات الاحزمة الفولاذية
B - كاوتش بطبقات من الاحزمة النسيجية

الاحتكاك
يعني القدرة ع الاحتكاك بالاسطح
الرموز
AA - A - B - C
اكبر معدل احتكاك AA
اقل معدل احتكاك C

مقاومة الحرارة
الرموز
A - B - C
اعلي مقاومة A
اقل مقاومة C

مؤشر تأكل الكاوتش
ع سبيل المثال فوق 220
و كل مازاد كل ما كان العمر الافتراضي اطول
يعني لو 110 العمر الافتراضي اقل


كده خلصنا موضوع الرموز نيجي لأنواع الكاوتش

انواع الكاوتش المعروفة و اللي ينصح بها
بريدجستون
مشيلان
تويو
جي.تي
هانكوك
كومهو
نيكسن
جووديير
فولدا
( عن تجربة )


تم بحمد الله

اتمني ان يكون الشرح وافي
و لو في اي حاجة فاتت عليا ارجو انكم تذكروها حتي تعم الفائدة

و انتظروا ان شاء الله باقي سلسلة تعالو نعرف

و بالتوفيق للجميع ان شاء الله




الموضوع غير منقول