-
مستنى مقترحاتكم !!
انا دلوقتى فى سنة 2 كلية و لسة واخد الاجازة من أسبوع , و مفيش اى حاجة تملى وقتى او يومى فا انا عايز منكم اقتراحات عشان اقضى الصيف بس بلاش كورسات انا عايز اى حاجة اعملها فالصيف بس استفيد منها و مش فارق معايا رمضان و صوم عشان انا الحمد لله مش بتعب اوى فى رمضان
فا لو سمحتوا اى واحد عنده اقتراحات اكون شاكر ليه جدا .
-
1- انا هحبطك و اقولك كورسات لأن ديه احسن فرصة تستغل فيها وقتك عشان تتعلم اي حاجة و تطور من شخصيتك و علمك و ده هيفيدك ان شاء الله بعد التخرج سواء لغات او كومبيوتر او الكترونيات او...ألخ...الخ
و مش شرط تروح تاخد كورسات ممكن تعلم نفسك بنفسك من ع النت بس في الحاجات النظري
2- شوف رياضة او هواية تمارسها
- مثلا الرماية ممكن تروح تتعلم في نادي الجيش تدريب بنادق ضغط هواء 120 جنيه , خرطوش 450 و تقريبا و علبة الخرطوش عليك
- اي رياضة : كونغ فو - جيوجيتسو - جودو - كرة قدم في نادي الشرطة
- حرفة زي مثلا الاركيت و ديه هتجيب منشار اركيت و صفايح من تحت و خشب ابلاكاش و عيش في التفنين
- الصيد
- التصوير
...الخ...الخ
3- شوف بقي اي شغلانة قريبة
و يا ريت لو تقول انت كلية ايه جايز افيدك في حاجة احسن
-
انا اشكر حضرتك جدا على الرد .
نا بظبط عندى 19 سنة و فى كلية تجارة بس انا فعلا محتاج اى حاجة تغير من شخصيتى شوية و مش عايز الصيف دة يضيع زى الصيف اللى فات عايز اعمل حاجة تخلينى افتخر بنفسى شوية بس هو انا مبدئيا من اسكندرية !!!!!!!!!!!!!
-
لو كنت كلية عملية كنت هقولك ع حاجة مناسبة ليها لكن عامة
يبقي زي مقولتلك فوق شوف اللي يريحك فيهم و مارسه المهم تكون مقتنع و تقري عنها ع النت قبل ما تمارسها تاخد فكرة عامة و تتوكل ع الله و تمارسها
-
طب هو فى اى حاجة تكون ليها علاقة بالعربيات يعنى ميكانيكا ........... كدة يعنى !!! انا ممكن العب رياضة بس الرياضة هتفيدنى موقتا انا عايز حاجة طويلة المدى !!!!!!!!
-
هو في مراكز للتعليم لكن للاسف ملهاش لازمة لأنها نظري مش بيوريك عملي
و النظري مفيش اسهل منه ع المنتدي هنا
و بالنسبة الرياضة ممكن زي مقولتلك تمارس الرماية في نادي الصيد تبع الجيش في اسكندرية
و بعد ما تتعلم تجيب بندقية و تصطاد و الرماية برده هتفيدك عشان لو هتدخل الجيش ان شاء الله بعد الجامعة و تمارس رياضة من دلوقتي و تتعود تجري كل يوم لحد ما توصل ع الاقل لمسافة 5 كيلو جري كل ده هيفيدك لو ليك جيش عشان متتعبش و هتبقي متفوق
ممكن تتعلم الاسعافات الاولية في الهلال الاحمر و انا منزل الكورس عامة كله ع المنتدي في القسم التعليمي
او ممكن تاخد كورس في الدفاع المدني
يعني قدامك حاجات كتيير المهم انك تختار المناسب ليك و تتوكل ع الله و تعمله
و كل اللي قولته هيعود عليك بالنفع فيما بعد خاصة الكورسات بانواعها : لغات - كومبيوتر اسعافات - دفاع مدني ..الخ
و لو عايز اي استفسار عن اي حاجة من دول انا موجود
سواء رماية او صيد بحري او بري ..الخ..الخ
و ان شاء الله اقدر ارد عليك
-
لو عايز نصيحة تنفعك فى الدنيا والآخرة ابدأ بحفظ كتاب الله فهو خير ميعن لك فى الدنيا والآخرة ... بمعنى اجعل همك مثلا ان تحفظ جزء او خمسة اجزاء او عشرة اجزاء فى فترة زمنية معينة مع بعض التدبر لآيات الله والتوقف عند بعض الآيات وطبقها عل نفسك وسترى عجب العجاب بإذن الله ... تخي ل ان ممكن تكون معظم السنة مشغول بالدنيا اعمل للآخرة شوية مجهود تكون معملتوش قبل كده ولو انت حافظ كتير ابدأ بمراجعة وتثبيت ما حفظته حتى لا يتفلت من قلبك
-
طالما انت فى كليه تجارة
حاول تشتغل فى مكتب محاسبه حتى لو بدون اجر هتستفاد كتير فى حياتك العملية ودعم نفسك ببرامج الكمبيوتر علشان لما تتخرج انشاء الله يكون عندك الشهاده والخبرة العمليه التى تؤهلك للانضمام الى شركات كبرى
ولا تنسى الاستفاده من شهر رمضان الكريم بمعرفه دينك اكثر
-
انا انشاء الله هبتدى اهتم بالدين من اول رمضان عشان بحب جو قراءة القرأن على البحر بليل
بس بعد اذن الاستاذ اكسل انا خلاص قررت انى انزل مكتبة اسكندرية كل يوم الصبح قراية بقا و نت
فا ياريت تقولى على مجال احاول اركز عليه فى الصيف دة و اجمع عليه معلومات لانى هعد فى المكتبة مش اقل من 4 ساعات !!!!!
و بالنسبة للتدريب فا انا الحمد لله اخدت بوومبا لانى كان فى شخص مواعدنى بالتدريب من اول الاسبوع اللى جاى فجأة لقيته بيقولى انت تدريبك اتأجل و كدة لكن انا نيتى كانت شهر تدريب و اعمل اى نشاط تانى
شكر لكل اللى ردوا
-
يعني بالنسبة ليا
ممكن مجال التاريخ و الحضارات و الحروب ( التاريخ هتتعلم منه كتيير جدااا بشرط انك تفهمه مش مجرد قراية للمعلومات اهم حاجة بس المصادر اللي هتعتمد عليها )
في مجال القانون لأنك هستفيد برده منه و تعرف الدنيا ماشية ازاي
Content Relevant URLs by
vBSEO 3.6.0 PL2