موضوع مهم ضد استغلال التجار

**bnoqo** · 15-07-2011 04:18 AM

معايا موضوع مهم وهو انى الحمد لله وصلت لحد فى رومانيا يقدر يبعت عربيات داتشيا متقطعة

وهيا داتشيا نوفا او سوبر نوفا او حتى داتشيا العادية التقطيع والنقل لعربية واحدة زى التقطيع والنقل لكذا عربية
والحاوية بتشيل 40 عربية متقطعة

ياجماعة ياريت نتلم كلنا حتى نجيب 3 عربيات او 4 صدقونى هانحتاجهم

اونشوف تاجر يتشغل معانا وانا مش عايز مكسب انا عايز اوفلا قطعة الغيار باقل سعر ممكن وتكون من رومانيا

يلا نلم بعضينا ونشوف هانعمل ايه

انا الاجازة بتاعتى يوم الاحد والاثنين ورقم تليفونى 0144664259

اخوكم احمد عبد الرحمن

**الصيداح** · 15-07-2011 07:23 PM

الفكرة رائعة فعلا يبدو إنك شغال على قدم وساق
وصلتله إزاي بتاع رومانيا ده
المهم عايزين نفعل الفكرة دي
رقم جوالي على الخاص عندك أخي الغالي
لكن المشكلة في إن ممكن بعضنا يكون مشغول
عايزين نتفق ونتقابل

**bnoqo** · 17-07-2011 06:09 AM

تصدق بالله انا كل يوم ادخل على النت اتفرج على العربيات الداتشيا واشوفها عامله ازاى واحاول اعملها فى عربيتى وصدقنى الراجل ده مش بعيد عن هنا هو عضو فى المنتدى ده واسمه محمد رشاد وهو مهندس مقيم فى رومانيا

اما بالنسبة للعربيات الى جاية من بره

ان سعر التقطيع والنقل والشحن لمصر لعربية واحدة زى 40 عربية علشان الحاوية

فانا عايز اخليهم عربيات كتيير علشان السعر يبقى اقل

**mohsen128** · 17-07-2011 01:01 PM

بجد يا احمد انا رائع وخدوم جداً ،، عن تجربة يا رجالة الراجل ده كلامه ثقه

**الصيداح** · 17-07-2011 03:42 PM

طيب لن يبدأ التفعيل إلا بمقابلة

**jotime** · 17-07-2011 04:15 PM

فعلا موضوع جامد وباب رزق حلو ماشاء الله وخصوصا انى معايا العربية دى بس احنا فايدتنا ايه فى الموضوع هانشارك فى عملية الاستيراد ولا هانعمل ايه انا اجازتى الاحد برضه بس اليوم هاكون مشغول لحد الساعة 11 وتليفونى 0128428913

**bnoqo** · 18-07-2011 03:45 AM

شكرا يامحسن باشا على ذوقك وعلى فكرة انا عندى ليك عربية داتشيا معروضة على النت فكنت عايزك تسأل عليها على العموم انا هابعتلك اللينك بتاعها على الخاص علشان ادارة المنتدى

هو فعلا الموضوع مش هايتم الابمقابله لينا كلنا وان شاء الله عن قريب ان شاء الله معلش اصلى شغال فى كول سنتر ومش هاينفع اضبط العملية بتاعت المقابله فلو كدا نخليها الاسبوع الجاى ونشوف هانعمل ايه

معلش انا مش بعرف احازاتى غير يوم الاربعاء من كل اسبوع علشان كده انا والله مش عارف اجازتى غير يوم الاربعاء وهانتكلم مع بعض كلنا

ياريت ياجماعة نشوف اصحابنا وكل من معاهم العربية ديه وان شاء الله نبقى كتيير