الحمدلله قدر الله و ماشاء فعل (:

**amr_ismail** · 15-07-2011 05:32 AM

السلام عليكم و رحمة الله و بركاته
الحمدلله قدر الله و ماشاء فعل (:

أنا عملت حادثة جامدة أوي على طريق اسماعلية عربيتي بيرسونا 2010
واحد ربنا يسمحوا فجأة قرر إنه يقف على الشمال عشان مكنش عايز يطلع كوبري الهايكستب و افتكر أبل الكبرى بظبط واحد تاني معاه عربية جيب دخل فيه وأنا دخلت في الجيب
طبعا إكسدام الجيب عالي فأنا دخلت فيه بي الكبوت من الاخر أنا أكتر واحد حاصله أضرار بس الأير باج مافتحيتش :s
لما إشتريت العربية كان في عرض تأمين شامل مع شركة المصرية ل التأمين التكافلي بصراحة أنا ماتعملتش مع شركة تأمين قبل كدة و مش عارف أودي العربية التوكيل و بعدين أروح ولا أروح الأول ولا إيه
ياريت ياجماعة لو حد ليه خبرة في موضوع التأمين ده يقولي أعمل إيه
أنا عملت محضر عشان قلت أكيد هايحتاجو في التأمين
و شكرا أوي يا جماعة و أسف إذا كنت طولت عليكم

**tutankhamoun** · 15-07-2011 06:32 AM

ألف سلامة على حضرتك و الحمد لله أنك طلعت من الموضوع ده سليم .
للآسف هنا في مصر العربيات اللي على الطريق دي جواها بهايم بتسوقها (أغلب السواقين ) - لا مؤخذة في الكلمة .

أنت تأخد المحضر و تبلغ شركة التأمين علشان المعاينة .... و شركة التأمين هاتطلب منك معاينة بالخسائر يعني توديها التوكيل

أتصل الأول بشركة التأمين و شوف هايقولوك أيه .

و نصيحة و أعمل زي ما أنا بعمل ................... سيب مسافة كبيرة بينك و بين البهيم اللي قدامك .... ما أنتاش عارف هو ناوي يعمل أيه .....
مش مهم توصل بسرعة .............. المهم توصل و توصل سليم و بأمان ......

ربنا يستر طريقنا جميعا

معلش على بعض الألفاظ اللي أنا أستخدمتها علشان الطرق دلوقتي أصبحت أزفت ما كانت قبل الثورة
الناس بتقف عادي في الشمال تشرب شاي ......... أو يغسل العربية أو المقطورة أو الميكروباظ من حنفية المياه الخاصة بجنينة الطريق ........... أو اللي يعطل ......... محلك سره في مكان و لا يحرك العربية في أي حتة (تصرفات أشخاص بدون عقول )

**Osama.shihata** · 15-07-2011 08:31 AM

قدر الله وماشاء فعل
الحمد لله ان انتا بخير
والموضوع ببساطة كما اخبر الاستاذ توت لحضرتك
انتا بس أصبر وأحتسب عند الله
وبكرة تتصلح وترجع زى الاول فى اقرب وقت ان شاء الله

**samoreception** · 15-07-2011 08:50 AM

صدقت والله توت بهاااااااااااااااااايم هههههه فعلا ويمكن البهايم بتعرف ترجع بتها من غير ما تاذى حد فى الارياف
وسامحونا على اللفظ ده بس فعلا صح

**amr_ismail** · 15-07-2011 02:38 PM

شكرا يا جماعة و الحمدلله إنها جت على أد كدة
هو ممكن في التأمين يقولوا إن أنا إلي غلطان عشان خابط في إلي أمامي و كدة يبقى التأمين ملوش دعوة
ولا مفيش الكلام ده ؟؟