العربيه التقيله طلعتها ضعيفه لكن طبيعي بعد 100 بيبقي تجمعها احسن بكتير من 1300 انا قصدي علي 1600 طبعا وانا مافرحش بعربيه طلعتها سريعه لان معني كده انها خفيفه ومش ثابته دا في حد ذاته يزعل
العربيه التقيله طلعتها ضعيفه لكن طبيعي بعد 100 بيبقي تجمعها احسن بكتير من 1300 انا قصدي علي 1600 طبعا وانا مافرحش بعربيه طلعتها سريعه لان معني كده انها خفيفه ومش ثابته دا في حد ذاته يزعل
مش معنى انه مطلعش منك ان دة اخر عربيتة... ممكن يكون دة اخر امكانياتة فى السواقة... خصوصا انه اداك اشارة بعد ما عدى منك ينى القصة كانت سواقة مش قدرات عربية
العربيات اللى مواتيرها كبيرة بيبقى نسب الفتيس طويلة و دة بيديها تسارع بطىء شوية بالتالى فى الطلعة بتبقى وحشة و العربية الاصغر بتكسب مسافة حلوة بس مبتقدرش تحافظ عليها طول الوقت لان كل ما السرعة بتعلى بتبقى الافضلية للمكنة الاقوى
MMamdouh
يا جماعة مش عارف اشكركو ازا على تفاعلكم فى الموضوع
متشكر لكل اللى رد ووضح وجه نظره
بصراحة الفنتازيا ديه بجد تحفة خرافية فى الثبات انا ركبتها مع صاحبي وخدنا ملف على 160 ولا كانى فى حاجة
ربنا يحميلكو عربياتكو وبلاش السرعة يا جماعة وانا على فكرة جباااااااااان اوى انا اخرى بالكورولا 120 مش خوف من العربية لا
ده خوف من السرعة ولطريق وحش اوى ونا بعشق العربية ديه جداااااااااااااا ومش عايز عمل بيها مشكلة لا قدر الله
وبشكركو تانى مرة :ma:
طبعا انا مع حضرتك ان المكنة في الفانتزيا اقوى من الياريس
بس لو هتقارن مابين قوة المكنة ال 1600 في الفانتزيا على وزن الفانتزيا
مع ماتور الياريس او الكورلا ال 1300 على وزنها هتلاقي الفرق لصالح الياريس والكرولا وده الحاجة اللى بتخلي التسارع افضل ماهي الفكرة ماتور قوي بس على شاسيه وزنه قد ايه ؟ ؟ هنا تفرق كتير !
وانا مش بقول انه مش هيطلع انا اللى بقوله انه لو طلع مش هيبقى قبل 140 ومش هيطلع بالفرق اللى فيه ناس متخيلاه ! اني ماشوفش النمر حتى والكلام ده ! الفرق هيبقى عربيتين بالكتير اوي والكلام ده طبعا فوق ال 170 ! وماتنساش ان الفانتزيا عربية مقفولة عند 185 يعني التوب سبيد هيبقى عندنا متقارب !
----------
وبالنسبة لموضوع الاشارة انا مش فاهم بصراحة هو اداني اشارة بناء على ايه بالظبط ! !
انا طول الكبري حاطه في ضهري وفي الاخر اختفى من المرايات جالتي مسج فهديت اتكلم في الموبايل حتى والله مالحظتوش وهو بيعدي مني لاني ماكنش في دماغي بعدها حبيت اجري تاني بس كان هو فرق وجمع والكبري كان خلص خلاص فمكنش فيه مجال !
مع العلم ان كان فيه اوقات كتير اوي الطريق فاضي وانا شايفه فيه المرايا ورايا بالظبط ولو هو كمكنة فوق ال 100 اقوى كان طلع لان الكلام ده كان على كبري اكتوبر الساعة 3 الفجر ! لك ان تتخيل الطريق ده فالوقت ده هيبقى عامل ازاي والسرعة اللى كنا ماشيين عليها !
يا جماعة انا اسف انى هسال على حاجة خارج الموضوع
انا حاليا فى دبى ومراتى راحت انهاردة مركز بريجستون تركب كاوتش جديد لعربية سكودا اوكتافيا A5 موديل 2007
وجنوطها r15 وطلع فى جنط منهم فى لحام فى الشفه بتاعته فبيسرب هواء منه لكن الجنط مفهوش شروخ ولا اى حاجة
وانا كنت سمعت قبل كده فى المنتدى انى فى واحد فى المنيل عند كوبرى الملك الصالح بيصلح الجنوط
قلو حد يعرف رقمه واسم المحل وهل فعلا ينفع يصلحة ويتكلف كام ولا اعمل ايه معلش اللى عنده معلومة يحاول يفدنى بيها
وجزاكم كل خير
فى البدايه التسارع حيكون لصالحك لكن على السرعات العاليه مفيش شك الأوكتافيا باشا
كمان ترجع لسواقتك وشكلك بارع فى السواقه
طبعا مفيش كلام يتقال بعد اللي اتقال ولكن انا عاوز اضيف حاجه كمان وهي ان قوه معظم المواتير الالماني بتظهر علي ار بي ام منخفض بعكس المواتير الاسيوي يعني مثلا انا الفيكترا اللي معايا 1600 سي سي بقوه 77 حصان وعزم 125نيوتن القوه دي يمكن مش كبيره قوي انما الميزه انها بتظهر عند 2800 ار بي ام زي مالكتالوج بيقول ...تعالي بص علي عربيه اسيوي زي اللانسر قوه محركها فوق ال100 حصان انما اقصي قوه بتظهر عند 5600 لفه ار بي ام وده اللي بيرجح كفه الالماني في السرعات العاليه فقط بالاضافه للثبات الاسطوري ,تحياتي..