اسبرانزاوى قديم و لانسراوى جديد عقبالكم يا رب من قلبى

**basom** · 04-05-2008 10:52 PM

السلام عليكم اخوتى فى الله والله صعبانين عليا جدا كل مالكى هذة العربية الغير محترمة بالمرة ماتستغربوش من كلامى عليها لانى كنت حابيبها جدا و اخدت فيها صدمة عمرى الحكاية وما فيها انى كنت من المحظوظين اوائل الى ركبوا العربية فى مصر و كنت فرحان جدا بكل الاوبشن والشكل الجميل و الفرامل المانعة للانغلاق Abs و الثبات و قطع الغيار الرخيصة الصينى و بعد دة كلة حصل الى انتو شايفينوا

**ابو سيف** · 04-05-2008 10:55 PM

الف مبروك العربيه الجديدة ربنا يباركلك فيها يا رب
بس معلش انا مش فاهم نقطه حصل اللى انتو شايفينه؟؟؟؟!!!!
ايه اللى احنا شايفينه ؟؟!!!!!!
يا ريت توضح بس اكتر عشان تعم الفائدة

**Dr Ahmed** · 05-05-2008 12:54 AM

ياريت تحكى تجربتك مع السيارتين بهدوء لأننا مش فاهمين

**muslem** · 05-05-2008 12:59 AM

انا اللى شايفه هو صورة تقريبا لحضرتك ساند على عربية اسبرنزا
مش حتغير الصورة للانسر بقي؟

**mohameduoser** · 05-05-2008 01:04 AM

الف مبرووك و عقبال المرسيدس ان شاء الله و ياريت تحكى عن تجربتك مع الاثنين

**basom** · 05-05-2008 08:29 PM

انا اسف انى اتاخرت عليكوا كنتوا عايزين تعرفوة اية المشكلة المشكلة انى كنت ماشى فى العجوزة على حوالى 60 او 80 يعنى مش سرعة عالية و عربية لانسر وقفت امامى على بعد يسمح انى افاديها دوست فرامل على الاخر طبعا و كانت هى دية النتيجة

==============

تم تصغير مساحه الصور

مــشــرف القســم

**basom** · 05-05-2008 08:36 PM

شفتوا الى حصل من خبطة مادرش اقول انها جامدة و كانت النتايج هى:
1- الشبكة
2-السربنتينة
3-الكبوت
4- الرفرف
5-الاكصدام
6-كالون الكبوت

**ابو سيف** · 05-05-2008 08:52 PM

هوا بصراحه انا مش شايف الصور كويس بسبب حجمها الكبير يا ريت لو حد يتطوع و يرفعها بحجم اصغر
الصورتين الكويسين اللى هما متشال من العربيه الفوانيس و الاكصدام

يا ريت حضرتك بس تقولنا دي العربيه بعد ما انت صلحتها يعني؟؟و لا قبل؟؟؟ لأني مش شايف فيها اي حاجة سدر العربيه كله سليم و الكبوت سليم مفيهوش حاجة !!!
حتى اللى لمحته من الاكصدام في العربيه اللى في الصورة اللى فوق حاسس انه متحرك من مكانه بس و محتاج يتثبت تاني!!
معلش جايز بس الصور مش واضحه و عشان كدة انا مش شايف
عموما اولا و اخيرا الف مبروك العربيه الجديدة ربنا يباركلك فيها يا رب و يرزقك خيرها و يبعد عنك شرها

**Dr Ahmed** · 06-05-2008 12:20 AM

هيييييييييييييييييييييييي يييييييييييييييييييه
بيتهيألى كان فيه صور لعربية هنا بس عايزة شاشة 120 بوصة
شكرا لمشرف القسم دلوقت الصور عايزة شاشة 60 بوصة بس

**ابو سيف** · 06-05-2008 01:11 AM

مش عارف بردو يا ريت يا استاذ basom توضحلنا بالظبط انا شايف ان العربيه اللى فيها مش مستاهل كل دة انا طبعا معرفش الخبطه كانت ايه بالظبط و لا ايه ظروفها
بس تأثير العربيه الواضح انه في خلع الاكصدام من مكانه و كليبسات اللى ماسكاه فكت
مش شايف فوانيش فيها مشكله
الكبوت حاسس انه طبيعي بس القفل بتاعه فاكك
بجد انا مش عارف يا ريت بس تشرحلنا اكتر و لو فيه صور توضيحيه اكتر من دي يبقا جزاكم الله خيرا

الموضوع: اسبرانزاوى قديم و لانسراوى جديد عقبالكم يا رب من قلبى

LinkBack

أدوات الموضوع

عرض

اسبرانزاوى قديم و لانسراوى جديد عقبالكم يا رب من قلبى - انشر الموضوع فى :

-

-

-

-

المواضيع المتشابهه

جديد و له قديم

وكيل جديد او قديم والله حرام

شاركوا معي بدور علي اسم لمولد ( ولــــد ) جديد عقبالكم

سؤال قديم من عضو جديد

لانسراوى جديد عايز ينضم ليكوا:

الكلمات الدلالية لهذا الموضوع

المفضلات

المفضلات

ضوابط المشاركة