يا فلاينج بيجو.... هــــاني.. انت فيـــــــــن؟؟؟

**ابو سيف** · 04-05-2008 11:15 PM

السلام عليكم و رحمة الله وبركاته

يا جماعه انا ملاحظ بقالي كام يوم تغيب العضو المحترم و النشط جدا اخونا هاني محمد ( فلاينج بيجو) و بحثت في المنتدى لاقيت ان اخر مشاركه له كانت بتاريخ 25-4-2008
معنى كدة ان الراجل دة متغيب بقاله حوالي عشر ايام !!!!!!
هاني كان معروف بتواجده المستمر و عدم تأخره عن الرد على اي حد ننهائيا و عدم بخله بأي معلومه و كتير مننا استفادوا جدا من المعلومات القيمه اللى بيقدمه في صورة مرحه و لذبذه
انا عارف ان في ناس كتير ملاحظين تغيبه و مش عارفين يعملوا ايه
عشان كدة قولت افتح الموضوع دة بعد مشورة احد الاخوة الافاضل في المنتدى اللى قلقان على هاني اكتر مني هوا المهندس عمرو( سيات لافر )
المهم دلوقتي يا جماعه الهدف من الموضوع دة ان لو اي حد يعرف اي طريق نقدر نوصل بيه لهاني عشان على الاقل نطمن على صحته يقول لأن الموضوع مقلق فعلا لأنه كمان و للأسف الشديد مبيردش على الموبايل و لا على الرسايل:(:(:(
عموما ممكن يكون في ناس عندها افكار احسن للتواصل معاه او الاطمئنان عليه
و من باب روح الاخوة اللى بينا كلنا في المنتدى و حبنا لبعض و حرصنا على بعض قولت افتح الموضوع دة و انا عارف ان الناس مش هتبخل بأي طريقه ممكن تساعد في الاطمئنان على ....

FLYINGPEUGEOT

هاني محمد

.......................................
تم غلق الموضوع بعد الإطمئنان على العضو

الإدارة - 3

**Noha.M** · 04-05-2008 11:47 PM

I miss him so much too :( and the last time i talked to him he wasn't in a good mood ..i hope everything is okay with him and if anyone knows anything about our brother hani please inform us

**ابو سيف** · 04-05-2008 11:49 PM

شكرا يا نهى على التفاعل السريع
و مستنيين لو اي حد عنده معلومات مفيدة ممكن تطمنا على اخونا هاني

**SEATLOVER** · 05-05-2008 12:02 AM

وحشتنا اوى يا فلاينج ....
يا ترى انت فين دلوقتى ....
قاعد فين .....
وبتعمل اية ......
وبتاكل اية ......
الساندويتش اياة ..ولا اية .....

**ابو سيف** · 05-05-2008 12:24 AM

المشاركة الأصلية كتبت بواسطة seatlover

وحشتنا اوى يا فلاينج ....
يا ترى انت فين دلوقتى ....
قاعد فين .....
وبتعمل اية ......
وبتاكل اية ......
الساندويتش اياة ..ولا اية .....

و الله وحشنا .. و بجد بجد مفتقدينه و مفتقدين ردودة
لحسن يكون حد اداله سندوتش ع الماشي و الساندوتش مكنش تمام

الله المستعان .. و في انتظار اراء باقي الاعضاء و ان يكون في اراء ايجابيه ممكن توصلنا بيه او تطمنا عليه

**the-hero** · 05-05-2008 12:34 AM

أخر مرة تليفونه مبيردش وبعت لى رسالة على الخاص بيقول ان موبيله ضاع وهيرجع الخط ولسه لحد دلوقتى مبيردش على الموبيل بس أن شاء الله يكون بخير بس مشغول أكيد فى العربية البيجو بتاعته حاجة أساسا تطير العقل وخصوصا لما تكون بتحب عربيتك ومتهوس بالماركة بتاعتها زيه وزى كمان دانا نايم بحلم أنى بعدل فى العربية وبشترى قطع غيار الواحد طرمبة المخ بتعتة فوتت شكلها مع أنها بيجو فرنساوى

**ASD peugeot** · 05-05-2008 12:51 AM

ان شاء الله يرجع لينا بالسلامه وبجد هو شخصيه محترمه و بيساعد جدا في اي استفسار و كمان دمه خفيف و طبعا كلنا عارفين انه زعيم عصابه البيجو

**ابو سيف** · 05-05-2008 01:24 AM

المشاركة الأصلية كتبت بواسطة the-hero

أخر مرة تليفونه مبيردش وبعت لى رسالة على الخاص بيقول ان موبيله ضاع وهيرجع الخط ولسه لحد دلوقتى مبيردش على الموبيل بس أن شاء الله يكون بخير بس مشغول أكيد فى العربية البيجو بتاعته حاجة أساسا تطير العقل وخصوصا لما تكون بتحب عربيتك ومتهوس بالماركة بتاعتها زيه وزى كمان دانا نايم بحلم أنى بعدل فى العربية وبشترى قطع غيار الواحد طرمبة المخ بتعتة فوتت شكلها مع أنها بيجو فرنساوى

هوا كان في عز ما هوا مشغول على العربيه بيتواجد في المنتدى بقدر الامكان على الاقل بالليل وواضح انه رجع الخط تاني
بس بردو مبيردش !!!!
عموما يا ريت لو تعرف توصله في اي وقت او كلمته في اي وقت تطمنا عليه

**Dr Ahmed** · 05-05-2008 01:54 AM

ياترى إنت فين يا هانى
جعان وللا عطشان
بردان وللا سقعان
------------------!!!
إيه يا إخواننا الدراما دى؟
------------------
اللى يعرف معلومة تطمنا ياريت مايبخلش علينا بيها
واللى ما يعرفش يدعيله يكون بخير

**3mr Farrag** · 05-05-2008 01:56 AM

انا فعلا بدات اقلق....
لأني نزلت قبلته في يوم ...و كنا متفقين حتا ننزل الوكاله تاني يوم
و مكلمنيش و لا بيرد علي الموبيل ولا حتا في البيت
انا عارف هو ساكن فين....بس مش عارف بيته بالظبط