هل هو مركز متكامل عنده أجهزة كشف زي التوكيل بحيث اللي يشتري عربية يكشف عليها عنده وتقاريره موثوق فيها
عرض للطباعة
بص..انا ماتعاملتش معاه غير مره واحده وكنت رايحله بتوصيه من زبون قديم عنده (اصله عايش ف دور الخبير الاجنبى)..حط العربيه على الكومبيوتر وبص على الموتور وربع ساعه وقاللى العربيه زى الفل الف مبروك...ومارضيش ياخد فلوس..بس انا اديته 100 جنيه قولتله عشان الصبيان واخدهم
ماعتقدش ان الموضوع مستاهل اكتر من كده..الا لو انت عندك شكوك ف حاجه معينه والعربيه هاتترفع وقصص..انا كنت فاحص البودى والشاسيه عند سمكرى ثقه معرفه قبل ما اروحله..وكنت رايحله يكشفللى على الموتور وبس
هو حضرتك عايز تكشف على موديل إيه ؟ ، لو موديل حديث e90 أو e60 أو x3 على سبيل المثال ، محتاج حد فاهم قوي مش مجرد كشف موتور وشاسيه لأن الإلكترونيات في العربية دي أكتر من الميكانيكا ، وتكاليف تصلحها لو فيها مشكلة لا قدر الله أغلى من تكاليف تصليح مشاكل العفشة والموتور . فمحتاج تكشف عند حد عنده جهاز فحص متخصص bmw وكمان يكون فاهم في الحاجات دي كويس عشان يعرف عيوبها
يعني كدة حضرتك محتاج كشف على البودي (سمكرة ودوكو وشاسيه ) ، وميكانيكا يعني موتور وعفشة ، ودول مش مشكلة كبيرة ، أعتقد منصور ممكن يعملك الكشف د كويس وأي حد في الحرفيين ، يا إما سمكاري كويس مع أي حد عند جهاز BMW عادي لفحص الموتور .
أنا كان سؤالي عشان لو موديل أعلى كان هيبقى محتاج كشف على الأيرباج وال-ABS وال-iDrive وغيرها من الحاجات إلي بتكون في العربية وتكاليف تصليحها غالية جداً ومش أي أجهزة هتكشف عليها لازم أجهزة BMW الأصلية ودي مش موجودة كتير في السوق ،
وبالتوفيق إن شاء الله في الشراء
على فكره منصور ممتاز وهو اللى كشفلي على عربيتي قبل ما أشتريها... هو كشفلي على 5 قبلها وطلع فيهم عيوب..منهم واحدة كان كبوتها إتفتح على سرعة وكان معلم علامات خفيفة على السقف بس هو لاحظها...ده بالاضافة لعدد من العيوب التانية..!
عنده الكمبيوتر وعارف كل الأكواد! ده حتي أنا شفت عنده الفئة السابعة بتتصلح هي والإكس 3!!!
خللي بالك ان ال اي 90 كتير شباب راكبها فحاول تدور على واحدة يكون صاحبها مش شاب.
تحياتي.
طيب حد يعرف حاجة عن الشيخ طارق فوزي اللى عند كوبري الجيش الجديد عند منطقة اربعة ونصف طريق الرحاب