مركز صيانة فى الاسكندرية ؟!!

**tttottti** · 15-07-2011 04:20 PM

هوا ليه مفيش مركز زى عصام وصفا كدة عندنا فى الاسكندرية بدل التوكيل ؟!!!!

**tamerosman** · 15-07-2011 07:39 PM

انا كمان من اسكندرية و باضم صوتى لصوتك

بيقولو فى ميكانيكى اسمه ايهاب فى ميامى شارع 45 بيشتغل قى الجين 2 حد جربه ؟

**RedBull_30** · 15-07-2011 10:48 PM

في واحد تاني و بجد ممتاز وبيشتغل في كل الجديد واهم اللي بيشتغل فيه هي الاوكتافيا والرينو والدايو واللي يشتغل في الاوكتافيا يا جماعة يبقى البروتون لعبة في ايده .. وجربته كتير و بصراحة عنده مجموعة صنايعية تحس انه مربيم على ايده وهو فاتح مكان تاني غير اللي في 45 .. فاتح في ابو قير و قريب اوي من المرور هناك

**tttottti** · 16-07-2011 01:10 AM

طيب ممكن توصفلى عنوانة فين بالظبط وهل عندة قطع غيارها ولا لا وهل انتا بتتعامل معاه ؟

**tamerosman** · 16-07-2011 01:30 AM

المشاركة الأصلية كتبت بواسطة redbull_30

في واحد تاني و بجد ممتاز وبيشتغل في كل الجديد واهم اللي بيشتغل فيه هي الاوكتافيا والرينو والدايو واللي يشتغل في الاوكتافيا يا جماعة يبقى البروتون لعبة في ايده .. وجربته كتير و بصراحة عنده مجموعة صنايعية تحس انه مربيم على ايده وهو فاتح مكان تاني غير اللي في 45 .. فاتح في ابو قير و قريب اوي من المرور هناك

انا عندى رجة جامدة فى الدركسيون بعد سرعة 120 و عايز اروح ارصص و كنت ناوى اروح عند بريدج ستون اللى فى لوران على البحر بس قريت كذا موضوع هنا بيقولو ان بريدج ستون بتاع اسكندرية مكن الترصيص عنده مخرف و بوظ عربيات ناس معنا هنا فى منتدى بروتون

ياريت لو حضرتك تعرف واحد بتاع ترصيص يكون محترم فى اسكندرية ؟

**RedBull_30** · 17-07-2011 01:23 AM

المشاركة الأصلية كتبت بواسطة tamerosman

انا عندى رجة جامدة فى الدركسيون بعد سرعة 120 و عايز اروح ارصص و كنت ناوى اروح عند بريدج ستون اللى فى لوران على البحر بس قريت كذا موضوع هنا بيقولو ان بريدج ستون بتاع اسكندرية مكن الترصيص عنده مخرف و بوظ عربيات ناس معنا هنا فى منتدى بروتون

ياريت لو حضرتك تعرف واحد بتاع ترصيص يكون محترم فى اسكندرية ؟

روحله تاني بس خليه يحط الترصيص اللزق مش اللي بيدبس في شفة الجنط وانا مجربهم والحمد لله النتيجة ممتازة وتقدر ترجعلهم لو فيه مشكلة

**RedBull_30** · 17-07-2011 01:40 AM

المشاركة الأصلية كتبت بواسطة tttottti

طيب ممكن توصفلى عنوانة فين بالظبط وهل عندة قطع غيارها ولا لا وهل انتا بتتعامل معاه ؟

انا بعت لحضرتك رقم الموبايل الخاص بيه برساله على الخاص .. بس معلومة للجميع هو معندوش قطع غيار للبروتون وموضوع قطع الغيار ده بقى سهل وفيه محلات كتيرة في اسكندرية بقت بتجيب قطع غيار بروتون وطبعا الفني اللي بيركب قطعة الغيار برضو مهم جدا و صدقني الصنيايعية اللي عند الراجل ده عندهم فكر مش موجود في المهندسين اللي مليين مراكز بروتون