موضوعى هنا عايز الناس تساعدنى فيه بارائها حيث اننى شاب وعايز اجيب عربية مستعملة وتكون موديل من 2006 الى 2007 وتكون عربية محترمة واعتمادية وفيها اوبشنز وعفشتها ناعمة
انا ليا صديق نصحنى باما بيجو 307 او رينو ميجان وف واحد اخر قالى مازدا 3 فانا عايز من الاعضاء يفيدونى ايه العربية الاعتمادية ومش لازم من اللى ذكرتهم المهم عندى انها تكون عربية حلوة وشيك ومش تتعبنى
لو ملكش فى الصيانه المنتظمه يبقى ابعد عن الفرنساوى
ممكن تشوف نيسان صنى -اوبترا-جين 2 -سيفيك 2002
من الاخر لانسر أو نيسان صني:7_9_6v[2]:
النيسان صنى بحس انها عائلية مش شبابية ولانسر البومة منتشرة ودى ميزة بس فقيرة ف كماليتها مش زى المازدا او البيجو 307 ولا انتم ايه رايكم اما بالنسبة للصيانة فانا ملتزم وهراعيها اكيد بس ميبقاش التوكيل غالى عليا ف صيانته والجين تو حلوة برده وشبابية وصاجها حلو وثبات جميل بس خايف من قطع غيارها وكمان اخاف اجيبها تكون مهنكة من الاستعمال عشان انا اسمع ان العربية دى تتجاب جديدة بس مش تجيبها استعمال
والله الجن جميلة وشبابية بس التوكل بيشتكوا منه كتير خد لفة في القسم بتاعهم وإنت تعرف طيب إيه رأيك في شيفورليه افيواقتباس:
المشاركة الأصلية كتبت بواسطة moody_687
الشيفر بانواعها مش احبها انا عايز عربية فيها اوبشنز وعفشتها ناعمة ومحترمة انا بصراحة معجب بالمازدا 3 وبيجو 307 وف ناس بتنصحنى بالميجان وفيها ايرباجز كتير وملتى فانكشن يعنى حاجات تغرى بصراحة بس انا قولت اشوف اراء الناس يعنى اللى بيقولى المازدا لو حابب تشد ع الطريق وقوة ماتور وعفشة حلوة وفيها مالتى فانكشن وعربية يابانى 100% و البيجو فرنساوى وطبعا مش هتكلم عن الفرنساوى والميجان اقل الفرنساوى بالرغم ان فيه اوبشنز اكتر من البيجو بكتير فانا محتار وابعدونى عن الكورى بانواعه
متابع الموضوع
بعد اذن صاحب الموضوع ........... هي 70 تجيب كورولا حالتها كويسة ؟
لو غاويها مفيش غيرها الميجان طبعا بس حافظ عليها حتركب عربيه تمنها المفروض 150 الف مش 70 الف
بس حكم السوق فيكى يامصر
الكورولا الشكل القديم مش شبابى خالص وطبعا بالنسبالى خارج المنافسةاقتباس:
المشاركة الأصلية كتبت بواسطة megamoudy
الف شكر يااستاذى وفعلا ف ناس نصحونى بيها وقالولى الميجان تتجاب مستعمل مش تجيبها جديدة عشان السعر بتاع الرينو بينزل عموما بس هل ياترى تستحمل مطبات شوارعنا وحوار الصاج الفيبر يخليها خفيفة ع السرعات العالية ولا ايه نظامهااقتباس:
المشاركة الأصلية كتبت بواسطة moustafa_saad
العربيه دية انا مركبتهاش للاسفاقتباس:
المشاركة الأصلية كتبت بواسطة moody_687
بس ماشوفتش حد ركبها واشتكى من ثباتها ولا حلاوة سواقتها
عربيه تحفه فعلا وغريبه ان كل اللى بيشتم فيها عمره ماركبها
ادخل قسم رينو واسال اصحابها عن ظروفها ووضعها وقطع غيارها وصيانتها وانا ملاحظ منهم انهم بيتعاملوا معاها كويس وقطع غيارها بيقولوا ارخص من اليابانى كمان
وعلى فكره مش كل الرينو سعره بيقع فى البيع
هى الميجان بس تقريبا
عندك اللوجان 2010 بتتباع بسعر 60 الف يعنى ممكن تجيب ميجان 2007 رغم الفرق الرهيب بين امكانيات العربيتين وسعر الميجان الجديد اللى ضعف سعر اللوجان بالتمام والكمال
بس الناس بتدورعلى الحاجه اللى صيانتها سهله ومش متعبه علشان كده بتبعد عن الميجان وبتتجه للوجان بالنسبه للرينو
الميجان عربيه ليها وضع وبريستيج ومش متهانه فى الايجار والمكاتب وتحس انها عربيه شعبى وكله ده ب70 الف بس كمان
الف شكر ياستاذ مصطفى وانا فعلا عايز عربية مش تكون منتشرة جامد بس عايز تفاعل اكتر من الاعضاء وانا شايف ان مفيش حد بيفضل بيجو 307 ولا مازدا 3 مش غريبة ده