اخر اخبار مليونية تاييد المجلس العسكرى - اسفين يا مجلس

**som3aa** · 15-07-2011 05:41 PM

الملاييين من الجماهيير الصامتة تتوافد على روكسى

http://www.almasryalyoum.com/node/477436

الملايين تشتبك مع بعض

http://www.almasryalyoum.com/node/477436

شهدت مظاهرة تأييد المجلس العسكري التي شارك فيها العشرات بميدان روكسي في مصر الجديدة، اشتباكات عنيفة بين المشاركين وبعضهم، بسبب إشادة أحدهم بالثورة، مشددا على ضرورة القصاص للشهداء «لكن دون هجوم على المجلس العسكري»، وهو الأمر أدى لاشتباكات بالأيدي، بين المشاركين في المظاهرة المليونية، التي دعت لها جمعية الأغلبية الصامتة، وشباب الاستقرار، ولم يحضرها سوى العشرات. ومنع عدد من المتظاهرين زميلهم الذي طالب بالقصاص، من إكمال كلمته، وطردوه خارج المظاهرة.
وفي السياق نفسه، اعتدى المتظاهرون بميدان روكسي على أحد المواطنين بسبب رفعه لافتة تنتقد المجلس العسكري، قرب المظاهرة، وأدى الاعتداء إلى إصابة المواطن بجرح قطعي في الشفة العليا.
وكانت حركة شباب الاستقرار قد نظمت من قبل إلى عدة مظاهرات بميدان مصطفى محمود لرفض محاكمة مبارك وتدعو إلى تكريمه باعتباره يمثل «تاريخ مصر».

عشرات الالاف من الملايين يعتدوا على مصور اليوم السابع علشان صورهم و بان عددهم

اليوم السابع | متظاهرو روكسى يعتدون على صحفى "اليوم السابع"

مسحرة و الله
احنا اسفين يا مصور

**AmAhmed** · 15-07-2011 06:19 PM

بلا تحرير بلا سذاجه بنحب المشير اخر حاجة

الناس دي عايزه مدرب هتافات محترف من التحرير

لما توقعت فشل هذه المظاهرة لم اتوقع ان تكون بهذا الشكل .. قلت حتكون 1000-3000 .. مش 100 واحد و بيضربوا الصحفيين لما يصورا عددهم

المظاهرة تضر المجلس العسكري اكتر ما تدعمه

و مازالت القناة الاولي في احلام مظاهرة "حاشدة" في روكسي

**som3aa** · 15-07-2011 06:24 PM

و مازالت القناة الاولي في احلام مظاهرة "حاشدة" في روكسي

انا بتفرج على قناة النيل , الراجل اللى جايبينه يعلق قال للمذيعة الخلاصة انا شايف عشرات فين الالوف اللى بتقولوا عليها دى؟؟

مش ممكن القنوات الحكومية دى محتاجة تتقفل و المذيعين اللى فيها تترفد .

و الله فعلا المظاهرة تضر المجلس العسكرى اكتر , لما واحد يعدى قدام روكسى و يلاقى الاشكال دى و بيقولوا على نفسهم 7000 و فى تزايد يقول ايه
لا و بيشتبكوا مع بعض كمان!!!

هو فين الاخوة بتوع احنا اسفين يا ريس قصدى يا شفيق قصدى يا مجلس اللى علطول بيعلقوا هنا , اوعى يكونوا من ضمن ال100 اللى فى المظاهرة؟؟

**Everlasting** · 15-07-2011 06:24 PM

ههههههههههههههههههههههههه هههههههههههههههه

**misoalex** · 15-07-2011 06:32 PM

خليهم يتسلو

**nevozaky** · 15-07-2011 06:33 PM

ما افتكرش انا فى حد هنا بجد من بتوع احنا اسفين يا ريس او اسفين يا شفيق .
بس الناس هيه اللى بتتوهم بكده .
كون انهم عايزين الدنيا تهدى شوية وتتحقق المطالب بردو للناس كلها بس بعقل شوية ما افتكرش انه غلط اوى .
وكل واحد ليه دماغه وفكره ووجهات نظره .
بس فى الاخر الكل عايز المصلحة ليه وللبلد ولينا كلنا مع اختلاف الاساليب فى الحصول على المطالب والمصلحة دى .
وكلنا عارفين الاعلام المصرى واسلوبه مش جديدة عليه يعنى واودامه سنين علشان يغيروا طريقتهم دى
تقبلوا تحياتى ورايى المتواضع

**misoalex** · 15-07-2011 06:35 PM

شهدت مظاهرة تأييد المجلس العسكري التي شارك فيها العشرات بميدان روكسي في مصر الجديدة، اشتباكات عنيفة بين المشاركين وبعضهم، بسبب إشادة أحدهم بالثورة، مشددا على ضرورة القصاص للشهداء «لكن دون هجوم على المجلس العسكري»، وهو الأمر أدى لاشتباكات بالأيدي، بين المشاركين في المظاهرة المليونية، التي دعت لها جمعية الأغلبية الصامتة، وشباب الاستقرار، ولم يحضرها سوى العشرات. ومنع عدد من المتظاهرين زميلهم الذي طالب بالقصاص، من إكمال كلمته، وطردوه خارج المظاهرة.
وفي السياق نفسه، اعتدى المتظاهرون بميدان روكسي على أحد المواطنين بسبب رفعه لافتة تنتقد المجلس العسكري، قرب المظاهرة، وأدى الاعتداء إلى إصابة المواطن بجرح قطعي في الشفة العليا.
وكانت حركة شباب الاستقرار قد نظمت من قبل إلى عدة مظاهرات بميدان مصطفى محمود لرفض محاكمة مبارك وتدعو إلى تكريمه باعتباره يمثل «تاريخ مصر».

فين اللى بيقولو على اللى فى التحرير بلطجيه وواخدنها بالدراع