العربية بقالها سنة و نص و مابمشيش بيها الا قليل و بعمل الصيانة فى مواعيدها و اخرها ال5000 من 15 يوم
النهاردة نزلت لقيت الباور مش شغال و الزيت قل فى علبة زيت الباور و نازل زيت على علبة زجاج المساحات بس مش لاقى التسريب فيين
حد يعرف يبقى ايه ايه المشكلة و ياترى هاحاسب ولا عيعتبروها فى الضمان يا ريت حد يقولى انا بتنفخ اساسا من العيال اللى عاملة مهندسين فى التوكيل دول
و بصراحة مش عاوز ادفع ولا مليم لانى معملتش حاجة غلط افيدونى افادكم الله
بص اللي انا اعرفه ان الصيانة كل 5000 كيلو
ولو حضرتك بتمشي بيها قليل يبقا كل مدة مش فاكر كل اد اييه تقريبا كل 6 شهووور
فانت رووح التوكيل واعمل الحتة المصري وان شاء الله كله يتحل :p
خرطوم الباور ضرب اكيد
بيتغير بسهوله متقلقشى حاجه بسيطه
بس اوعى تمشى بيها كده احسن تحرق ماكنة الباور
طيب يعنى ماروحش التوكيل و اجيب حد يغير الخرطوم هنا
اما المشافة بينى و بين التوكيل 15 دقيقة تفتكر دى فيها مشكلة زى ما حضرتك بتقول تحرق ماكينة الباور ؟
زود زيت قبل ما تتحرك
قصد حضرتك علبه ميه المساحات ؟ و ازاي زيت الباور جه عليها ؟ يا ريت لو تصورهااقتباس:
و نازل زيت على علبة زجاج المساحات
لو انت ملتزم مع التوكيل وبتتعامل معاهم على طول يبقى اتصل بيهم وخليهم هما يتصرفوا اذا كان حيبعتلك عربية صيانه او يقولك زود زيت وهاتهااقتباس:
المشاركة الأصلية كتبت بواسطة elgentel
لو انت شغال مع ميكانيكى بره يبقى خلاص هات ميكانيكى عند العربيه يغيرلك الخرطوم
بالنسبة للزيت مش جوة مياه المساحة هو علبة زيت الباور تعتبر فوق علبة المساحة فجه عليها زيت
طيب يبقى ازود زيت الباور افضل لو قولتلهم يجو ياخدو العربية هادخل فى مصاريف كتيرة بس الزيت بتاع الباور د متوفر ؟؟؟؟
موجود عند
اي حد بتاع قطع غيار
طالما عربيتك تبع الضمان يبقى المفروض هما يتكفلوا بيها سواء اصلاح فى المكان او نقل للتوكيلاقتباس:
المشاركة الأصلية كتبت بواسطة elgentel
انا بتكلم عالمفروض بس طبعا توكيلات العربيات فى مصر منهم لله كلهم
دا كدا في تسريب باور حصل في دورة الباور و من المرجح غن التسريب من المكان اللي ضارب فيه الزين و إحتمال كبير يكون من خرطوم قربة الباور
حضرتك دلوقتي مينفعش تمشي بالعربيه و هي ناقصه زيت و إلا طلمبة الباور هاتتحرق
يبقي حضرتك تشوف الأنسب ليك أيه يا تجيب ميكانيكي و يعالج العيب (يلصمها) و تطلع علي التوكيل تغير الأجزاء التالفه في الضمان و هاتكون في الغالب أفيز سايب لكن لو خرطوم خلي التوكيل يعمله
يا إما تتصل بالتوكيل يبعت حد يتصرف في العربيه
و الحل الأول أنا شايفه أفضل
ياحسام باشا لو جاب ميكانيكى مد ايده فى العربيه لما يروح التوكيل حيقولولوا مانعرفكشى بعد كدهاقتباس:
المشاركة الأصلية كتبت بواسطة hossam99
انت مش عارف غبور وعمايله وتوكيلات مصر كلها عموما زى الزفت
هو يتصل بيهم اضمن ويشوف ايه اللى حيحصل معاهم
انا شايف فعلا انو مينفعش يمشى بيها او زاى ما حضرتكو قولتو يتصل بيهم يبعتو حد
لو مبعتوش حد هو هيطر ياجر عربية تشلها بتاعيت الاعطال دى ويروح يرميها ليهم هناك ويعمل ليهم فضيحا
وانا اعتقد ان العيب بسيط على حد علمى
اقتباس:
المشاركة الأصلية كتبت بواسطة moustafa_saad
لا يا أستاذي غبور مبيدققش في الحاجات البسيطه دي
أنا مركب زيادات كهربا و بعمل صيانات خارج التوكيل و الضمان شغال زي الفل أروح أقول بشتكي من كذا بتتحل الحمد لله
لا تقلق إحنا برضه مسيطرين و مظبطين
فى خدمة منزلها غبور اسمها الصيانه فى البيت
يبجوا بعربيه بيعملولك الصيانه عند البيت
كلمهم قولهم على الى حصل وهما هيقولولك
شكرا يا جماعة الحمد لله اتحلت
اضطريت اجيب زجاجة زيت باور ب 30 من بنزينة توتال
و حطيت منها كذا مرة عبال ما وصلت للتوكيل المشوار 15 دقيقة
دخلت المهندس قالى د افيز محلول و هانتصل بيك لما نخلص العربية و نطمن ان مفيش تسريب جديد
المهنم بعدها ب 4 ساعات اتصلو بيا و رحت استلمت العربية و قبل ما امشى قولت ادور على المهندس اعرف كان فيها ايه
المهم قابلتو قولتلو خير قالى ان الخرطوم زيت الباور مقطوع ب كاتر ؟؟؟؟؟ سبحان الله يعنى حد فتح الكبوت و قطع الخرطوم من تحت مش بالعرض قولتلو ازاى قالى خلاص احنا صلحناها فى الضمان محبتش اكتر فى الكلام و الحمد لله كلة تمام و شكرا جزيلا على اهتمام الجميع
طب الحمد لله ان العربيه اتظبطت
الحمد لله علي كل حال
الخرطوم ده أتقطع (حصل فيه شرخ من تغير درجات الحراره المستمر و عدم أستخدام العربيه بإستمرار